لا بانيه ولا فيليه ولا ستيك ولا بوفتيك ولاهمبورجر تعالوشوفومشاركتي بالبطاطس والمقبلات 2024.

لا بانيه ولا فيليه ولا ستيك
ولا بوفتيك ولا همبورجر
تعالو شوفو مشاركتي
بالبطاطس والمقبلات

السلام عليكم ورحمةالله وبركاته

حبايب قلبي انا اليوم جبتلكم البطاطس بس بشكل تاني
وانا اخترت اسم الموضوع ده عشان شكلها وطريقتها زي الاستيك
والبوفتيك والفيلييه والبانيه وبرضو زي الهمبورجر
كلهم بيبقو بنفس الشكل مبططين ومتغطيين بالبيض والبقسماط
المهم مش هطول عليكم انا عملت بطاطس بانيه متغطيه بالبيض والبقسماط

المقادير

كيلو بطاطس مسلوقة ومهروسة
3 بيضات مخفوقين بالملح والفلفل الاسمر
بقسماط

الطريقة

بقشر البطاطس كويس واقطعها مكعبات

واغسلها كويس واضعها بطنجرة بها مياه وكمون وملح وتوابل

واسيبها تنسلق وتبقيي ناعمة وطرية جداااااااااااااااا
وبعدها اصفي باقي الماية واهرسها كويس بالشوكة

وديه صور جديدة

بعد السلق

اعمل كور صغيرة من البطاطس المهروسة

اجيب كل كورة واحطها في كف ايدي واقوم بالضغط عليهاوارفع فيهم

ممكن تلاقي مشكلة انها بتلصق فيكي
ابقي بلي ايديك بالمياه قبل ماتاخدي الكورة
وحاولي علي قد ماتقدري تظبطي فيها عشان ماتفكش منك

واول ماتخلصي الكميه ابتدي قلبي قطعة البانية بالبيض

وان حسيتي انها ممكن تفك معاكي ممكن بصوابعك او بالفرشاه
تاخدي من البيض وتمسحي بيها البطاطس وتحطيها بالبقسماط وتقلبي
وتنقليها علي طبق

وبعد ماتخلصي الكمية ادخليها الفريزر
لربع ساعة تمسك نفسها مش تتجمد

وتقليها بعد كده
في زيت ساخن غزير

وتخرجيها علي ورق مناشف للمطبخ
والف هنا ويارب تعجبكم يارب

ارجو عدم الرد
لم يكتمل الموضوع بعد