محتاااااااااااااااااااااااااااااااااره ومحتاااااااجه رأي الجميع 2024.

كيف حالكم يا بنوتااااااااااااااااااااااااااااااااات

راح ادخل في مشكلتي على طول

انا اتخرجت من الثانويه ونسبتي ما خلتي استطيع اني ادخل انتظام بالجامعه فدخلت انتساب وجلست كل ترم احاول ارفع المعدل ومو راضي لانهم طالبين 3 ونص وانا ما جبت ال3 اصلا عشان اجيب النص

اريد ان تساعدوني في احدى الخيارات :

اولا انا نفسي اسحب من الجامعه مع العلم ان اهلي مو راضيين ولا صاحباتي ولا احد موافق على هذا الشي واخاف اني اسحب واندم على السنه والترم الي قضيتها في الجامعه مع العلم ان في سنه ساحبتها ..

ثاني شي انا كنت اتدرب في روضة على التدريس 6 شهور وعطوني شهاده بابا اقترح علي ارجع لهم واطلب وظيفه واترك الجامعه او اكون بالجامعه لان ه هو ما يبغاني اترك الجامعه

ثالث شي .. اني اشوف لي معهد فنون او معهد انجليزي وكمبيوتر وادخل فيه

يا بنات احس ان طموحاتي تتحطم كل ما يزيد يوم في حياتي لاني كنت احلم اني ادخل الجامعه وادخل قسم مكتبات ويوم دخلت مافي هذا القسم في الانتساب .. سلمت امري لله واتخصصت دراسات صح القسم حلو وانا دينه بس انا ما ابغى هذا القسم واتخصصته عشان يمكن ربي يوفقني واجيب معدل حلو واحول انتظام الحمد لله كانت مواد التخصص حلوه بس ما جبنت المعدل المطلوب

وقلت دامها خربانه خلاص احاول احول انتظام واروح لقسم اقتصاد منزلي واتخصص فنون بس برضوا المعدل ما يناسب معدلهم الي هم حاطينه

يعني المساله كل مالها تتعقد

واتمنى من بنات جده ينصحوني على معهد فنون او انجليزي زي نيوهرايزن او غيره يعني ابي ارعف ايش احسن معهد فنون او انحليزي عن تجربه

وانتظر منكم حل للمشكله المعقده بالنسبه لي واستقبل نصائحكم بصدر رحب

أهلين بفوفو..هدي الأمور أماااااااااال..

شوفي يافراولة.. كل واحد وله طموحه وقدراته.. واحتياجاته كمان..

لكن أنا بشور عليك من ناحية إني أنا الآن في الجامعة وانتظام..

شوفي حبيبتي.. المعدل 3.50 ماهو شي صعب.. وانتي عارفة هذا الشي ومجربة بنفسك..

نزول معدلك عنه له أسباب محد يعرفها غيرك.. وإذا عملتي كشف حساب راح تقدري تحدديها وتتغلبي عليها..

لاحظي إني لسه في الكلام حول المعدل..

يعني بصراحة أنصحك تشدي حيلك وتكملي لين تحولي انتظام…

يمكن الكثير يعارض.. لكن أنا شايفة إنه الدراسة الجامعية هي الدراسة الحقيقية والعلم الحقيقي… -تراني أحكم من ناحية الأقسام العلمية-

غير كذا هي الطريق لتحقيق طموحاتك…
الشهادة الجامعية ماهي مجرد ورقة تتبروز وتتعلق..لا..
-طبعًا على حسب الشخص- لكنها شي مهم..ومهم جدًا وإحنا محتاجينه في هذا الوقت…

أعتقد إنه اقتراح والدك طيب.. اشتغلي في الروضة وكملي دراستك بنفس الوقت…
لكن إحرصي على عدم التعارض بينهم…

وفي النهاية العلم أهم مية مرة من الكسب…

لاتقولي الكلام هذا!! ايش خربانة وماخربانة؟ وهو عمره شي تعقد وبقي متعقد؟؟ كل شدة ولها زوال يافوفو..

وانتي تقدري تشدي حيلك وترفعي معدلك..أدري انك تقدري بإذن الله..

ملاحظة: إذا كانت المعاهد ترضي طموحاتك وتزيدك معرفة وخبرة في اللي إنتي حاباه فبراحتك..

لكن أشجعك تخلي طموحك أعلى..وتصبري وتشدي إلى أن ترفعي معدلك وتحولي انتظام وتدرسي القسم اللي نفسك فيه وتبدعي فيه بإذن الله وترفعي راس الأمة..

هذا لأن هدفهم الظاهر بس الوظيفة…صحيح اللي هدفه من الدراسة الوظيفة وبس لا يحجز مكان على غيره في الجامعات..

فوفو..لو كنتِ كذلك لا تلتفتي لردي

ام قتيبه حبيبتي

اشكرك على مرورك على الموضوع وعلى رايك

بس بصراحه احس ان لي سحبت من الجامعه راح اندم اشد الندم بالذات ان الي حولي كلهم يقولون لي لا تتركين الجامعه ما تدرين ايش ظروفك في المستقبل واهم شي الشهاده الجامعيه

مرماة البحر

عزيزتي وغاليتي

اشكرك على ابداء رايك لي

شوفي حبيبتي انا كنت احلم بدراسة الجامعه عشان ارفع راس ماما وبابا وان بنتهم متعلمه وجامعيه بس انا الفكره اني ماابغى الجامعه لاني انتسااااااااااب والانتساب صعب مو زي الانتظام وبقوه ترفعي معدلك فيه

وانا لمن رفعته قامو هم رفعو معدل التحويل وكل ترم احنا نرفع وهم يرفعوا

بس ان شاء الله راح احاول واضغط على نفسي هذا الترم واشد حيلي وارفع المعدل

تدرين ماا دري كيف كلامك حسسني اني ممكن ارفع المعدل وحمستيني اني اكمل الجامعه

وبكل صراااااحه

المعااااهد ان دخلتها فهي تقضية وقت

الله يسعدك يارب كلامك هذا خلاني اقول لنفسي لا تضعفي وانتي قدها وان شاء الله اقدر اجيب المعدل
بس هذا اخر ترم راح احاول فيه وان ما قدرت امري لله اعيش طول حياتي انتسااااااااااااااااااااااااااااااااااااااااااااب

وترى انا ما همني الوظيفه انا وان ابي الوظيفه ابيها تسليه لا اكثر ولا اقل وانا احلم اني اطير بشهادة الجامعه بس الانتساب هو الي حطم كل شي بس كلامك يا امووووره راح يعيد لي كل ثقتي وصبري

وان قررت ان شاء الله راح اقولكم وانا اصلا دوامي يبدأ في نص شهر صفر

دنوووووووووووووووووووو
يالغلا

اشكرك على رايك الي زي راي مرارة البحر

وان شاء الله راح اكمل جامعه انتساب واقدر اجيب المعدل بس دعواتكم ياحلووووين

والله يخليكم لي دووووووووووووووووووووم وما يحرمني منك يااااااااااااااااااارب

حبيبتي فوفو ليش الحيرة يالغاليه ليش
حبيبتي لا خاب من استخار ولا ندم من استشار

فوفو حبيبتي نصيحة اخت ومحبة لك

فوفو انتي تقولين سحبتي سنه من الجامعه والحين لك ترم اوكي بس نجحتي صح والا انا غلطانه

فوفو من جد خسارة انك تضيعين هالسنين من عمرك وانتي تحولين من قسم لثاني وانتي تحولين من معهد لجامعه
ومن جامعه الىى …..

ليش يافوفو انتي قسم دراسات اسلامية صح

انصحك انك ماتتركينه يالغاليه هو خير لك باذن الله دنيا وآخره

فوفو كل محاضرة تحضرينها تعتبر مجلس ذكر يالغلا لا تحرمي نفسك من هالشئ

نصيحتي لك انك تستمرين بالدراسة وانك تستخيري ربك وتشوفي الخيرة فين

وانك بالاضافة الى الدراسة بما انك انتساب كملي بالروضة اللي قلتي عليها وشوفي لك وظيفة بس الجامعة لا تفكري تتركيها ابد

شيلي هالفكرة من راسك واللي يعافيك

وان كانت لك رغبة في دراسة حاسب او انجليزي اوكي بالاضافة للانتساب ادرسي فاحد هالخيارين اذا كنتي تحبين واحد منهم او ترغبين فيه

واستمري بدراستك هذا هو الأنفع لك صدقيني

فوفو للمرة الثالثة أقول لك استخيري ولا تتعبي نفسك بالتفكير

ولاتحرمي نفسك الاجر حبيبتي

تحياتي اختك

شوق

أنتِ كذا عقلتيها…يالله توكلي..

الشغلة ماهي صعبة.. وكل صعب يتسهل بإرادة الله..

تصدقي فوفو..في ناس نسبتهم في الثانوية في الستينات..تخيلي الستينات! ومع كذا بيدرسوا انتظام ..
وتحسيهم كذا أبدًا مش من اللي واسطاتهم قوية..بس نفففففففسي أعرف كيف دخلوا انتظام!

وعلى فكرة نسيت أقول لك أول.. خلي في بالك ذحين أهم شي تحويل انتظام مش مهم أي كلية..لأنك إذا حولتي انتظام بإذن الله تقدري بعدين تحولي للكلية اللي تبغيها..

يالله شدي حيلك ونشوفك بإذن الله زميلتنا..ونقابلك..بدل ماكنا نتجسس عليك انتي وآشلي..شفنا آشلي بس حلّ وقت محاضرتنا قبل لا نشوفك

وعذرًا للإطالة