مشكلتي في قدمي
مقاسها كبير 42 وفلات فووت …اريد محلات لجواتي فيها هذا المقاس لاني تعبت من الفره على الاسوقه …وما القى اللي ابيه ..sid sid
وعندي طلب آآآآآآآآآآآآآآآآآآآخر
من تعرف مكان المكاتب اللي منها نطلب ملابس وطلبيات للخارج (كاتلوجات المانيه) 
وين مكانه ؟؟ورقمه؟؟؟
ولكم جزيل الشكر…..
__________________________________________________
تذكري …ما في احد يستاهل ان تغضبي ربك عشانه
صحيح اني موب كويتيه بس ملقوفه شسوي؟ لوووووول
لاتزعلين ترى انا وكثير من صديقاتي مقاسنا 41 يعني مافرقتي عنا الا بمقاس
تقدرين تشترين جزم رجاليه خصوصا ان هالايام ملابسنا وجزمنا وياهم صارت واحد
اما الملابس فما عندي علم (لقافتي مابعد توصلني لمعرفه كتلوجات المانيه)لووول
نصيحه صغنونه ترى كثريه اكل اللحوم وخاصه المستوردة والمأكولات المهرمنه اوالمنفوخه بالهرمونات تساعد على ازدياد النموبشكل عجيب وسبب رئيسي في نمو الاطراف ومنها القدمين وظهور شعر البدن بشكل مخيف(تقولين غوريلا) وياليت على كذا وبس هي ماتخلي الجسم يوقف عن النمو يعني تشوفينواحد عمرة 22 ولا زال ينمو
يالله ماطول عليك وارفعي معنوياتك ترى الدنيا ماتسوى لاني والله حاسه بمشاعرك كل مالقيت جزمه تعجبني اوصندل مالقى مقاسي يا اما مايصنعون41 او خلص وهذي حالتي
يالله تشاااااااو
وخلينا نقرا مواضيع لك
حياك الله أختي ..
شوفي تبين أحذية طبية على أساس إنه عندك فلات فوت .. ؟!
إذا تبين أحذية طبية ومقاسات كبيرة .. تلاقينها في مجمع المثنى .. تقريبا كله أحذية وأكثرها طبية ومقايات كبيرة .. وراح ترتاحين بإذن الله تعالى عليها ..
أو روحي للسالمية القديم أو اللي يسمونه حوش السالمية .. أيضا راح تلاقين محلات كبيرة جدا من الأحذية ..
مجمع العنجري أيضا في السالمية راح تلاقين تشكيلة كبيرة من الأحذية .. وإن شاء تلاقين قياسك ..
أيضا في مجنع النقرة الشمالي والجنوبي تلاقين مجموعة كبيرة من المحلات ..
لكن أنا متأكدة إنك راح تلاقين مقاسك في مجمع المثنى ..
الألمانية + الفرنسية في مجمع بلازا في حولي عند محل البدور ( كويلا ) .. بس مو متأكدة .. أتأكد إن شاء الله وأرد لك خير ..
الأمريكية + الأنجليزية عند مكتب أراميكس في السالمية ..
ويمنع وضع الأرقان الهاتفية .. وإن شاء الله أكون أفدتك ..
بس هلا وغلا فيج اخت غاليه بالمنتدى وتشرفنااااااااااااا فيج
اما بالنسبه لمشكلتج والله ماقصرت السلفيه على المجهود الطيب ماكو محل ماشاء الله ماقالته كفت ووفت عننا
يبقى عليج تروحين وتفرفرين وتحصلين اللي تبينه ويعجبج ان شاء الله
دارينوووووووووووووووو
يا أخت فيفا …انا اقدر مساعدتكي …(ترى انا مو بشعه …بدون مدحه لنفسي اعتبر جميله )
ولكن انا اؤمن بان جمال الانسان في اخلاقه وصفاته..وقربه من الله حيث راينا الكثير ممن فيهن جمال ولكن ما فائدته وهو يغضب الله ..
حبيت أضيف على كلام أختي السلفية
ممكن تلاقين الكتلوجات فوق عمارة الربيع بالسالميه كويلا وكتلوجات ثانيه بس نسيت أسماؤهم لأن صار لي زمان ما طلبت ..
وبالنسبة للأحذية تقدرين تفصلين الموديل إلي يعجبك من أي كتالوج أحذية عند كلاسيك بمجمع السيف خلف المثنى .. فصلت لأمي من قبل عندهم لأن فيها سكر وأصابع رجلها متشققه..وحماتي بعد فصلت عندهم العام .
نفس ماقالو الاخوات مجمع الربيع بالسالميه بجانب ماكدونالدز وايضا مجمع ضارعه بحولي مقابل المهلب واسم الشركه بدرالعتيقي (كويلا -شواب- وماركات اخرى لااذكرها الان)