المكونات راح تحتاجين بطاطتين صغار + بصلتين حجم متوسط + نص كوب مكرونه لونها بني (ادعم) ربع علبة معجون طماط اشوية فلفل اسود و اشوية ملح و اشوية بهارات كويتيه ليمونه صغيره و علبتين صغار جبن تشدر و دقوس بو ديج (صلصة فلفل عليها رسمة ديك على البطل)و فصين ثوم
الحين انيي على الشغل اول شي المكرونه مايبيلها شي انحطها بجدر فيه ماي و زيت يستحسن زيت زيتون و اشوية ملح على ما تستوي نجابل حمستنا اللي اهيا احم احم …
اول شي انحط البصل بعدين البطاط اللي نكون قاصينه مربعات صغار انحطه معاه اول ما يتحمر البصل انحط معجون الطماط و البهارات و الفلفل الاسود و فلفل بو ديج و اخر شي الثوم لان الثوم اذا انطبخ عدل يصير طعمه مر مو حلو احلى لما يكون شبه فرش يعطي نكهه حلوه بالاكل و طبعا الحمسه تكون بزيت الزيتون
بعدين نخلط المكرونه ويا الحمسه اخر شي انحطها بصحن عميق يكون فيه عصير ليمونه و جبن التشدر نخلطهم مع بعض من دون النار عشان يكون طعم الجبن و عصير الليمون حلوو و مميز و بس هذي طبختي شرايكم فيها تمام ها
كتبت بواسطة @ بطة @ 
يسلموووووووووووو الايااااااااااااااااااااادي
الله يسلمج حبيبتي بطه عاد جربيها و عطيني رايج بالطبخه لاني اول مره اطبخ و مو شايقه خير وايد مصدقه عمري على المكرونه لانها بالنسبه لي قوزي 
كتبت بواسطة الريم2017 مشكوره وايد على الوصفه الحلوه
عيونج الحلوه و العفو ريومه شاكرتلج مرورج كل عام و انتي بخير و عيدج مبارك و سلامتكم يالحاظرين هي هي