النهاردة عملت لكم معجنات دايت سهلة جدا و لذيذة و قايمة علي عجينة العشر دقايق و يا رب تعجبكم
انا عاملة كمية قليلة عشاني انا بس
مقادير المرحلة الأولي:
1/4 كوب دقيق أبيض
ا ملعقة صغيرة سكر
1 ملعقة صغيرة خميرة جافة
1 ملعقة صغيرة لبن بودرة خالي الدسم
1/4 كوب ماء دافيء
نقلبهم مع بعض و هيبقي شكلهم سايل و نسيبهم 10 دقايق
مقادير المرحلة التانية
3/4 كوب دقيق أسمر
1 ملعقة صغيرة زيت زيتون
نضيف الدقيق و الزيت علي المرحلة الأولي و نعجن لغاية ما تتماسك و ممكن تدهني ايدك دقيق اسمر لو بتلزلق
ونسيبها تخمر انا سبتها حوالي ساعتين و
ده شكلها بعد التخمير
بعد كده نفرها علي سطح مرشوش بالدقيق الأسمر
و بعد كده انا قسمتها 4
و بعد كده حشيت كل واحد بجبنة رومي و بسطرمة
و عملت أشكال مختلفة
دهنت وشها بصلصة طماطم قبل ما أدخلها الفرن
و ده بعد ما خرجت
و دي لأحلي رد
بالهنا و الشفا يا رب تكون عجبتكم
وتسلمى على الوصفة الجميلة
والف هنا وعافية على قلوبكم يارب
معجنات راااائعة و صحية
في انتظار المزيد منك ان شاء الله
يسلموا يا قمر
راااااااااااااااائع
بالف هنا وشفا عليكم يارب
بارك الله فبكى
يسلمو ايديك يا قمر
وصفة جميلة وفطائر صحية
بس ياريت تكتبي اسمك على الصور حبيبتي علشان تحفظي حقوقك
وهاي الرابط حيساعدك
استفسار عن طريقه كتابه الاسم على الصور
و ابعتيلي الصور علشان اعدل الك الموضوع حبيبتي
وحياك الله معنا حبيبتي
بالف هنا وشفا