اخواتي الحبيبات النهاردة هقول لكم علي كفتة رز مشهورة اوي في مصراولا المقادير نصف كيلو لحمه جملي هي احلي بالجملي لو مفيش يبقي لحم احمر عادينصف كيلو رز مصري بصلة 3فصوص ثوم شبت وبقدونس وكسبرة كمية كافية تخلي لونها اخضرملح وفلفل وبهارات ونعناع جاف ولو في اخضر يبقي كام ورقةاحنا في مصر الجزار عنده ماكينة فرم مخصوصة يعني بجهز الخلطة وبروح عندة اشتري اللحمة وهو يفرمهاليطبعا لو هتعمليها كلها في البيت اغسلي الرز وجففيه في الهواءوكسريه في مطحنة التوابل تكسير مش طحن واللحمة افرميها لوحدها وبعدين حطي كل المقادير علي بعض وشكليها صوابع او كورواقليها في الزيتوبعدين جهزي صلصة طماطم مسبكة بالبصل وحطي فيها الكفتة المقلية وممكن تضيفي اصابع بطاطس بطاطس تخينة شوية لما الكفتة تلين والبطاطس تستوي كدةجهزت للاكلتقدم مع ارز ابيض وسلطةعلي فكرة ممكن تخلي جزء من الكفتة بعد القلي تؤكل كما هي بتكون جافة شوية لكن لذيذة وبالهنا والشفا
اسفة انا نسيت اقول لكم بع ما تكسري الرز وتفرمي اللحمة حطي كل المقادير علي بعض وافرميهم تاني في مفرمة اللحمة او الكبةلحد ما تبقي عجينة خضراء وبعدين شكليها
تسلم يدك
تسلم ايديكي ياريت لما تعمليها تصوريها وتنزلينا الصور لاني مابعرفهاش هادي أول مرة بسمع فيها بس باين عليها بتطلع زاكية وتسلم ايديكي يا أمر
ان شاء الله لما اعملها انزلها لكم ونفسي اعزمكم عليها بس دي هتبقي عزومة مراكبية