اخر الاخبار
تم اقفال ست مئه مطعم شورما في عمان ,,وصحاب المطاعم يحتجوا
علىالقرار الظالم
وكان سبب القرار بعد ان تسمموا 236 شخص اكلوا شورمة
دجاج غير ناضجه
مما سبب في تسممهم ودخولهم المستشفيات ومابعرف ان في وفيات بصراحة
لانني سمعت الخبر الان وحبيت انقله لكم بدوري ,,
واعترضوا بعض التجار ,,بقولهم ان اخطئ احدهم ببيع شورما نيئة وكان سبب الكارثة
ماذنب باقي المطاعم انتوا شو رائيكم ؟؟؟
يبقى الحذر من الاكل الجاهز والوجبات السريعة ولكن للضرورة احكام ,,
والرزاق موجود ,,وقطع الارزاق من قطع الاعمار ,,
وسمعو هالخبرية صارت معي شي زرت الاسكندرية
ومن اربع سنين كنت هناك بشهر شباط تحديدا وكان نفسي اكل كشري
وسئلت عامله بمحل لبيع الحجابات ,,اوين في مطعم عنده كشري اسكندراني يكون مشهور
بتحضير هالطبق ,,قالتلي اوعي تاكلي الكشري لان تسسمم عد كبير من اكل الكشري
بنفس الفترةوهي من بين الي دخلت المستشفى وبقي نفسي اكل شورما
لاكن الروح مابعزقة استغنيت ورحت اكلت سندويشات فلافل
نسيت اسمه بالمصري (الطعمية بالشطة )
دخل الله يعني شو فرقت بين الكشري والطعمية !!!!
هيداالي صار معي وبدون مبالغه ,,اليوم قفل مطاعم الشورما ذكرتني بالي مضى
يعني الشيئ بالشيئ يذكر ,,,
هل حصل معكن موقف مشابه
يا هلا بالغالية
ماما حميدة
طبعا مش من العدل ان تغلق محلات الشاورما لهذا السبب
هيك بياخدوا الصالح مع الطالح
أنا صار معي موقف هادي المرة و أنا في مصر
طلبنا عالبيت بالتليفون
كشري لأبني و بنتي و ابن خالتهم كانوا نفسهم يتعشوا كشري
و بعد ما وصل الطلب و بدأو ياكلوا
لاقيتهم بيقولوا الكشري كله رمل … ذقته فعلا كله رمل
اتصلنا على المحل و قلنا لهم عالمشكلة
مدير المحل استنكر الشكوى و قال عمرها ما صارت معنا
و كيف يعني رمل وووو ………….
و في النهاية قال : على كل حال بنبعت لكم طلب تاني
قلت له ..لأ العوض في وجه الله
لكن احنا ينحكي معكم بس عشان سمعة المحل
و اذا به يتبدل و يغير اسلوب كلامه تماما
و اعتذر بشدة و شكرنا جدا عالتنبيه
و انتهى الموقف
لكن تاني يوم كل اللي عرفوا بالموقف
لاموا عليه اني ما قبلت أجيب طلب تاني
و قالوا اني كنت غلطانة و اني فرطت في حقي
هذا موقف بسيط و على رايك الشيء بالشيء يذكر
مشكورة على الموضوع اللطيف
حتى لو راح الصالح مع الطالح , هو لما بيكتر الطالح ما بترك مكان للصالح حتى يبان ويظهر , على العكس هيك ببطل في ثقة من الناس بكل المطاعم
ثم يعني ما في اسهل من عمل الشاورما انا بعملها بالبيت وبكون مبسوطة جدا فيها , لاني بعرف اني اشتغلت بايدي وواثقة من نظافة أكلي ..
اللي بيشتهي شاورما يتفضل يزور قسم الاطباق والمعجنات ويدور على طريقة عمل الشاورما باللحم وبالدجاج
وللعلم في كمان شاورما بالسمك يممممممم يمممم شو زاكية
واخيرا
حكومتنا ما بتتخذ قرار الا بتكون عارفة بمصلحة الجميع ,,,
نعم القرار موجود الان في الاردن وهو مطبق لشاورما الدجاج فقط " اللحمة والسمك " غير مشمولة
صدقيني هو قرار احترازي فقط
والمنطقة اللي صار فيها التسمم هي منطقة شعبية جدا جدا ومطاعمها لا تهتم بمواضيع النظافة والصحة
واللي يريد يعرف الموضوع هاهو
الموضوع انه مسموح صحيا بان يكون قطر لحم الدجاج حول سيخ الساورما 20 سم فقط
واللي يصي انه المطاعم توصله لحد 70 سم
وهكذا لا ينضج لحم الدجاج البعبد عن مركز النار
هذه هي القصة
أما موقف مشابه حدث لي
كنت في الجامعة وصايمة وعندنا امتحان كيمياء
كمتا انا وزميلة لي ندرس
متنا من الجوع ههههههههههه
أسرت انه نروح نفطر علشان نقدر نركز في الدراسة
المهم رحنا المطعة وللاسف ماتلقينا الا شاورما لحمة
والله اول لقمة اكلتها منها للان ما أتسى رائحة اللحم المقرف
طبعا هذا يتكرر في معظم الدول تقريبا
وانا انصح باكل البيت
الحمدلله الي منعوه، لانه هذه مش اول حاله عنا في الاردن بيصير فيها تسمم.
و يمكن يتعظو شوي اصحاب المحلات الثانية على مخالفاتهم، لانه ارواح الناس مش
لعبة بايديهم ، انا عن نفسي في الصيف ما بحب اكل من بره لكثرة الجراثيم و سرعة
فساد الاطعمة .
ياصباح الخير لاحلى صبايا
حبيبة البي نوارة
بتعرفي كان حقة يغير لك الطلب وهوماصدق قلتيلهمابدنا
غيرهم لقاها من الله
يللا حصل خير ,بتصدقي هون عنا ان حصل هيك موقف
بيغيروا الطلبية كلها ,,من اجل سمعة محلهم ,,
لكل بلد حسناتها وسيئاتها ,,,خبرني كيفتعلمتي تعملي كشري
ولا بدك الوصفة خبرينا ولعيونك وبلا اكل الجاهز
لكت ولادنا بيستحلوا مرات ,,
ياهلا ام الكابتن
حبيبتى نوورت وكلام عين العقل اكل البيت الذ وانضف واوفر
للعيله بياكلوا وبيتهنوا بلقمتهم ,,ويللا علىقسم الاطباق
والمعجنات بس !!!!!
اوعى خبص بالاكل ماصدقت نزل وزني بكرا برمضان ان ضعت بلتقى بقسم
المعجنات عند وعود الخير
شكرا لمرورك وتعقيبك
ياهلا بالغالية الاء
جزاك الله خير علىالمعلومات ,,والدوله وماقصرت باخد قرارها
حرص علىسلامة المواطنين ,,
وعلى رائيك نادر لناكل شي براالبيت ونتهنى فيه ومن ترك
شي عاش بلاه انا حتى البيتزا بعملها بالبيت
والهمبرغر نادر لناكل برا الا المشاوي بايام الشتاء
في مطعم لبناني وكتير نضيف لان صاحب المطعم حريص
علىاسم المحل ,,عنده باكل وبالي مرتاح ,,,
امونة كيفك حبيبتي
قليل يعين ماول مرة بتحصل هيك امور ,,والناس بدها وجبه سريعة
وبيني وبينك معقول بيصير حلات مشابهو الناس مابتعرف
نتمنى يكون في ضمير من صحاب المطاعم لان هي ارواح ناس
حسبي الله ونعم الوكيل ,,علىالله يكون هيدا درس الهم
والله لا يضر حدن ,,,
وشكرا للجميع لردودكن ودمتوا بخير
ماما حميدة الغالية الموضوع يهمني أكتر لأانني من اللواتي يأكلن في المطاعم بصفة مستمرة والحمد لله لم أصب بشئ لحد الان ربما في المستقبل إن لم أتعلم الطبيخ جيدا لأنني الان تعلمت أن أطبخ فقط الارز بالسلسة و المكرونة بيشاميل هههههههه أنا طلعت من الموضوع
لكن بخصوص الاقفال يا ماما حميدة لا أضن أنه من العدل أن يعمم الاقفال على الاخرين بل يتحققون عن طريق مفتشين للحوم و فرض عقوبات لمن تعمد الضرر بالمواطنين لكن إقفال المطاعم كلها هدا لايرضي لا الله سبحانه بحيت يقطعون باب رزق المطاعم و يحرمون عشاق الشوارما من أن يتمتعو بطعمها اللديد
الله يهدي الحال ويرجع لأصحاب الحق حقوقها و يشفي المصابين و يعدب الناس ألى مايهمها غير جمع الفلوس على حساب صحة المواطنين
أختك مغربية غريبة
وعلى هذا الخبر لكن لي تعليق بسيط
مو شرط تكون قلة النظافة في الشاورما فقط
اعتقد ان اي اكل بيجي من برا البيت معرض انه
يكون متسمم او غير نظيف
مع اني احب الاكل اللي من المطاعم اكثر من اكل البيت
ومقتنعه انها قد تكون متسممه
لكن الشاورما ما اكلها كثير
وعلى فكرة اكل البيت احلى و الذ
و شكرا