السلام عليكم ورحمة الله تعالى وبركاته
بسم الله الرحمن الرحيم
صباح الخيرات والبركات على أحلى صبايا
إن شاء الله تكونوا بألف خير وعافية
يمكن تستغربوا أنو شو جاب وصفات العيد من هلأ
بس بصراحة خايفة روح إجازة وما يصح لي أدخل للمنتدى فحبيت سبق الموضوع شوي
وبما أنه جاية رمضان وكل عام وأنتم بخير
وبعده العيد بينشط لي ذاكرتي بأيامي عند أهلي
وشو كنا ناكل أول أيام العيد
فكان عند أهلي مثل تقليد ثابت بشأن الأكل في أول أيام العيد
ومن ضمن هالتقليد هو أن يكون الغذاء لحمة بصحن
وهالأكلة بتنفع كمان أيام عيد الأضحى لما بيكون بعد الذبح عند الواحد لحمة كتير
وما بيوسع لها الفريزر ولا البراد
وعملها سهل كتير وأحلى ما فيها اللمة حول المائدة لكل العائلة
عفكرة صحيح هي بتنعمل بالصينية بالفرن أو عند الخباز
بس بالشام هيك بيسموها
لحمة بصحن ههههههههه
لحمة بصحن
المقادير:
كيلو لحمة ناعمة مع دهنة (يمكن عملها بدون دهنة ولكن حتكون ناشفة بعد الشوي)
نصف باقة بقدونس مغسولة ومصفاة ومقطعة ناعم
ملح – بهارات (حسب الاختيار)
4 حبات بندورة مقطعة بشكل هلال (كما في الصورة)
الطريقة:
نخلط جميع المكونات السابقة بشكل جيد
ثم نفردها بصينية الفرن ونقرصها برؤوس أصابعنا
حتى نقوم بعمل شكل أخاديد فيها كما في الصورة
نوزع عليها البندورة المقطعة
ثم نشويها بالفرن من فوق ومن تحت حتى تستوي اللحمة
هيدي الأكلة طبعاً معادية للريجيم بكل تأكيد
تؤكل بالخبز مع اللبن الزبادي أو السلطة وما تنسوا الفليفلة الخضراء
مع تحياتي ومحبتي
أم محمد خير وبشرى الخير
تسلم الايادي
رايحتة واصلة لعندي
بارك الله فيك
رايحتة واصلة لعندي
بارك الله فيك
تسلم ايديك ام محمد ويجعل ايامك كلها عيد
انا اكلتها هالاكله عند واحده صديقتي سورية وعجبتني كتير
وصرت اعملها دائما بس من ايديك اكيد اطيب والك لمساتك الخاصه
كانت صديقتي تسميها "لحمه بالصينيه"
تسلمي يا قمر
انا اكلتها هالاكله عند واحده صديقتي سورية وعجبتني كتير
وصرت اعملها دائما بس من ايديك اكيد اطيب والك لمساتك الخاصه
كانت صديقتي تسميها "لحمه بالصينيه"
تسلمي يا قمر
الله يسلم دياتك أم محمد وريتو عافية وهنا
هي كتير شبيهة بالكفتة بالصينية بس الفرق هي مرقة البندورة
ان شاء الله تروحوا وترجعوا بالسلامة
تسلمي حبيبتي وان شالله صحة وهنا
نحن بحلب بنقللا لحمة بالصينية وما بنحط بقدونس
بس بطريقتك كترير طيبة باين رح جربا عن قريب
أكلتا مرة باللادقية فارشين طبقة بصل جوانح تحت البندورة ومقمرين الوش من فوق وطالعة بتجنن كمان جربيا طيبة كتير
الله يوصلكون بالسلامة وسلميلي عالوطن الغالي
نحن بحلب بنقللا لحمة بالصينية وما بنحط بقدونس
بس بطريقتك كترير طيبة باين رح جربا عن قريب
أكلتا مرة باللادقية فارشين طبقة بصل جوانح تحت البندورة ومقمرين الوش من فوق وطالعة بتجنن كمان جربيا طيبة كتير
الله يوصلكون بالسلامة وسلميلي عالوطن الغالي
صحيح هي دسمة شوي لكنها ما بتتعوض
وبكل الطرق لذيذة جداً
نحنا بنعملها بدون بقدونس وبنضيف مع البندورة بصل جوانح وفليفلة خضرا عالوش
تسلم دياتك أم محمد
ويا رب تتيسر أمورنا وتتيسر سفرتنا للوطن الغالي
مشكورة يا غالية …….
شكلها كثير زاكي
إن شاء الله أقرب وقت بنجربها
صحتين وهنا