السلام عليكم
عن تجربه شخصيه هذا غير تجربة خواتي وصاحباتي الي سئلتهم وفعلا ً يمدحون في هالخلطه السهله المفيده بنفس الوقت
وقررت اوصلها لكم ولا ابي منكم غير الدعاء لي بعدم التكاسل والاستمرار في استعمالها لشعري لاني بجد مشكلتي اني كسولةةةة 
المهم المقادير :
1. كثيرا
2.ريحان
3. سدر
4. بيضه
الطريقة :
تاخذين القليل من الكثيرا وتضعين عليها ماء مغلي وتتركينها لمدة يوم كامل منقوعه مع الماء الساخن
بعد كذا بتلاحضين الكثيرا ازداد حجمها تاخذينها وتضيفين عليها البيضه حبه وحده بس وتضعينهم في الخلاط لمده خمس دقائق
وبعد كذا ترجعينهم بنفس الوعاء وتضيفين لهم ملعقه صغيره من الريحان وملعقه عاديه ونص من السدر المطحون طبعا ً
بعد كذا اضيفي عليها الماء الساخن الين تصير شبة سائله يعني تحطين ايدك فيها تنزل بسهوله مو لزجه مره
وبعد كذا تبدين تحطينها من بدايه الشعر يعني من الجذور الا النهايه وهو لسا دافئ علشان يستفيد منه الشعر طبعا
ويترك مده لا تقل عن 3 او 4 ساعات بنسبه لي احيانا انام فيه 
النتيجه :
راح تلاحضين النتيجه من ثالث اسبوع بتلاحضين الشعر الصغير الي بادي يطلع من كل ناحيه في راسك وبتلاحضين من اول مره شعرك كيف يصير لامع وصحي ويتنفسسسس
وخلال شهرين الكل بيلاحض الفرررق الرائع فعلا ً من ناحيه غزاره شعرك وطوله وصحته وجماله باذن الله
اكيد بتقولون كم مره نستعمل هالخلطه
الجواب الشاطره تستعملها مرتين بالاسبوع اما الكسلانه مثل حلاتي مره بالاسبوع
وعلى فكره لا تنسون تزيتون شعركم قبل الخلطه بزيت الي شعركم متعود عليه عموما ً
وبالتوفيق للكل
اي اسئله تحت امركم 
ولكم كل الحب
مشكوره اختي على هالوصفه
انشاالله بجربها اذا رجعت للسعوديه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بس هالحين عندي صبار طبيعي وسدر
انا سمعت ان الكثيرا تتحول لجل والصبار زي الجل
تتوقعين لو خلطتهم مع بيضه يعطون نتيجه
انتظر ردك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
……………………
واحب اسال ايش فائدة الريحان
وهل ضروري وضعه.
شجعتيني .
شكرا حبيبتي نواعس .
بس وش فايدة الريحان؟؟؟؟؟؟
مشكوره وجزاج الله خير يا نواعس
بس عندي سؤال انتي تقولين انحط زيت قبل الخلطه.. هل نغسل الشعر من الزيت قبل وضع الخلطه او نضعها مباشره ؟؟ واذا كنتي تقصدين نحطها بعد مانزيت الشعر ودي اسألج هل الخلطه فوق الزيت راح تاخذ مفعولها ؟؟ لان حسب علمي ان الزيت ماده كثيفه وتكون عازل للشعر..كيف يستفيد الشعر من الخلطه اذا كان الزيت حائل بين الشعر والخلطه
ادري اني طولت عليج بس ماعليه استحمليني انا اختج وابي النصيحه
هلا اختي همس الغلا
على فكرة لقبك مره روعه
بخصوص خلط الصبار مع الكثيرا اذ هذا قصدك فاشوف انه مافيه شي اما اذ قصدك صبار مع سدر بس فاهنا بتفوتك فوائد الكثيرا للشعر صدقيني شي خيالي
عزيزتي هتون وaroma بنسبه لريحان فاهو معروف بفائدته لتطويل الشعر وبرائحته الخفيفه الحلوه بس انا يهمني فائدته الاولى اكثر
فراشه يسلم عمرك ياعسل جربيها ودعي لي واهم شي الاستمرار وياهلااا
اختي غايه اقصد قبل الخلطه بس مو تملين شعرك مسحه معقوله لان الكثيرا لما تجف ماتيبس على الشعر بس
بنسبه لي استخدم الان زيت بارشوت الي علبته زرقاء وريحته كانها ريحة كاكاو او بندق شي زي كذا لطيفه جدا ً حتى بعد ما اغسل شعري امسح مسحه ابداء فيها من وراء رقبتي الا فوق واطراف الشعر
ليه من وراء علشان من قدام تجي مسحه خفيفه مره لان الشعر عادة يزيت بسرعه من قدام قبل وراء وانا ابي الفائده وبنفس الوقت مابي يبين شعري مزيت اكيد
تحياتي
اختى / نواعس دامعة
الخلطة تقريبا جميلة لكن ما هي الكثيرا وسدر لاني لم اسمع عنهم من قبل واذا كان عندك صور ليهم يكون احسن وحاولي تصفيهم لي اكثر ولك جزيل الشكر
اختك / cat19
هلا عزيزتي cat19
السدر هو ابن عم الحنا
وتلاقينه عند اي عطار ولونه اخضر فاتح يميل لصفار واخذيه مطحون جاهز طبعا ً
ولا انسى اقول لك ان السدر هو الي يعطي للشعر المعان والصحه والكثير الكثير من الفوائد
اما الكثيرا غير انها تكثررر الشعر وبسرعه برضو تفرد الشعر بطريقه جميله
وللكثيرا اعتقد سبق ونزلوا البنات صورتها باحاول اعمل بحث وان شاء الله الاقي صورتها
وهي عموما برضو عند اي عطار تلاقينها وهي شوي غاليه لانها فعلا مشهود لها بفوائدها الرهيبه بس تطول مره لان شوية جد منها يكفي حتى الشعر الطويل لان حجمها يزداد مع تركها في مويه ساخنه لمده يوم اقل شي
عموما هي شكلها زي الاظافر ومنحنيه ولونها ابيض على ذهبي شفاف شوي
قولي للعطار ابغى كثيرا اصليه ونوع كويس واكيد بتلاقينها عندهم كلهم
بالتوفيق ياعسل