وقد يمرض العم والخال فلا إتصال ولا زيارة وهذا شيء يكدر. هذه الامور ما أسبابها وما علاجها وهذه ظاهرة تنذر بالتفكك الاسري وتقطع أوصاله . أود من الاخوات مناقشة هذا الموضوع من منظور الواقع المعاصر في المجتمع السعودي مع ضرب الامثلة السلبية والايجابية
لي عودة بأذن الله ..
بالنسبه لمجتمعي انا الاحظ الميل للاخوال اكثر …لان الاخوال بطبيعتهم يدلعون ويعتبرون ولد البنت ضيف عندهم
بينما الاعمام تحسين العلاقه معهم دائما مبنيه على الاحترام…لانهم يهمهم في الدرجه الاولى التربيه اكثر من الدلع
هذا بالنسبه لي واحسه برضه مع اولادي
اما اخوالي انا حريصه على الاتصال فيهم حتى وانا في غربتي…فلابد من مشاركتهم افراحهم واتراحهم…وهم في المقابل يتصلون بي في الاعياد والمناسبات…
لكن انا اشوف ان الوحده هي اللي تقدر تقرب وتبعد …مثلا انا اتصل فيهم من هنا…وبعض اخواتي اللي في المملكه ما يتصلون…فتلاقين علاقتي باخوالي اكثر من بعض اخواتي….
اخوالي لما اجي من السفر يجون يسلمون علي ويجيبون معاهم كل حاجه يعرفون اني احبها ويحرصون على رضائي ورضاء اولادي…لكن اعمامي انا اروح اسلم عليهم لان الواجب لهم
واتوقع يرجع لنفسيات الاخوال والاعمام…يمكن انا وضعي كان بهذي الصوره لان اخوالي مرحين وامون عليهم …لكن اعمامي كتومين وراكزين فما بينا غير الاحترام المتبادل
هذا رايي في الموضع…وسلامتك
انا رأي من رأي الاخت ام عبدالله
لان الاخوال بطبيعتهم يدلعون ويعتبرون ولد البنت ضيف عندهم
بينما الاعمام تحسين العلاقه معهم دائما مبنيه على الاحترام…لانهم يهمهم في الدرجه الاولى التربيه اكثر من الدلع
انا عن نفسيمن جهة الخوال غالبا ماتكون العلاقه طيبه وقويه لانه فيها الحب والاحترام والحنان بس من جهة الاعمام العلاقه فيها طابع الاحترام وصلة الرحم ليس الا ……….!
تحياتي لكم
صراحه عندك حق …. للاسف كل صلات الرحم تقريبا صارت ضعيفه
وانا عن نفسي صراحة متواصله مع خوالي بس عمامي ما ادري عنهم للاسف
بس ما انلام لاني بصراحه دوم ازور عمامي في المناسبات وكذا بس اهم ولا يفكرون يزورونا او يسألوا عكس خوالي اللي بين فتره والثانيه يزورونا وانا اشوف ان المثل اللي يقول الخال خلي والعم ولي انقلب في حالتي 
بس صراحة انا صرت ما الوم احد مشااغل الدنيا وهمومها تلهي الواحد عن نفسه والله يهدي الجميع ان شاء الله