طريقة مكرونة بالكريمة ان شاء الله تعجبكم
المقادير :
1-دجاجة مقطعة مكعبات
2-علبة كريمة الطبيخ اللي يسمونها قشطة الخفق تلقينها في السوبر ماركت في الثلاجات الحجم الكبير
3-مكرونة ملونة بعد تلقينها في السوبر ماركت بلونين الاخضر اللي هو بالسبانخ والاحمر بالطماطم
4- قرنبيط
5- ملح
6- مرقة كنور اللي تجي بأكياس من مازولا جديدة
7- جبنة موزاريلا
الطريقة :
1=اسلقي المكرونة والقرنبيط والدجاج بعد تقطيعه كلاً على حده يعني كل شئ لوحده بقدر وملحيهم يعني ضيفي لكل شئ تسلقيه شوية ملح
2=بعد ما تستوي المكرونة والدجاج والقرنبيط ضيفيهم مع بعض في صينية ولخبطيهم مع بعض يعني ضعي القرنبيط على المكرونة وضعي الدجاج على المكرونة وسويهم مكس مع بعض
3= جيبي كريمة الطبيخ وضعيها في قدر على النار وضعي عليها اثنين مرقة كنور الدجاج الاكياس على علبة الكريمة الكبيرة وبعد ما تصير حارة ضيفيها على المكرونة لين تغطيها
4= رشي عليها الجبن الموزاريلا ودخليها الفرن لين تسيح الجبنة وبالهنا والعافية ويارب تعجبكم
ملاحظة:
انا احب اسويها بالفطر يعني ممكن قلي الفطر بالزبدة وبعدين نضيفة على المكرونة
والكريمات خليها على ربك يالغالية ودام تحبين الأطاق اللي بالقشطة باعطيكي طريقة ثانية اعطتني هي بنت خالي الله يرحمه الحين ان شاء الله انزلها لكم 
هلا شمالية الله يعافيكي اختي