السلام عليكم ورحمة الله وبركاته
اليوم عملت كريب بالبشاميل وقولت انزله لانه طلع طعمه جميل
المقادير
كوب دقيق
كوب لبن
بيضة وملح فلفل بسيط
ده مقدرا الكريب
والبشاميل
نص كوب دقيق
كوب لبن
معلقتين سمن
وملح وفلفل
وبيضة
ولحمة معصجة نص كيلو لحمة مع بصلتين وفلفل وفصين توم
ونعصجها علي البوتاجاز ونحط عليها معلقة صلصة
الطريقة
نخلط الدقيق واللبن والبيضة في الخلاط وتكون المقدار ليس سائل وليس سميك
مثل عجينة الكيكة
ونسخن طاسة تيفال ونضع مقدرا بسيط فيها مقدار قرص اكبر من القطايف شوية
ولما ينضج نقلبه علي الوجه الاخر وهكذا حتي نفاذ الكمية
طلعت معايا حوالي 23 قرص
وبعدين نعمل البشاميل نحمر الدقيق في السمن ونحط عليهم اللبن ونظبط الملح والفلفل ولما يبرد البشاميل نضع البيضة
ونبدا بقي في عمل الصينبة
نجيب صينية ونلف الكريب واحدة واحدة بعد حشيها باللحمة المعصجة
ونرصها وبعد ما نخلص نضع عليها البشاميل بس ما يكونشي كتير
ونضعها في الفرن تقريبا كدا ربع ساعة نحمر الوش
وبعد كدا كلوها بالهنا والشفا
كان نفسي اصورلكوا الخطوات بس كاميرا الكمبيوتر بعيدة
بصراحة حلوة تستاهل التعب
وتسلم الايادى الجميلة
والف هنا وعافية على قلوبكم يارب
بارك الله فيكي علي الرد الجميل
لسه مخلصين باقي الصينية بصراحة روووووووووووووعة
فتحتى نفسى هههههههههه
بارك الله فيكي
نفذيها بقي وورينا تطبيقك العسل
لا عدمناكي ولاعدمنا وصفاتك الرائعه
يعطيكي الف عافيه وريتها بالهنا عليكم
صحة وهنا عليكم
