أول شيء أطلب منكم الدعاء لي بالتوفيق فقد بدأت هذا الأسبوع دراسة الماجستيرهنا في لندن .. فالتمسوا لي العذر اذا قصرت معاكم يا حلوين
بس انتو عارفين يعني الدراسة مع البيت والسنافر وأبو السنافر (واحتمال وظيفة part time كمان على جنب والعيال في المدرسة) ورمضان بعد كم يوم يعني ممكن تلقوني ميتة في الحوش أو بأشحت " وقت" في الشارع ههههههههه اللي عندها وقت زايد ترسل لي بالبريد المستعجل هههههه .. بس انتو عارفين اللي في القلب ولو ما كان على اللسان هادي مكرونة جربتها أمس من كتاب صيني/تايلندي من جد حلوة
المفروض تصير بالنودلز بس ما كان عندي الا سباجيتي نحيفة (في نوعين اسباجيتي .. نوع نحيف ونوع تخين .. أنا جربتها بالنوع النحيف طلعت حلوة بي أكيد بالنودلز أطعم … جربيها بالاندومي برضه ممكن .. طبعا بدون بهاراتها) ..
سلقت المكرونة في موية وماجي ..
قطعت اللحم طوال زي اللحم الصيني العادي أصابع طويلة ونحيفة ونقعتها في (صويا صوص + زيت سمسم+ نشاء + فلفل أسود + صلصلالة <== صلصة على قول بنتي ههههههه + شوية من موية سلق المكرونة .. بس لا تصير شوربة ههه يعني يكون خليط النقع ثقيل شوية) ..
قطعت فلفل برتقالي وبصل أخضر الى مكعبات صغيرة (المفروض أقطعه طوال زي اللحم بس ما أنتبهت لنفسي الا وأنا مقطعته مكعبات بالغلط .. فلازم تسوو زيي!!!! ههههههه) ..
حطيت زيت على النار وحطيت اللحم عليه بالخلطة حقته وقلقلته الين استوى مرة ورميت فوقه الفلفل البرتقالي والبصل الأخضر وقلبتهم تقليبتين بس (أحب الفلفل يكون مقرمش يعني نص سوى والبصل الأخضر اذا طول على النار يسود فما أحب أطبخهم كثير) ..
بس يا عيوناتي .. رميت المكرونة فوقهم وقلبت وقدمتها مع ابتسامة زي هادي
صدقوني السر في صوص الصويا مع زيت السمسم
طعم جديد ممممممممم لذيذه بس انا ما بحب الصويا صوص شو العمل
تسلم الايادي مره ثانيه
سويها بدونها بس حطي ملح لا تنسي .. ولا تسميها مكرونة صينية ههههههههه
مشاءالله روعه
الله يعطيكِ الصحه والعافيه لتحتي تحققي كل احلامك يارب
الله يحميكِ ياااااااااارب
شكلا لحالو بيشهي
انشالله هل يومين بجربها و بردلك خبر
الله يسلم هل الايدين يا رب