انا كنت عايزه اقدم لبنتى فى مدرسة الانصار الدولية
لكن عايزة اعرف رأى اى حد يعرفها او مدخل اولاده فيها
وبالتحديد مهم عندى انى اعرف مستواهم فى تدريس الماس والساينس
ياريت تردو عليا بسرعة علشان التقديم شغال دلوقتى
ودمتم بسلام
اقصد الانصار العالمية
أنا ساكنه معاكى فى الشارقه وأولادى فى المواهب , أنا سمعت عنها إنها كويسه بس معنديش معلومات كافيه , أنا نفسى نعمل موضوع عن مدارس الشارقه من الخبره الشخصيه وأنا حبدأ بسم الله .
مدرسه المواهب تقع خلف الإذاعه والتليفزيون يعنى موقعها كويس وتعتبر قريبه من وسط البلد والأهتمام بالدين والقرآن ممتاز وكمان معامله المدير والمدرسين مع الولاد كويسه وفيها نشاطات كتيره وهى مدرسه صغيره مش كبيره وكثافه الفصول معقوله يعنى كل فصل حوالى 20 طالب .
المنهج بريطانى والمدرسين للغات أجانب بريطانيين وفيه واحده امريكيه وهنود أو باكستان وباقى المواد عرب.
المشكله عندى إن المنهج بسيط والكميه مش كبيره وخللوا بالكوا أنا باقارن بمناهج مصر , مع إنى سمعت من ناس بيقولوا إن منهجها قوى (مش عارفه امال بقيه المناهج تبقى ايه), بس دى ظاهره عامه فى معظم المدارس هنا.
وكمان مفيش واجبات تقريبا ولكن للحق المدرسين بيشرحوا كويس والولاد بيرجعوا فاهمين الدروس ومذاكرينها.
كمان مصاريفها متوسطه مش غاليه قوى ولا رخيصه قوى.
أنا عارفه ان انتى بتسألى على مدرسه معينه بس أنا قصدت كده علشان ناخد خبره على كل المدارس لأن أنا كمان حانقل أولادى إن عشنا وفضلنا فى البلد لأن المدرسه لحد صف سادس فقط.
والسلام عليكم ورحمه الله
انا موافقة على الفكرة اللى انتى قلتيها بخصوص مدارس الشارقة
لكن انا شايفة ان من الاحسن نعمل موضوع عن مدارس وحضانات الامارات كلها علشان كل اللى فى الامارات يستفيدو
وانا بدعوكى انك تعملى الموضوع انتى
وانا هكون اول المشاركين فيه لانى عندى خبرة فى الحضانة بتاعت بنتى
وعلى فكرة اولاد اخويا فى مدرسة المواهب وهما بيشكرو فيها اوى
فانا حبيت اقارن بين المواهب والانصار علشان اقرر
وعلى فكرة انا كمان اسمى ايمان
مستنية مموضوعك عن مدارس وحضانات الامارات علشان اشارك فيه
بالأمس كنت أتحدث مع أم زميل لإبنى سابق فى المدرسه نقلت أولادها لمدرسه الأنصار لأن الكبير أصبح فى جريد 7 وشكرت لى جدا فيها وهذا للامانه
اولادي بمدارس عربية بمدرسة النور الدولية
واشوفها جيدة ولا اريد تغيير المدرسة لان مادمت مرتاحة فيها خلاص ليش اغير .
سلامي لكن والله الموفق…