انا عضوه جديده في المنتدى بس صار لي تقريبا سنه وانا ادخل المنتدى واخذ اشياء كثيره
والصراحه المنتدى مفيد للمراه في جميع مجالات الحياه
بس لان انا ماعندي وقت اجلس عالكمبيوتر مااشتركت في المنتدى
لاني عارفه نفسي ماراح ادخل ارد او اكتب مواضيع
بس بعدين قلت حرام انا استفيد من هالمنتدى ولا افيد اللي فيه
فقررت اني اسجل واكتب ولو موضوع واحد في الشهر
شيء خير من لاشيء
وانا بشارك بكيكه انا مطبقتها وبالصراحه لذيييييييييييييذه جدا
وادري طولت هذره بس معلينا نبتدي في المقادير
واحد ونصف كوب دقيق
ثلاثة ارباع كوب سكر
ربع كوب زبد مذوب
كوب ماء
كوب دبس تمر (البعض يسميه عصير تمر)
كوب جوز(اواي مكسرات موجوده عندك وإذا ماتوفرت مايحتاج)
2 ملعقه بيكنج بودر
نصف ملعقه صغيره فانيللا
نصف ملعقه صغيره هيل ودارسين
الطريقه:
نخلط جميع المقادير بالخلاط الكهربائي ماعدا المكسرات الى ان تمتزج المقادير
نضع المكسرات مع الخليط السابق ونخلطها بالملعقه
نصب الخليط السابق في صينيه مدهونه ونضعها في الفرن الى ان تنضج
وتقدم ساخنه وبالهنا والعافيه
واتمنى تطبقونها وتعجبكم واشوف ردودكم ودعواتكم
