قصة أيامي الحزينة 2024.

/

كنت طفله دلعوها وبقليبه ولعوها
بس لا ماحذروها لاتمادى في غلاه
كل شي علموها
درسوها وشجعوها
وفهموها بالغلط وشهي تعني هالحياة
/

/

كنت اظن ان الحياة لعبة حلوة لي اشتروها
وكنت اظن اني اببقى طول ايامي معاه
انعم بوافي دفاه
كان كل همي اشوفه واشتري بروحي رضاه
وياكثر ماافرح الى منه رجع لي بالهدايا
وايده يخفيها وراه
اتباهى بالهدايا دوم قدام البنات
واحكي عنه وعن غلاته وعن مدى فرحي بلقاه
/

/

لاتلومو قلب طفله لو شكا حزنه وعناه
هذي ماهي أي طفله
هذي طفله دلعوها وبقليبه ولعوها
فهموها بالغلط انه امها وابوها
بعد هذا
بكلمة وحده حطموها
بكلمه وحده الف طعنه طعنوها
وقتلو فيها الامل
وكرهوها بالحياة
بكلمه وحده اصدموها في خبر يوم الوفاة
آه ياقسوة زمان مارحم ضعف الفتاة
كشر بوجه الطفوله والبراءه
وبدل الفرحه بشقاه
/

/

زادت الدنيا بعناها من بعد يوم الوفاة
وكبرت هالطفله تشكي ومابيدها الابكاها..
وبالقلم تكتب رثاها..
هذي الطفله تسطر حرفها وتثبت وفاها..
وتذكره بالخير دايم وله تدعي بالصلاة ..
ربي يرحم من فقدت ويشمله بعفوه ورضاه..
وبالجنان ربي يجمعني معاه..
/