** كب كيك البيتزا وشوية معجنات لعيونكم من مطبخي 2024.

بسم الله الرحمن الرحيم

كيفكم صبايا والله يمسيكم بانوار النبي يارب
بما انه عنا الدنيا صيف ولكن للاسف احنا ما صيفنا متل البني ادميين هالسنه قلت يلا بكرا في شمس بعمل شوية معجنات وبننزل ناكلهم عالبحر اتاري حظنا – معتر –
مطرت الدنيا وقعدنا بالبيت

المهم هادي بيتزا الكب كيك سهله وطيبه …

المقادير :
– 4 كوب طحين ابيض
– 1 م ك ملح
– 1 م ك سكر
– 2 م ص خميره
– ماء دافىء للعجن
– 12 كوب زيت زيتون للعجن

الطريقه :

– تخلط جميع المقادير الجافه ثم نبدا باضافة الماء الدافىء شوي شوي الى ان نحصل على عجينه لينه
– نضيف الزيت ونعجن العجينه باليد حتى ما تعود تلتصق باليد
– نتركها ترتاح مدة نصف ساعه او حتى نحصل على ضعف حجم العجينه
– تقطع العجينه كرات متوسطة الحجم وتترك لترتاح مره اخرى مدة 5 دقائق
– ترق كل كره على حدة بالنشابه بسمك 2 سم على شكل مستطيل
– ثم تقطع بشكل دائري كبير كما في الصوره …

– تدهن الصينيه الخاصه بعمل الكب كيك بالزيت الذره
– ناخذ دائره من الدوائر وترق بحجم يتناسب مع قالب الصينيه وتوضع بالصينيه بهذا الشكل …

– يحشى كل قالب بما تختاره ست البيت من ناحيتي حشيتهم ( صلصة البيتزا. فطر . فلفل اخضر . زيتون . وجبنه موزاريلا للوجه )

– تدخل الفرن لحين الاستواء
– عند الاستواء نعمل اطراف القالب بالسكينه حتى يسهل قلبها وينزع كل قالب على حدا …

– عملت جنبها معجنات بالزعتر الاخضر و بابطاطا المهروسه وجبنة موزاريلا
وصفيحه

وبصراحه اكلت انا لقلت بس ماطلعنا فشيت قهري بالاكل ههههههههههه
ازا شي يوم شفتوني هيك لا تستغربوا

وصحتين والف هنا