مساء الورد والفل وأجمل العطور ….
ورمضان قريباً علينا يزور ….
وسفرتنا تحلوا باجمل مقبلات واطيب سحور ….
مساء الخيرات يا احلى بنات وسيدات ومشرفات
تنتظركم سفرتي باطيب المقبلات
ويارب تعجبكم وهيك تسعدوا من حولكم بتطيبقها لانها سهله وحلوه وخاصه في رمضان
اتفضلوا
بسم الله نبدا
عصير كوكتيل موز مع مانجا
المقادير
علبه لبن زبادي حلو يعني يوغورت او دانيت مايكون حامض– حسب الرغبه وممكن الاستغناء عنه
حبه مانجا
4 حبات من الموز
شويه سكر حسب الرغبة
نصحيه حلوه كتير
اذا عندك كميه من الموز وخاصه في الصيف وشفتيهن صار لونهن يميل الى الاسود
لفيهن في كيس وضعيهن في الفريزر مش الثلاجه واستخدميهن لعصير الكوكتيل
الطريقة
نخرج الموز من الفريزر اذا مستعجله قشريه بسكين واذا عندك وقت اتركيه 10 دقائق بس يدوب
وضعيه في الخلاط مع شويه ماء وملعقتين كبرا من اللبن ممكن اذا بتحبوا اللبن تزيدوا بس في اشي ما بيحب النكهه القويه للبن في الكوكتيل
ونخلطه في الخلاط
ونصبه في كوب
وبعدها نقشر المانجا ونخلطها مع شويه ماء وشويه سكر وممكن نضيف لبن حسب الرغبه
ونصبها فوق الموز وبشوكه او عود الشوي نعمل تموجات في الكوب
هيك يعني
وهيك شكل الكوب في النهايه
وصحتين وعافيه
—————————————————-
عصير مانجا مع اجاص
المقادير
حبتين مانجا كبار
4 حبات اجاص
قليل من الماء وقبليل من السكر
وتقشر وتوضع في الخلاط وتقدم
ممكن تزين بورق النعنع وقطعه من الاناناس
وصحتيين وعافيه
—————————————————
عصير عنب في عنب
المكونات
عنب لونين وممكن لون واحد
وقليل من الماء والسكر
نقطع العنب مثلا اللي لونه احمر ونزيل البذور ونضعه في الكوب
ونعصر العنب الاخضر ونصبه فوق العنب الحب ويقدم
وصحتيين و عافية
شمام بشكل سمكة
الطريقه سهله جدا بس تشوفيها تقولي صعبه بس هي حلوه وراح تعجب الكل
نجيب شمام ونزيل طرفه من تحت علشان تثبتيها
وبعدها نرسم بطرف السكين شكل ورده او اي شكل بدك تعملي فيه السمكه ممكن مربع او دائره
ونفرغها
ونزيل ما بداخليها بملعقه البوزه او بملعقه عاديه سهله جدا
ونزيل ايضا القشر من الغطاء تبع السمكه ونعمل منه الذيل للسمكه
ونقطع الشمام لقطع صغيره وتعبا في الشمام وممكن نعمل اشكال سمك بالبطيخ
ونعمل العيون من العنب
يعني انتو وزوقكم
وصحتين وعافيه
هذه سهله كتير وما بدها اي تعب
راح تقلوا شغلها بده وقت والله ما احدت مني يدوب ربع ساعه بس بس عجبت الكل
نجيب نص بطيخه بالعرض
ونفرغها بسكين
نقطع البطيخ قطع كبيره مثلثات
ونقلب القشر تبع البطيخ ليكون جسم الطاووس
ونضع اسياخ الشوي الخشبيه على جسم الطاووس من الخلف
ومن الامام سيخين علشان عنق الطاووس
كنت بدي اعمل العنق سيخ واحد بس ما بيزبط وما بيتحمل راس الطاووس
ولاخفاء الاسياخ نضع فيهن عنب
ونضع راس الطاووس وهوه اجاص ووكن اي نوع من الفاكهه المتواجده او ممكن حبه ليمون
ونضع ريض الطاووس وهو قطعه بطيخ وبعدها حبه عنب وممكن تشكلي ايضا بالفاكهه ممكن تزيدي شمام
او تفاح اوي اي نوع بتغبيه او بتغبه عائلتك
وهيك بيكون شكله
وصحتيين وعافيه
هاي صعبه شوي يعني بدها طوله بال
نقطع اسف الشمام علشان يثبت زي اللي قبل
ونبدا بعمل الاجنحه
هيك
هيك يكون الجناح الاول ونعمل الثاني بنفس الطريقه
نيجي للذيل
نعمل فتحه في الشمام ما ترموا القشر راح نعمل فيها الذيل
المثلث نعمل فيه خطوط مثليه ويصير ذيل البطه
ونفرغها
بطرف السكين هون الصعوبه بدك تطلعي الشمام من دون ما تقطعي القشر
هيك بعد ما تتفرغ
وتقطعي الشمام وممكن تضيفي معه بطيخ تشكيل يعني
والراس يكون من الليمون
معلش سامحوني ما كملت تصوير لانه اتاكلت هههههههه
وعجبت الكل
وصحتين وعافيه على قلوبكم
راح اكمل بعدين
شغل مايا يا عسل ..
هنول فعلا من طول الغيبات جاب الغنايم
كل عام وانت الى الله اقرب يا عسولتي
رمضان كريم
