مساعدة عاجلة 2024.

لانه اذا لا فانا لا انصحها ابدا على الدخلة .
اما اذا كان متجنس فيفرق الامر يصير يعمل لها ملف سبونسورشيب على اساس انها زوجته ..ما يسمى بلم الشمل العائلي ….لكن ممكن تكون زوجته بالاولااق فقط من دون دخلة ؟؟؟

فاذا العريس معاه جنسيه يستطيع انه يقدم لها اوراق استقدام زوجه طبعا فيكم تعملوا الاوراق على كتب الكتاب بدون دخله و تكون الدخله بعد ما يجيها رد بالقبول و هو من رايي انسب حلا و احفظ لحقوقها و ترى ما بتاخذ وقت من ست شهور لتسعه تقريبا اذا كان مقدم الاوراق كامله و تكلفتها اقل من الف و خمس ميه دولار فبالاول بيعطوها فيزا دخول و بس توصل المطار بيسلموها الجرين كارد ( صح يا بنات و الله مش متاكده) بس هي بتحصل الجرين كارد الموقت ابو سنتين

اما اذا كان جرين كارد مستحيل بيقدرش يقدم لها على اي اوراق شو ما كانت و للاسف ان هي طلع لها فيزا زياره لامريكا و جات امريكا و خالفت مده فيزتها راح يصعب عليها تنزل زياره تشوف اهلها لانه ان نزلت ما بيعطوها فيزا ثانيه ترجع امريكا،
هلا كله بيرجع للعريس شو وضعه و اذا كان معه جرين كارد مش مهم اذا كان لخمس سنوات او عشره السوال المهم ايمتى حصل على الجرين كارد؟؟؟ اذا حصل عليه من فتره تزيد عن الثلاث سنوات فافضل يقدم طلب تغيير حاله اقامته من جرين كارد الى جنسيه امريكيه كامله و هي ما بعرف كم بتاخذ يمكن سنه و تكلفتها الف دولار و لمن يحلف يمين و يحمل شهاده انه مواطن امريكي ساعتها فقط بيقدر يقدم طلب استقدام زوجه اللي ذكرته سابقا

الله يكتب لها اللي فيه الخير، قولي لها لا تنسى صلاة الاستخاره قبل الرفض او القبول و لا تترددي ان تسالي اي اسءله ثانيه و ان شاء الله نفيدك باللي يقدرنا الله عليه

العريس باين عليه فاهم خطا لانه هون المتزوج و مرته متواجده معه في امريكا و حب يقدم لها تغيير حاله من فيزا مثلا لجرين كارد بينظروا للمده اللي هم متزوجينها و هل بينهم اولاد و هل ساكنين مع بعض و بيعملوا مقابله اثبات انه ساكنين مع بعض و كيف الشخصين بيعرفوا عن طباع بعض هالشي كله بسبب اللي بيتزوجوا بالاجره بمعنى يتزوج ليحص الجنسيه مقابل مبلغ مالي و بعدها يطلقوا لهيك بيدققوا بالامر و ممكن تطول فتره المعامله لهيك قال ان في اطفال اسرع، بس هي بسيطه يا ستي لمن يقدم الطلب لاستقدام زوجه ان سالوه ليه ما اخترت بنت من امريكا يقول انا مسلم و اتزوجت بنت نظيفه و مسلمه من بلادي لانه هون صعب تلاقي clean girls زي هناك بس يو نو هن لا راح يسالوا ولا على بالهم يتوكل على الله و يرمي هالطلب في البريد و ان شاء الله تجيها الموافقه السريعه و اذا كان مستعجل يتزوج و اهل البنت و البنت راضيين يتوكلوا على الله لكن ترى بيرجع امريكا و هي بتضل في بلادها لبين يا يطلع لها فيزا يا هو يقدم لها اوراق بس انتوا دققوا تعرفوا وضعه << عارفه عدتها كثير بس اذا لسه مستلم الجرين كارد لسه فيها انتظار ثلاث اربع سنوات ليتجنس و بعدها ترى مش مضمون انه يوافقوا على اوراقها ما هم مغفلين او والدين امبارح ترى بيدققوا بتاريخ عقد الزواج و اذا كان بفتره لمن كان جرين كارد بيرفضوها <<< طبعا هاد في حاله انه اخذ الجرين كارد عن طريق زوجه بالاجره و هو اللي بيساووه غالبيه هالشباب. عقدتها عليكم بس انتي فرجي كلامي لابو العروس لحتى يكون بالصوره و يعرف يحدد اذا كان الشب بيناسب بنته ام لا، ترى شفت كثير حالات بنات تقعد اربع خمس سنوات و يكون معاها طفل يكبر بلا اب و المصيبه الكبرى لمن يبعث لها ورقه طلاقها انه خلص ما عاد بدي اياكي انتي و اولادك!!!!!

شكلي ما راح انام الليله و انا افكر فيها