أى فئة سواء الأولى أو الثانية
أو سكر الحمل
بالذات فى رمضان
وخلطاته والمكرونات بأنواعها والبشاميلات
طب وبعدين
والشيطان شاطر طب نعمل إيه
والإنسان طماع يجرى والممنوع مرغوب
لكن الصحة يجب الحفاظ عليها
لأن لا قدر الله هذا المرض خطير
ولو أهمل العلاج والمتابعة يؤدى إلى مضاعفات
ولا قدر الله غيبوبة… ونحن فى غنى عن هذا
وشئ بسيط أحسن من لا شئ
وسكر دايت أحسن من مفيش
مجموعة من الشوربات والمشروبات والمقبلات
التى تحتوى على نسبة قليلة من الكاربوهيدرات
والتى تتيح لك بعض المساحة فى باقى الوجبة من أطباق رئيسية وحلويات
وطبعا ما تنسوش كل جسم بيختلف فى رد فعله
بس الحاجات دى بالنسبة لى الحقيقة ما رفعتش نسبة السكر والحمد لله
فالموضوع خاضع للتجربة وإن شاء الله محدش يرتفع عنده السكر وتكون وصفات خفيفة ولذيذة
.
.
.
.
.
.
تابعونــــــــــــــــــا
1 موزة
1 ثمرة خوخ متوسطة
أو
1 كوب خوخ معلب فى عصير وغير محلى
1/4 كوب عصير برتقال طبيعى
قطعى الموزة والخوخة بعد تقشيرهما إلى شارئح وتوضع فى الفريزر على الأقل 6 ساعات قبل الإستعمال
ضعى كل المكونات مع بعضها فى الخلاط عصير البرتقال واللبن والفواكة وإخلطيها جيدا
لو حسيتى إنها تقيلة ممكت تضيفى لبن ساقع أو ماء أنا لا أحبها تقيلة ولهذا أضفت ماء مثلج لهم
بس خلاص
صبيها فى الكاسات
كل كاسة تحتوى على 29 جرام كاربوهيدرات
1/4 ثمرة موز متوسطة
2 باكيت سكر دايت ( كل باكيت يعادل 2 معلقة سكر)
1/4 ملعقة صغيرة فانيليا سائلة ( لو متوفر لديك اللى من غير كحول أو فانيليا عادية)
قطعة أناناس فقط للتزيين ( ما كانش عندى محطيتهوش)
توضع كل المكونات فى الخلاط مع حوالى 1/2 كوب ثلج أنا إستخدمت ماء مثلج
ويصب فى الكأس
كل كوب يحتوى على 18 جرام كاربوهيدرات
2 باكيت سكر دايت
ماء مثلج
ممكن تقشرى الليمون وتقطعيه وتحطيه مع باقى المكونات بالخلاط
لكن أنا أفضل الطريقة القديمة
وهى عصر الليمون يدويا لأنى لا أحب مرارة الليمون
.
شوربة كريمة الفراخ
الشوربة دى أكثر من رااااااااائعة بس خدى طريقتها منى …. طريقة سهلة وبسيطة بعض الناس يحطوا بصل وثوم يتشوحوا مع الفطر …. أنا شخصيا مش بأحب كده بتحسى إنك بتآكلى طبيخ مش شوربة
المقادير
كوب شوربة ( ممكن ماجى لو مفيش شوربة فراخ)
كوب لبن قليل الدسم
معلقة زبدة
معلقة كبيرة دقيق واحدة بس مش أكتر
الطريقة
فى حلة الشوربة نسيح معلقة الزبدة أو السمن ثم نضيف معلقة الدقيق ونقلب بسرعة مش ضرورى تتحمر بس تقليبتين كده
ثم نضيف المرقة وبعدين اللبن
ونقطع فيها قطع فراخ ناضجة طبعا
ونضيف لها مشروم ( فطر) حسب الرغبة
وتترك لتغلى وتتخن قليلا
وطبعا لا ننسى الملح والفلفل
ودوقى أحلى كريمة فراخ وإن شاء الله تعجبك
الشوربة دى على الرغم من إن فيها دقيق إلا إنها ولله الحمد لم ترفع مستوى السكر لأنها معلقة واحدة بس
شوربة البازيلاء والكرفس
شوربة كلها فوائد وممكن بدل البسلة تتعمل بالكوسة طعمها لذيذ برضة
المقادير
3 أكواب شوربة ( مرقة فراخ)
1 كوب بازيلاء ( بسلة يعنى ) أو كوسة
عودين تلاتة كده كرفس( بيدى ريحة روووعة)
ا بطاطس متوسطة ( أنا حطيت نص واحدة صغيرة لأن البطاطس بترفع لى السكر)
1/4 كوب جزر ( ما تكتريش منه وقلته يكون أحسن علشان برضو بيرفع معايا السكر)
ملح وفلفل
بس خلاص
الطريقة
إقلبى كله فى الحلة
ولما يستوى الخضار إرفعى الحلة من على النار
وإضربى المكونات فى بعضها فى الحلة كده بالهاند ميكسر وخلاص
مغذية ولذيذة جدا جدا
ملحوظة: يستحسن لو السكر عالى تعمليها بالكوسة لأن البسلة أعلى من الكوسة فى النشويات اللى فيها
وبالهنا والشفا
شوربة كريمة المشروم ( الفطر)
شوربة لذيذة ومغذية أيضا
المقادير
حوالى 2 بصلة خضرا مقطعة صغير ورفيع
( أنا إستخدمت بصل عادى حوالى 1/2 كوب)
3 فصوص ثوم مهروسين
علبة كبيرة فطر أو 3 كوب فطر طازج
2معلقة كبيرة دقيق
2 معلقة كبيرة زبدة أو زيت زيتون
1 1/2 مرقة دجاج
1 كوب لبن قليل الدسم
ملح وفلفل
الطريقة
توضع نصف الزبدة فى الحلة ومعها البصل والثوم
تقليبتين كده حتى يطرى البصل ويصفر ونضيف المشروم ونقلب لمدة 5 دقائق على نار متوسطة
نضيف المرقة ونترك الخليط على النار حتى ينضج
نشيل على جنب شوية فطر ناضج من الشوربة ونضرب باقى الخليط فى الخلاط الكأس أو اليدوى
توضع باقى الزبدة على النار ومعها الدقيق وتقلب سريعا ثم نضيف لها اللبن
نضيف هذا الخليط على الخليط السابق ونضع الملح والفلفل حسب الرغبة ونضع قطع الفطر الصحيح
وبالهنا والشفا
هذا ما بجعبتى حتى الآن لكن
أتمنى أن يكون موضوعى مفيد بالذات للحبوبات
اللى عندهم مرضى سكر بالبيت
وأتمنى منكن المشاركة لنساعد جميعا حبايبنا مرضى السكر وخصوصا إنه مرض منتشر جدا بين آباءنا وأمهاتنا
حفظهم الله لنا جميعا بأتم صحة وأحسن حال
منتظراكم حبيباتى
و ان شاء الله يشاركونا المبدعات احلى الوصفات
موضوع رااائع ومفيد لأبعد ما تتخيلين
وفعلا مرض السكري لو ما عرفنا كيف نتعامل معه
ممكن يؤدي لنتائج وخيمه بالنسبه للمريض
وسبحان الله في أول الأمر كنا نشعر بأنه شخص آخر موجود معنا في البيت
لكن الآن وبنعمة وفضل من رب العباد .. تأقلمنا وتأقلمت معه أجسام كل من في المنزل
وفعلا تغيير بسيط في طريقة الشرب او الأكل له أكبر التأثير في التحكم بالسكر
ان شاءالله احلى المشاركات تشوفيها من الصبايا .. وان شاءالله لو صار مجال
أشارك معكم كمان ..
يعطيك الف عافيه يا قمر
بارك الله فيكى و جزاكى خيرا على المعلومات المفيده و الوصفات الرائعه
اللهم اشفي الجميع
