السلام عليكم ورحمة الله وبركاته
اخواتى واخوتى …والله بكلمكم من قلبى ويمكن أكون أنا أكتر حد عانى من :قطيعة الرحم …وصدقونى انا ياما اتظلمت ويمكن من أقرب الناس لى…وكنت فى كل ليله أنام ودموعى على خدى …فكرت فى كلام ربنا({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم) وكمان ◄ قال تعالى : ( واتّقُوا الله الَِّذي َتسَا~ءَلُونَ بِهِ َوالأَرحَامَ إِنَّ الله كَانَ عَلَيكُم َرِقيبًا ) .
الكلام وجعنى جدا وعلشان كده أنا جيت النهارده علشان أتفق معاكم ونعمل صفقه رابحه مع ربنا ..كل واحد مقاطع أهله أو أى حد من أرحامه ..تعالوا ..تعالوا بسرعه ..حطوا إديكم فى إيدى ..قبل فوات الآوان تعالوا معايا الأول نتعرف على فضائل صلة الأرحام وكمان عواقب قاطع الأرحام …والأيات السابقه لو فكرنا فيها هانعرف اننا جميعا
هانُسأل والله عن قطيعة صلة الأرحام ازاى يكون لى أقارب وانا مقاطعهم…ازاى أغضب ربنا….؟؟؟
طيب ماأنا بكلمهم فى التليفون…وده ينفع برضوه يعنى لو إبنك وللا بنتك مسافرين مكان بعيد مش ها تروح تشوفهم ..يبقى ازاى تقعد شهور ما تشوفش الناس اللى ربوك وتعبوا فيك ودمهم بيجرى فى عروقك ؟؟
يعنى انتى عايزانى أسيب شغلى وأولادى وأقطع مسافه طويله علشان أقولهم أزيكم ..!!!
وليه لأ …انت بس فكر فى الموضوع فضى نفسك يوم واحد بس على حسب مقدرتك يعنى مره فى الشهر او مره كل أسبوع ..المهم تبل صلة الرحم بل ……زى ماقال علمائنا الأفاضل ..فهذه المقوله سمعتها من الشيخ محمد حسين يعقوب بالتحديد فى برنامج فضفضه وسأله واحد انه له أقارب مقاطعينه وهو حاول ان يوصلهم وكانوا بيقفلوا الباب فى وجهه ..عارفين كان رد شيخنا الفاضل إيه ..؟؟ قاله روح تانى وتالت ..قاله ياشيخنا طيب حفاظا لماء الوجه …قاله برضوه روح وإوصلهم ..المهم أن تبل صلة الرحم بل..(يعنى ما تسيبهاش تجف من القطيعه ولو بالود القليل …) وبعدين دلوقتى فى زماننا ده مش اقارب بس اللى مقاطعين بعض ..ده احنا بنسمع عن مقاطعة الآباء والأمهات كمان …يعنى مين اللى فاضل لك بقى بعدهم …ده ربنا قال عنهم فى كتابه العزيز :( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا) أحسن إليهم يمكن ربنا يرحمك فى كبرك ويحنن قلب ولادك عليك .
شوفت بقى انت مقصر ازاى ..؟؟
بس انا جايه النهارده علشان أقولك تعمل ايه ..بس استنى شويه لما نشوف المتخاصمين دول :
تعالى هنا …انتى ياأختى ياللى مخاصمه أختك من رمضان اللى فات …
-ماهى غلطت فيّه ومستحيل أسامحها أو أبص فى وشها ..ليه كده ياحبيبة قلبى ده ربنا بيسامح …
-أيوه ونعم بالله بس انا بشر مش إله …!!!
والله انا حاسه بيكى ياغاليه ..ممكن
الإنسان يكون اتصدم فى أحب إنسان لقلبه وفى لحظات ضعفه يقول مش هااكلمه تانى ومش عايز أشوفه…وفى أثناء ثورته دى ممكن يتقابل معاه والله صدقونى ياأخواتى هتلاقى نفسك واحد تانى وانت اللى ها تبادر بالسلام عارف ليه ..؟لأنكم دم واحد.
…تابعونى …
عارف لما حد منهم يجرحك أو يكسر قلبك ..—اوعى تدور ظهرك عنه أبدا لأنك عمرك ما ها تقدر تستغنى عنهم أبدا :
-عايزاك تنقى المساحات اللى لوثتها القطيعه ..بمعنى انك تمسح قلبك من الداخل ..وتجليه على الأخر مش عايزين أى أثر للقسيه اللى كانت فيه .
-شيل كل خناجر الحقد والغل اللى جرحت قلبك وحاول تستعيد نفسك من جديد .
-إتأكد أن المساحه اللى انت نضفتها فى قلبك ها تسعاهم من تانى .
-إنتظرهم بلهفه وشوق دور عليهم فى كل مكان حتى ولو كانت صدفه حلوه تجمعكم ..بس بلاش عتاب .
أوعى تقول لأ مش حاسس بيهم خالص …!!
عمرى ما ها أصدقك …عارف ليه؟ لأنك أنت وهما حاجه واحده .ومش ممكن هاأصدقك لو قولت كرهتهم ,لأ، ما حدش يقدر يكره نفسه .
-هاتقولى أنا حتى نسيت أساميهم …لا والله اساميهم محفوره فى ذاكرتك..
بس هما جرحونى وشربت منهم مرارة الظلم والقسوه ..إنسى وسامح وتعالى دلوقتى أعرفك
الصلة: الوصل، وهو ضد القطع،ويكون الوصل بالمعاملة نحو السلام، وطلاقة الوجه، والبشاشة، والزيارة، وبالمال،ونحوها.
الرحم التي أمر الله بها أن توصل نوعان:
ها …لسه برضوه معاند طيب تعالى معايا نعرف مع بعض فضائل صلة الأرحام:
</I>
صلة الرحم تدخل الجنة وتباعد عن النار
◄ قال أعرابي لرسول الله صلى الله عليه وسلم : ( أخبرني بما يقربني من الجنة ويباعدني من النار ؟ فقال النبي عليه الصلاة والسلام : تعبد الله ولا تشرك به شيئا وتقيم الصلاة وتؤتي الزكاة وتصل رحمك ) رواه البخاري .
صلة الرحم سبب لمغفرة الذنوب
◄ عن ابن عمر رضي الله عنهما قال : أتى النبي صلى الله عليه وسلم رجل فقال : إني أذنبت ذنبا عظيما , فهل لي من توبة ؟ فقال النبي صلى الله عليه وسلم : هل لك من أم ؟ قال : لا . قال : فهل لك من خاله ؟ قال : نعم . قال : فبرّها ) رواه الحاكم والترمذي .
سئل النبي صلى الله عليه وسلم أي الأعمال أحب إلى الله , فقال : ( الإيمان بالله ثم صلة الرحم ) . رواه ابو يعلي بسند جيد .
ماشاء الله يعنى فيها زياده فى الرزق وطول العمر وتدخلك الجنه وتبعدك عن النار ..ياألله ايه اللى يستاهل انى أسيب الخير ده كله علشانه وكمان..هاتكون سبب لمغفرة ذنوبى ومن أحب الأعمال الى الله..والله الدنيا صغيره جدا ياحبايبى ومسيرنا فى يوم هانقابل ربنا ها نقوله احنا خاصمنا بعض فى دنيته دى علشان ايه ..هاتقول كرامتى اتهانت ياأخى وياأختى هما أنتم أحسن من النبى عليه الصلاة والسلام ماهو كمان اتهان وجرح وطرد من بلده وكسرت رباعيته وشجت رأسه و…و.. كل ده علشانا إحنا …..مش علشان كان بيدافع عن كرامته …فكر كده فى معنى كلمة رحم …ده ربنا شق للرحم اسم من اسمه …وهتلاقوا الكلام ده واضح فى
الحديث الشريف ده ..
</I>
قاطع الرحم لا يقبل عمله
◄ قال رسول الله صلى الله عليه وسلم : ( إن أعمال بني آدم تعرض كل خميس ليلة الجمعه . فلا يقبل عمل قاطع رحم ) رواه أحمد
يعنى ممكن رمضان… صيامك وقيامك وتسابيحك..وختمك للقرءان كل ده ما تقبلش …ياألله..دى كمان تبقى كارثه والله .
قطيعة الرحم من أبغض الأعمال
◄ سئل رسول الله صلى الله عليه وسلم : ( أي الأعمال أبغض إلى الله , قال : الإشراك بالله ثم قطيعة الرحم ) رواه ابو يعلي بسند جيد .
وأسمع دى كمان …يارب سلم :
عقوبة ووزر قاطع الرحم في الدنيا والآخرة
1. لا يرفع له عمل ولا يقبله الله
2. لا تنزل الرحمة على قوم فيهم >قاطع >.الشر يعم والخير يخص، فلاتنزل رحمة على قوم فيهم قاطع رحم، ولهذا يجب التواصي ببر الآباء وصلة الأرحام،والتحذير من العقوق، فإذا فعلوا ذلك سلموا من هذه العقوبة.
3. تعجيل العقوبة للعاق في الدنيا قبل الآخرة
4. أبواب السماء مغلقة دون قاطع الرحم
1. لا يدخل الجنة مع أول الداخلين
2. لا تفتح له أبواب الجنة أولاً.
3.يدخر له من العذاب يوم القيامة مع تعجيل العقوبة في الدنيا إن لم يتب أويتغمده الله برحمته
تعالى معايا … :
</I>
1. التناصح والتشاور.
ودلوقتى بعد ما عرفنا فضائل صلة الأرحام وعقوبة قاطعها وعرفنا إزاى نوصل رحمنا من القرءان والسنه …فى النهايه ..أهدى لكم هذه الكلمات التى كتبتها بقلمى ونبض قلبى..أسأل الله أن يتقبلها منى:
كتبوا عن الأرحام… …….أكيد أحلى كلام
وأنا قليم صغييير… ……..بين هذه الأقلام
نفسه يقول كتييير……….. لقاطع الأرحام
ياقاطع الأرحام…………سامحنى ع الملام
…….. .. .. إزاى تعرف تنام ……………؟؟
إزاى وأنت بتزرع ………فى دنيتك ألغام
وبتنشأ جيل بيقلع ………..الحب والسلام
ولاعمره مره يخضع ….لمبادىء الإسلام
جيل بس عرف يرفع… …فى وجه أخوه السهام
جيل عمر قلبه ما يخشع……. للحب وللوئام
ياقاطع الأرحام……………إزاى تعرف تنام
إزاى وأنت وأخوك ….مشتركين ف الخصام
إزاى وأنت وأخوك …..متشاطرين فى الآثام
إرجع معايا وإحلم…………. بيوم من الآيام
وأنت فى حضن والدك …ومعاك أخوك وعمك
وحضن الدافيه أمك…….. وأخت شايله همك
وليه بتدى ودنك للى……….. بأفكاره سَمك
إسمع للّى حَبك ……………..وِلِم َشمل أهلك
إفتح لى يلّلا قلبك ……وسيبك م اللى شاغلك
إرجع قوام لحضنهم….. …وأشعر بسحر دفئهم
ماتقولش جرحوا فؤادى …ومش ها أنسى حقدهم
ولاتقول السنه دى…………ياما عانيت ظلمهم
قول هاأسيب عنادى …….ده انا نبضى نبضهم
قول هأبدأ م الليله دى….. …وأبحث عن ظلهم
وها أسيب حزنى وسهادى……وأرجع لحضنهم
هاأبحث عن طيبه ساكنه…… ف عيون بتحبهم
هاأبحث بشوق ولهفه ………لازمنى فى بعدهم
خلاص ..خلاص ..ياقلبى……. هاأرجع أضمهم
وها أرجع أحس تانى………….. بنبض بقلبهم
من انا دمى دمهم …………..وفرحى فى قربهم …هاأنسى خلاص القسيه ………..وهااواصل ودهم
وها أسيب بقى الأيام …………..تعالج نفسهم
خلاص بقى مش هااكابر ……ما أنا لسه بحبهم
دلوقتى بس ها تعرف تنام……..ياقاطع الأرحام
لما تسيب الخصام……. ……والله ها تعرف تنام خد خطوه للأمام……………….وأخرج من الظلام
وأكيد ها ترضى ربك ……….. وكمان خير الأنام
و
والسلام عليكم ورحمة الله وبركاته
منقوووووووووووووووول
بارك الله فيكِ أختي على النقل الموفق..
موضوع مهم وشامل..ولكن أود أن أضيف أن صلة الرحمة ليست مقتصرة على الرجال فقط وإنما هي واجبة في حق النساء أيضا لأن الخطاب في الآيات والأحاديث عام وهو بذلك موجه للذكر والأنثى..وفيما يلي تفصيل ذلك:
مسألة صلة المرأة رحمها وماذا تفعل مع الزّوج الممانع :
تَجِبُ صِلَةُ الرّحم حتى على الأُنْثَى بِمَا أَمْكَنَ لَهَا ، وَمِنْ ثَمَّ لَمْ يَجُزْ لِرَجُلٍ مَنْعُ زَوْجَتِهِ وَابْنَتِهِ مِنْ وُصُولِ رَحِمِهِمَا ، وَإِنْ مَنَعَهُمَا زِيَارَةً وَأَبَاحَ لَهُمَا سَلامًا بِأَنْ تُرْسِلَهُ فِي كِتَابٍ أَوْ عَلَى لِسَانٍ وَهَدِيَّةً فعلت ذلك وَيَجْزِيهَا أَنْ تُرْسِلَ وَلَوْ سَلامًا وَحْدَهُ بِلا هَدِيَّةٍ ، وَإِنْ أَرْسَلَتْهُ وَهَدِيَّةً فَأَفْضَلُ ، وَإِنْ مَنَعَهَا هَدِيَّةً وَأَبَاحَ سَلامًا فَلْتُرْسِلْهُ ، وَإِنْ أَبَاحَ هَدِيَّةً لا سَلامًا فَلْتُرْسِلْهَا ، وَإِنْ أَبَاحَ مَشْيًا إلَيْهِ مَشَتْ .
وَإِنْ مَنَعَهَا مِنْ كُلِّ مَا يُسَمَّى صِلَةً فَلا طَاعَةَ لِمَخْلُوقٍ فِي مَعْصِيَةِ الْخَالِقِ ، فَلْتَصِلْهُمْ بِمَا يَكُونُ أَقَلَّ كُرْهًا عِنْدَ زَوْجِهَا أَوْ أَبِيهَا مِنْ هَدِيَّةٍ أَوْ إرْسَالِ سَلَامٍ , وَلْتَكْتُمْ ذَلِكَ إنْ خَافَتْ ، وَإِذَا اُضْطُرُّوا كشدة فَلْتَصِلْهُمْ بِمَا اُضْطُرُّوا إلَيْهِ وَلَوْ مَنَعَهَا ، وتصل رَحِمَهَا بِتَعْزِيَةٍ فِي مُصِيبَةٍ كَمَوْتٍ وَفَقْدٍ وَسَلَبٍ , وَالتَّعْزِيَةُ التَّصْبِيرُ ، وَتَهْنِئَةٍ فِي مَسَرَّةٍ أَيْ سُرُورٍ أَوْ فَرَحٍ وَالتَّهْنِئَةُ أَنْ يَدْعُوَ لَهُ أَنْ يَكُونَ مَا فَرِحَ بِهِ هَنِيئًا سَهْلًا خَالِصًا غَيْرَ مُنَغَّصٍ ، وَذَلِكَ كَقُدُومِ مُسَافِرٍ وَتَزَوُّجٍ , غَيْرَ أَنَّهَا لَا يَجُوزُ أَنْ تَتَزَيَّنَ وَتُظْهِرَ زِينَتَهَا لِمَنْ لا تُظْهِرُ لَهُ نَفْسَهَا كَابْنِ الْخَالِ وَابْنِ الْعَمِّ فتبلّغه التهنئة أو التعزية من وراء حائل ودون خضوع بالقول ومع أمن الفتنة أَوْ بِتَبْلِيغٍ مَعَ مُبَلِّغٍ لَهُ وَلا يَلْزَمُهَا تَشْيِيعُ جِنَازَةٍ .
ولا يجوز للِزَوْجٍ مَنْعُ زَوْجَتِهِ مِنْ وُصُولِ رَحِمِهَا وَلَوْ بِالْخُرُوجِ ، وَلكنها لا تَخْرُجُ إلا بِإِذْنِهِ ، وَكَذَا أَبُوهَا وَتُلاطِفُ الْمَرْأَةُ زَوْجَهَا إذَا مَنَعَهَا لتصل إلى تحقيق المقصود الشّرعي بصلة الرّحم . نسأل الله أن يُصلح أحوال الجميع .
الإسلام سؤال وجواب
الشيخ محمد صالح المنجد
كتبت بواسطة ..الغدير.. 
مشاركه متميزه
جزاكى الله خيرا