بسم الله نبدأ:
من فتره كنت طبقت وردات القرفه للعسل شخبوطه وتحت توجيهات wbabyلأن يومها اتلخبطت ولحسن الحظ كانت هي موجوده وفنفس الوقت بتطبق وردات القرفه وهي اللي أنقذتني الحقيقه….الوردات تحفه فعلا …لكن انهارده انا عملت من عجينتها السينابون وطلع حقيقي رائع وعلي فكره انا عملته قبل كده من عجينه الدونات وبرضه نتيجته هايله لأن العجينتين هشين وطعمهم جامد….
الجديد بقي اللي عندي هو كوكيز العجوه وده بقي ظروفه غريبه جيت أعمل كحك بعجوه معرفتش أكلم ماما أسألها المقادير رحت مفتكسه كده أي حاجه فالسريع ..المشكله بقي أنها طلعت جميييييله جدااا بشهاده كل اللي داق وماما نفسها عجبها جدا ….وسميتها قال ايه يعني كوكيز العجوه…
كمان طريقتي فعمل بسكوت المبشره وانا بعتذر لفراوله24 لأن للأسف الخطوات مش موجوده بس أن شاء الله المره الجيه أعملها بالخطوات …
وأخيرا التارت بالكاسترد وكريمه الزبادي اللي برضه أفتكستها فظروف طارئه وده بقي حبيب قلبي التارت ..بموووت فيه
أدخل عالمقادير لأن أتكلمت كتير أوي …..
…كوكيز العجوه
4ك دقيق
1ك سمن سايحه وتكون سخنه علي قد أيدك ما تستحملها في العجن
1/4 ك زيت عباد
م ك سمسم
2م ص ممسوحه بيكنج بودر
خميره فحجم البندقه
رشه ملح
لبن دافئ للعجن
للوجه:لبن مذاب فيه سكر ناعم +نص م ص قشطه دهنت بيهم الوش وبعدين رشيت جوز مبشور وسكر خشن
للحشو:عجوه مفرومه سيحتها فمعلقه سمن بلدي وضفتلها معلقتين لبن علشان تبقي طريه ومتجمدش من حراره الفرن ومينفعش نبدل اللبن بميه طبعا…
…الطريقه
-نخلط المقادير كويس ونعجنها لحد ما تكون عجينه متماسكه وبعدين هتغطيها بكيس بلاستك علشان تفضل دافيه لحد أخر قطعه تشكليها لأن لما بتبرد بتشقق جدا فالتشكيل….
-هتخدي قطعه من العجين وتحشيها بالعجوه وتقفليها وتضغطيها خفيف بكف أيدك وترطيها فالصاج وهكذا لحد ما تخلص الكميه
-بسكين حاد هتعملي شق صغير فوسط كل وحده علشان متتنفخش جامد
-بعد كده هتدهني بالفرشه خليط اللبن والقشطه وبعدين ترشي السكر والجوز وتدخلي فرن حامي وتقريبا بتفضل من ربع ساعه ل20دقيقه مش أكتر من كده علشان العجوه تفضل طريه
وده بقي العجوه اللي أتبقت شكلتها صوابع وغطيتها بالجوز المحمص والسمسم
…التارت
المقادير
2ك دقيق
1/2 ك سمن
م ك سكر ناعم
م ص بيكنج بودر
ذره ملح
ربع كوب ماء بارد
الطريقه
الحشو :كريمه الزبادي(علبه زبادي+م سكر ناعم+ بودره كريم شانتيه +قشطه وممكن الاستغناء عنها)
الطريقه
-يفرك السمن مع الدقيق جيدا وبعدها تضاف باقي المكونات وتعجن
-تفرد بالنشابه ثم توضع فالقالب وتنزع الزوائد ثم تخرم بالشوكه وتدخل الفرن
– تترك لتبرد ثم تحشي بطبقه من الكاسترد ثم طبقه من كريمه الزبادي ثم تجمل بالفاكهه والجيلي وتدخل الثلاجه حتي تتماسك وتقدم بارده
…بسكوت المبشره
المقادير:
3ونص ك دقيق
نص م ص بيكنج بودر
ا ونص ك سمن
ا كوب سكر ناعم
2بيضه+فانيليا
مربي فراوله للحشو وانا بعملها فالبيت ومقاديرها(كيلو فراوله + كيلو سكر )يتخلطو مع بعض وتدخل الثلاجه لمده ليله وتاني يوم علي نار هاديه جدااا ترفعيها وتضيفيلها عصير ليمون ولما قوامها يغلظ نوعا ما ترفع من علي النار وتترك لتبرد
الطريقه
في أناء المضرب توضع السمن والسكر وتضرب جيدا حتي تصبح مثل القشده
ثم تضاف باقي المكونات وتخلط حتي تتكون لديك عجينه لينه نوعا ما
تؤخذ ثلث مقدار العجينه وتوضع فالفريزر لمده ربع ساعه
تفرد العجينه الباقيه في صينيه مع مراعاه عمل حافه للعجينه لوضع المربي بها
تفرد المربي علي الوجه ثم يؤخذ العجين من الفريز ويبشر بالمبشره علي كامل وجه المربي ثم تدخل لافرن علي نار متوسطه
ملحوظه:انا بستخدم نص المقدار بس
وأخيرا ده تطبيقي للسينابون بعجينه وردات القرفه لشخبط واللي بقولها ميرسي جدا علي العجينه الحلوه دي
حاجات كلها تجنن
كل طبق احلى من التانى
تسلم ايدك
شيئ يشرف حقيقي
تسلم الايااااااااااااادي
وبالف هنا وشفا ياحياتي
تسلمي يارب
وعلشان احنا صحااااااااااااااااااااب فمعلش طمعانه اكل حته لو ضغيره حتي
شغل جمبل من ابدك
بارك الله فبكى وجزاك خبر الجزاء
تسلم ايديكي اختي
تشكيلة راائعة
كتبت بواسطة yehia2017 
حاجات كلها تجنن
كل طبق احلى من التانى
تسلم ايدك
ميرسي يا سمسم متحرمش منك أبدا يا جميل..تسلميلي يارب
كتبت بواسطة nnnnn_nora شيئ يشرف حقيقي
تسلم الايااااااااااااادي
وبالف هنا وشفا ياحياتي
تسلمي يارب
وعلشان احنا صحااااااااااااااااااااب فمعلش طمعانه اكل حته لو ضغيره حتي
ميرسي يا نوننه..وكل الأطباق متغلاش عليكي وفوقيهم كمان الكيكه دي(هسيبهالك الرد الجاي) بس دي بقي يدوب تخدي حته صغننه أصلها معموله لماما
…ههههههههه….
كتبت بواسطة noorelhoda شغل جمبل من ابدك
بارك الله فبكى وجزاك خبر الجزاء
أهلا بيكي يا أم نور منوره الصفحه..كلك ذوق يا حبيبتي…
كتبت بواسطة *عاشقة الاقصى* تسلم ايديكي اختي
تسلمي عاشقه الأقصي علي مروروك الأروع ..وكلامك الجميل
كتبت بواسطة femme au foyer اللهم أمين ..كلامك جميل ودعواتك أجمل…نورتيني بطلتك يا ست الكل
كتبت بواسطة ●•°BaSmA°•● تشكيلة راائعة
أشكرك بسمه علي مرورك وردك ..ميرسي يا قمر
شغل مرتب وتشكيله حلوه