مشاركة الاخت umsuma65 بالسفره الرمضانيه 2024.

حتى انحسوا شويه بسفرة
رمضان
اولا مائدة الافطار وتتكون من
التمر والحليب والعصير والحلو قطايف

تمرات ايرانيات
يسلام لو كان التمر ليبي
رطيبات مصراته
والا الجفره
اه

ماء ماء مااحلى الماء بعد الافطار

ههههههههه شلنا الصالون وعملنا جلسه عربيه

اولا وزي ماقلت الطاوله صغيره قسمت التصوير على مرتين

اولا السلطه وهي عباره عن خس وخيار
وطماطم وليمون وملح وزيت

شربه ليبيه

العصبان الليبي

امسير

خبز الفرن
طريقة امي حفظها الله

هذه باقي السفره

هذه طريقة هذا الفطيره
فطيرة الكاروهات

كفتة البشاميل وهي من عمل بنتي بتو
رابط الكفته بالباشاميل
نزلته توا
http://www.lakii.com/vb/showthread.p…1#post10741381

اسفه هذه صورة الدجاج سقطت
سهوا نسيته وماصورته الا بعد قدمت
الاكل وهو دجاج بالبقدونس
والكسبر والبصل والثوم لذيذ

هذه فطيرة الكاروهات

خبيزة التونه والزيتون على طريقه الكروسوان

مثلثات اللحم بعجينة الباف العجينه جاهزه

وطبعا الحلو كانت الدبله الليبيه

خوذي الدبله ياعسل وديريها وصوري لنا
http://www.lakii.com/vb/showthread.p…0#post10751280

اذا مقدارك كبير
ديري كوبين دقيق
ذره بسيطه بيكنج بودر علشان الفقاقيع
وثلاث ملاعق سمن او زبده او حتى زيت ماشي الحال
وبياض بيضه
وعني احياناً نستغنى عنها
واعجنيهم بالعطر افضل شيء
لو مافيش اعجنيهم بالماء
عجينه متماسكه مش يابسه
وخليها ترتاح
وافردي وشكلي
انا انحب الدبله على هيئة دبلج

والقطايف

بنات هذه بكلاوتي للعيد
ان شاء الله تعجبكم
http://www.lakii.com/vb/showthread.p…1#post10742123

……………………………………

وهذا رابط المعمول
http://www.lakii.com/vb/showthread.php?t=679996

…………………………..

وهدي صفرتي اليوم
اول شيء قمرالدين وندير فيه
بلمشماش المجفف
صفرة الكبايات ارهي من تاجوراء
هههههههههههههههههه

والمهلبيه

والحليب مع القطايف

وسيدةالمائده الليبيه الشربه

ودرت كفتة البشاميل

ومبطن

ومحشي كرنب

وطبعا جربت معجنات الرساله

بس اول مره ضحكوا علي العيله قالوا هدا
طرد مش رساله
ودرت الارزالليبي بالكبده واللويزات

والسلاطات حمص بطحينه

وسلاطة خس

وعصير الخوخ الطبيعي

مع البسبوسه وانا درت نوعين من البسبوسه

واحده طريقتي ووحده طريقة المصراتيه تسقي بالحليب بدل
العسل

هذه بسبوستي

وهذه بسبوسه المصراتيه

فطورنا

بابا غنوج وسلاطه رقيقه

بوريك باللحم والبطاطا طبعا دزولي الماكينه امتاع الملسوقه من ليبيا

http://www.lakii.com/vb/showthread.p…9#post10813679

هذا رابط التعريف بماكيتة البوريك زي ماطلبتوا
مشكورين

شربه

عندي مشكله المده الماضيه مافي دجاج حلال

بس بكره ان شاء الله بيجيني وتوا اندير اطباق بالدجاج

سلاطه مشكله من اختراع بتو

فيها دحي مطبوخ وهريسه وجبنه وزيتون وفقاع وكسبر وليمون وملح وبهار السلاطه جت اتجنن

هذي خبزتي بالزيتون والسمسم اخساره قصيتها قبل مانصورها مش مشكله

اعجني الدقيق معه كوب لبن ومعها نص كوب زيت
وطبعا الخميره وملح عجينه وسط
وخليهم يخمروا
وقرصي القرص واطرحيه على الرخامه بالضرابه
مش غليظ هلبهبالدقيق او الزيت و
يكون مدور وارفعيه على طول في الطاجين
وزينيه بالشوكه
وادهني بالحليب ورشي عليه سمسم ولصقي فيه زيتون
وهذا هو نفسه

بس من غير زيتون وسمسم
عموما سر خفته في خمرانه في الطاجين لمدة عشر دقايق
واخبزي ان شاء الله افدتك

ايه البريكات انسيناهم

سلاطه وامسير

بوريك دحيه

هذه كريكيبات درتهم بتو واحده بالتن والزيتون والهريسه ووحده بالفقاع ووحده باللحم والجبنه طبعا فوقهم اقطيعات جبنه وزعتر وقرنفله

واخيرا واني اديرلكم في الصور كليت جيلطي القطوسه السوداء ههههههههههههه

زمان كان فيه مستكه حاره بالكمون ممكن انتوا مالحقتوا عليه

اسألوا عليها جماعة الستينات

عليها نفس هالقطيطيس

هههههههههههههههه

الله غالب عزوز غبره

الحقوا اقريب يكمل

وهذا نصيبكم من صور الشارع هذه بحيره اصغيرونه بحدا حوشي

الفطور الاول كان حليب وحلا القريوش
هذا طبعا الاسم اللي سمعت بيه
فيه من يقوله القفص الصدري
ههههههههههههه
وعصير الخوخ الفريش

خوخ

قريوش

سفرتي

متكونه من الدجاج بالمعدنوس والكسبر والتوم
رائع

طبق الدجاج بالمعدنوس والكسبر رائع

http://www.lakii.com/vb/showthread.php?p=10809164#post10809164

طبعا خبيزتي

هذه الحبزه الملفوفه بالتن والزيتون والهريسه العربيه

وهذي حجيبات اللحم المفروم
مش عارفه ليش الاسم ايخوف ايفكرك بالساحرات
ههههههههههههه

وهذي كرات الكفته من الكرنب والبطاطا
والدجاج رائعه

وهذا حساء الدجاج الحار
بالزيتون والطماطم

طبعا السلاطه
درت بابا غنوج
ومخلل

وسلاطة الجزر الروسيه

عمل السلطه الجزر الروسيه
وتستعمل هذه الاله لبشر
الجزر وجعله خيوط طويله

وهذه مقادير السلطه

ست جزارت متوسطه
اربع ملاعق زيت زيتون
ذرة ملح
ملعقه كسبره جافه
ذرة فلفل احمر
ومن يحب الاسود ممكن يضعه
فصين ثومه
نصف ليمونه
قطرات من ليمون مخفف وممكن الاستغناء عنه
نبداء في البشر

وتكون بهذا الشكل

وهذا شكل الجزر بعد البشر

ثم نصب عليه قطرات الليمون

والتوابل

ونعصر عليه قليل من الليمون
الاصفر ونهرس الثوم معه

ونسخن الزيت حتى يحمى جدا
بحيث عندما نصبه يصدر صوت

ونحركه جيدا وندعه يبرد

طبعا بطل المائده هو العصبان
ماتنخلعوش ههههههههههههههه
ماعنديش عرس
غير عزومه كبيره
بكبك

الى الفرن در

اسياخ الدجاج متبل في لبن وليم وتوابل وتوم

بوريك

وايضا لازم يكون موجود الرز على مائدة رمضان

وهذا مافضلنا من عصيبنات

هذي كفتة عمتي
هههههههههههه
كفتة البطاطا محشيه باللحم

خبيزه

متبل باذنجان

هذي تذويقه

الحلو

وهيا الى دياركم

ودرت البان كيك محشي بلكراميل
وصبيت عليه كريمة الشكلاطه
وحطيت فوقه التوت البري والتشورنيكه

هذه تكييفه ههههههههه

هذا شكله من داخل

هذا التوت البري والتشورنيكه

التشورنيكه

……………………………….

اهلين هذا فطوري اول امس
درت قلايا ومعها سلاطه خضراء
وحمص بالطحينه
ومحاشي في الكوشه
وخبزة تنور كذابيه في الفرن

هذا المحشي كوسه وفلفل وبطاطا وفقاع حشيته
حتى هو طبعا هو اللي عاطي وجهه لفوق
الشربه شربة فقاع
والسلاطه الخضرء

اما عن المحشي توا انزله لكن اهو انقولك لما تحشي الخضره وتكمليها اترتبيها في الطاجين بعد ماتفرشي فيه لب الكوسه وشوية بطاطا وبصل وتخلطي شويه ميه مع طماطم وفلفل وتصبيهم عليه
وترتبي خضراوتك المحشيه وتغطيه بالسلفروتحطيه في الكوشه ساعه وبعدها حولي الغطاء لما تلقي الكوسه لينه
وخليه على راحتها ياخذ ساعه او ساعه وربع
بعدها خليه يتحمر وكولي صحيحه
ان شاء الله فهمتي مني
وانا حاضره ان شاء الله

الخبزه اداعاك في المحشي

هذي خبيزتي

الخبزه امتاع التنور انيدر فيه في الحوش
اول شيء نعجن عجينه عاديه دقيق وملح وخميره وماء دافي
وتكون وسط مش رطبه يابله ومش يابسه
ولما تخمر انقرصها بالزيت ونخليها في السفره لمدة عشر دقايق تخمر تاني ونكون والعه الكوشه من فوق ومن تحت واذا كان كوشتك تولع من تحت ابروحه ومن قوف ابروحه
ولعيها لمدة ربع ساعه قبل ماتحطي الخبز وطاجين الكوشه الاسود
العريض خليه يسخن زي التنور
يعني لما وقلتي كيف نعرف انه مايلصقش خوذي قطعة عجينه ولصقيها فيه توا تنطلق بسرعه يعنس ماتلصقش كانه تيفال
وتوا خودي قرص العجينه واطرحيه باايدك على الطاجيد داير مايدور
واطيب من تحت وبعدين من فوق

الباغلي بالتن والهريسه والزيتون اقريب انسيته

اما الحلو كان بان كيك بالعسل في الفرن رائع

طريقته ساهله جداااا
اتخلطي المكونات
واتصبي ثلث المقدار
في الطاجين
واطيبيه بعد مايحمر الوجه
طلعييه وادهنيه بلعسل اني درت عسل نحل
وبعد هكي صبي عليه الثلث من الخليط
ورجعيه على النار
وكرري كل مايطيب ادهني عسل
لما تجهز وتبرد قصيها تلقيها طبقات رائعه

وعن البن كيك
اهو نشرحلك
المقادير
3/4 كوب من الزيت
كوب وربع من الدقيق
4 بيضات
علبة حليب صغيرة عادية
م ك بيكنغ بادودر
3/4 كوب من السكر
نضع السكر ومقدار الزيت و نخلط جيدا
نضع البيض فوق الزيت ويخلط جيدا
ثم نضع الدقيق والبيكنغ باودر والحليب ويخلط جيدا مع بعض
يدهن البايركس او طاجينك العادي بالزيت ويرش عليه الدقيق
عني انا في الكيك ندهن في الطاجين بالطحينه
يعطي نتيجه اتهبل
ويسكب القليل من المقدار فيه يعني طبقة رقيقة ويوضع في الفرن
بعد نضج الكيك يدهن بالعسل وهو اختياري ويسكب عليه طبقة رقيقة من مقدار الكيك ويرجع الى الفرن
بعد ما تستوي الطبقة الثانية تدهن بالعسل ايضا ويسكب باقي مقدار الكيك .. وتعاد الكره الى ان يكتمل القدار ..بعد الخبزة الاخيرة يدهن بالعسل ويزين

الزينة اختياري بندق مطحون وجوز الهند انا وضعت مربي التوت

وعن المربى عادي ماتوجعي خاطرك
خودي اي مربي بس متكونش هاديكك المكلطه
اللي عندنا
واضربيها في الخلاط مع شوية اميه تعطي نتيجه
او ديري اي صوص فواكه
لو تبي اي طريقه حاضر

هذي خبيزة ام السنيفير الله يحفظها ماشاء الله بنه وشكل رائع
درت منها في الكوشه وحشيتها باللحم والطماطم

والنص التاني قليته وحشيته تن وهريسه عربيه وزيتون

باذنجان بالطحينه لاتخلو منه سفرتنا

رز بالباشميل واللحم دارته بنتي بتو

اه من العصبان اه ياام السنفور
ههههههههههههه

دليليعه زي العسل ومافي حلو اليوم هههههههههههههه

…………………..

درات كسيكسو بالبصله والبطاطا يعني خلطت
ودرت دبله بس العسل جي داكن شويه
هذا الفطور الاول

فلفل ماماء الاء مش عادي
بس هو مش امرقد هو في السبيتار ايرقد
هههههههههههههههه

صفرتي مع سرطة الفجل والفلفل والطماطم