شلووونكم حبايب قلبي … وشلوون الصيف معاكم …
عشانا كان كانيلوني المعكرونة والتحلية كانت حلى السمبوسة …
حيااااااااااااااااكم …
نبدي مع اول طبق …
كانيلوني المعكرونة .. اول مرة اسوية .. وهاذي صورته ..
يسلق بماي مملح حتى يلين شوي تقريبا يحتاج من 8 الى 10 دقايق ..
نجهز الحشو …
نجيب اللحم المفروم ونحط بجدر على النار حتى يصير لونه ابيض ونضيف له البصل حتى يذبل ..
ونضيف يهارات " بهار مشكل_ فلفل اسود _ كمون " وملح .. ونضيف بعدها علبة معجون طماط ..
ونخليه على النار الى ان يقرب يستوي وبعدها نضيف خضار مثلجة تقريبا كوب ..
ونتركها على النار الى ان تتسبك ..
نجهز اسهل باشميل بالعالم .. واهو باشيمل رمانة …
نحضر لتر حليب يعني 4 اكواب .. ناخذ منه تقريبا نص كوب ..
نحطه على النار ونتركه الى ان يغلي مع اضافة رشة ملح ..
نجيب اربع ملاعق ممسوحه من الطحين ونذوبها بنص كوب الحليب اللي شلناها مسبقا ..
نضيف الطحين الى الحليب المغلي ونركه الى ان يثقل .. وبس ..
الحين نبتدي بتحضير الطبق …
ناخذ الكانلوني ونحشية باللحم المفروم ونصفه بصينية مدهونة …
ونصب عليه الباشاميل .. وندخله فرن حار حتى يستوي .. وبالعافية ..
اسمحولي .. بنتي كلت منها شوي قبل لا اصورهاا .. عليها بالعافية ..
صورة مقربة …
لاتردون باقي الحلا …
الحلا كان عبارة عن ..
شرائح سمبوسة نقصها بالنص ونطبقها على الطرف ونلصقها بشوية عجين " طحين + ماي " ..
نقليها حتى تحمر .. ونصفها بالصينية …
نشربها بحليب نستلة المكثف المحلى ونرشها بالقرفة المطحونة " دارسين " ونزينهاا بالسمسم المحمص .. وبالعافية …
لاحظو .. اني حطيت في نصها سمسم والنص الثاني ما حطيت .. لان البعض عندي مايحب السمسم فحبيت ارضي الكل …
صورة مقربة ..
انتهى موضوعي …
الحمدلله على كل النعم ..
عطوني رايكم … ولاتنسون عيالي من دعواتكم الحلوة … ولكـ بالمثل …
محبتكم … رمانة …
وصحتين وعافية على قلبها بنوتك ربي يحفظها
طريقة السمبوسة عجبتني خصوصا لو بقي عندنا بقايا بعد حشو السمبوسة
واطباق ولا اروع يا عسل
يعطيكي الف عافية
ربي يباركلك فيهم ويحميهم
وتشوفيهم افضل مما تتمنين
ااااااااااااااااااااامين
أطباقك رااااااااااااائعة
تسلم الأيادي يا غاليه روعه … ربنا يحفظ لك أولادك
ويعطيك العافيه على الطبق والتحليه
ماننحرم من ابداعتك ياعسوله
وربي يعطيكم على كثر دعواتكم لي واكثرر …