السلام عليكم ورحمة الله وبركاته عزيزاتي هناك دائما سؤال يجول في بالي
هل كل الامهات تقضي وقتها مثلي أم هناك أختلاف ربما يكون هناك اختلاف ولكن العمل واحد …
وقتي انا لايوجد فيه تقريبا ساعة فراغ واحدة حيث أقضيه بين الأولاد وبين بيتي وزوجي والكثيرمن الاشياء الاخرى .. والزيارات الاجتماعية وغيرها 
عزيزاتي
أريد من خلال هذا الموضوع إن نرتب حياتنا ونستغل كل ثانية فيها.. وخاصة الامهات وايضا للأم هوايات تحب ان تمارسها مثل قراءة الكتب او الجلوس في تصفح الانترنت مثل تصفح موقعنا الحبيب لك 
وانا أولهم
فاأريد من كل ام او زوجة تكتب طريقتها في ترتيت حياتها او الطرق المفيدة في استغلال الوقت 
فمارأيكم ؟؟؟
سؤالي هو كيف تقضين وقتك في بيتك؟؟
اختكم ام عمورة
وهلا فيكي
موضوعك مهم جدا اختي ومفيد للجميع ..
لي عودة باذن الله تعالى للتعقيب فهو يحتاج لوقت..
واتمنى التفاعل في الموضوع لنستفيد من خبرات غيرنا بهذا الشأن
لك خالص التحية
يومي يبدأ من 9 او 10 الصبح على طول اركض غرفه الغسيل اغسل لي غسله بالغساله وغسله بيدي وبعدين اركض على الصاله وارتبه وانظفه واشغل فيها الاير كندشن واصحي ابني على 10:45 واغيره ملابسه وادخله الصاله واركض المطبخ اعمله فطار بسيط وسريع لانه مايحب الثقيل واشغله التلفزون واركض غرفه النوم ارتبه واسنعه واشيل ثيابي المرميه على الارض لاني ما احب اعلق في الدولاب خخخخخخخخخخخ ، وبكذا صارت الساعه 11 وربع وعلى طول انظف الشقه كلها بالهوفر وامشه في 15 او 20 دقيقه واركض المطبخ واغسل المواعين والمطبخ كامل ( لاتستغربو مطبخي متر في متر) وابتدي احضر للغدى طبعا انا ما اطبخ اهل زوجي الله يعطيهم العافيه يبعثولي انا احضر السلطه والمقبلات والحلو لبعد الغدا والقهوه والشاي وما اخلص من المطبخ الا 1 الظهر واركض على الحمام ( الله يعزكم) اخذ شور وفي نفس الوقت اغسله وعلى 1:45 دقيقه اكون خلصت كل شي زوجي اااااااااااااااالله يحفظه اشرف من الدوام احط الغدا واشيله واحط الحلو واخذ ولدي انام نومه العصر مع ابوه وساعات يعاند ويتعبني زود وانا اروح اغسل المواعيييين الي ماتنتهي ابدا وشكلي باستعمل البلاستك افضل وعقب اريح على الساعه 4 الي 5 وبعدها تبتدي ركضه العشى من 6 الي 10 وغسيل مواعينه وساعات الساعه 4 العصر بدل ما انام اروح اكوي الملابس او اخليهم متكسرين الي اشوفلهم حل خخخخخخخخخ
وما ارتاح من شغل البيت وادخل موقعي الحبيب الا الساعه 11 يالليل او بعد صلاه الفجر
ودي اروح احفظ قرآن ادخل معهد اسوي شي غير شغل البيت لكن مافي فايده الوقت ضيق وما اقدر ابكر في القومه ازيد من 9 لان من تجي 2 الظهر ما اشوف راحه ايدي وحاولت اسوي برامج ان اوزع تنظيف البيت مثلا الغسيل بس اليوم الفلاني والكوي اليوم الفلتاني لكن مافي فايده تتجمع الثياب وتطلع علينا برع لازم كل يوم بيومه وبدون الخدامه ( الي انا ما احبه) الظاهر ان شغل بيتي ما بيمشي
بارك الله فيك اختي على الموضوع الحلو.
يومي يبدا الساعة 6 الصبح ,اصلي ,واحضر الفطور لزوجي ولاولاد اصحيهم.
بعد خروج القوم ,اوضب المنزل كله, اشغل غسالة الثياب وغسالة المواعين, ا صب مقادير الخبز في الماكينة تبع الخبز واشغلها وهي تتكلف بالباقي.
انشر الثياب وارجع المواعين لمكانها.
اخرج كيس اللحم اوالدجاج من الفريزر والذي تبلته من قبل تجميده ادوبه في الميكروبف اطبخ مع مكرونة رز او خضار, كده اكون خلصت كل شي الساعة 11 ونصف, اطعم الاولاد يتفرجو شوية على الكرتون وعلى الساعة 12 ونصف النوم حتى 4 عصراواستغل هذا الوقت من اجلي سواء نوم او التجول في موقعي الحبيب لك.
او اعمل شوية كروشيه وقت العصرونية السعة 4 ونص ااكل الاولاد .
ابو الشباب بيرجع الساعة 8 ليلا نتعشى من الباقي اللي طبخت الظهر لاني اتفدى البقاء في المطبخ فقط
,فلما اسوى طبخة اتعمد انو اعمل كتير اللي نتعشى منه او افرزه و في وقت الزنقة بيكون منقذ الموقف شوية تلفاز وعند 10 ليلا الكل ينام اتمنى اكون افدتكم شوية انتظرالمزيد من المشاركات 
نريد ان نتعرف على الاسلوب لك ام عسى ولعل أن نتعلم