السلام عليكم ورحمه الله وبركاته
بس انتو دايما فالقلب
عملت ملف صغير للركن الغالي
وبما ان الصيف بتكون الفاكهه فيه جميله
فاغلب الاطباق هتتخللها الفاكهه
كيك التفاح
3بيضات
كوب وربع سكر
كوب زيت
3علب زبادي
هنا العلبه 110جم
فانيليا
نص باكو بيكنج بودر
الباكو 16 جم
تفاحتين مقطعين شرائح ونعصر عليهم نص ليمونه
ونحط م ص قرفه وربع كوب عين جمل مجروش
2ونص كوب دقيق
معلقتين سكر بني
هنضرب البيض بالفانيليا بعدين السكر بعدها الزبادي
ثم الدقيق والبيكنج بودر
ندهن الصنيه ونرش سكر بني
انا هنا نسيته
بعدين نرص شرائح التفاح بعين الجمل
بعدها خليط الكيك وتدخل الفرن المحمى مسبقا بتاخد حوالي 50 دقيقه الى ساعه
واول متطلع نسيبها خمس دقايق ونقلبها
انا هنا نسيت السكر فقلبتها ورشيته
ورجعتها تحت الشوايه شويه بس مزبطتش قوي
بس للامانه الكيكه دي طعمها تحفه
قدمته منال العالم
2كوب جوز هند
ربع كوب فالعجينه والباقي للتزيين
كوب ونص دقيق
معلقه كبيرة بيكنج بودر
كوب سكر بودرة
كوب زيت
نص كوب حليب
4 حبات جبن مثلثات
4 بيض
فانيليا
حليب مكثف للدهن
طبعا هنضرب البيض مع الفانيليا بعدين السكر واللبن والجبنه والزيت
بعدها الدقيق والبيكنج بودر وجوز الهند
نحطها فقوالب الكب كيك
وندخلها الفرن 20 دقيقه ولما تطلع نغمسها فحليب مكثف ونرشها بجوز الهند
انا عملت قسم بجوز الهند وقسم سيحت شكولاته مع م زبده ورشيت فورماسيل
الكنافه دي من صميم التراث الفلسطيني
بحثت عنها كتير جدا لاني كان نفسي فيها جدا وسالت كتير لكن مامن مجيب
واخيرا سالت وعود الخير ربنا يديها الصحه بعدها لونلي الغاليه قدمت الطريقه بالتفصيل الممل
وللاسف حصلت ظروف ومطبقتهاش بس وعد مني هتشوفها قريب جدا رمضان خلاص عالباب كل عام وانتم بخير
واخيرا وعود لقتلي طريقه سريعه وبعتتها
وانا شمرت عن دراعي وعملتها ودخت من طعمها
المقادير
تشيز كيك الليمون
اوعدكم المرة دي هتدوقوا اخف تشيز كيك
المقادير
بسكوت مطحون مع معلقتين لبن
لاني استخدمت بسكوت نسبه الزبده فيه عاليه شويه
فملوش داعي نزودهم
باكيت جيلي ليمون
4 حبات جبن مثلثات
ربع كوب لبن بودرة
علبة زبادي
4 ملاعق كريم شانتي
نص كوب لبن
هنطحن البسكوت ونحطه فالقالب وندخله الفريزر
نخلط باقي المكونات
ونحطهم على البسكوت وندخلها التلاجه عالاقل اربع ساعات
لما تطلع نحط عليها اما مربى مخصوص للتشيز كيك
او فاكهه مشويه انا اخترت الخوخ
نقطعه شرايح ونرشه سكر ونحطه تحت الشوايه
لما يحمر طلعيع سبيه يبرد شويه وحطيه على التشيز كيك
وعلطول حطيه فالفريزر خمس دقايق علشان سخونه الفاكهه
متسيحهاش
انا عملته بالطريقتين
تابعونا
تارت الفراوله
المقادير
كوب ونص دقيق
بيضه
نص كوب زبده بارده
معلقتين سكر بودرة
وانا شخصيا مش بعتمد عجينه تارت وحده يعني علطول بغير
نعمل العجينه ونحطها فالتلاجه ساعه
نطلعها ونفردهاونحط على وشها ورق فويل وعليه اي نوع حبوب وندخلها فرن محمى على 200 لغايه منشوف ان الحواف احمرت
نطلعها ونسيبها تبرد
الحشو
فراوله نهرسها كويس بس مش تكون مطحونه يعني
في شويه قطع
باكيت جيلي فراوله
كوب ماء
نعمل الجيلي ونسيبه يبرد نحط عليه الفراوله ونحطه فالتلاجه لغايه ميتقل ويتماسك شويه
فالوقت ده
نجيب كريم شانتي نضربه بس نقلل كميه اللبن شويه ونحطه على التارت
وندخله التلاجه ولما يتماسك الجيلي
نحطه عالوش ونسيبه فالتلاجه ساعتين
بعدين نرش فستق مفروم
ونقدمها
تورته الايسكريم
طبعا الاول اسفه عالخطوات مصورتهاش لانها تعملت فظروف غامضه
بس اوعدكم هنزلكم وحده تانيه قريب
انا هنا للقاعده استخدمت كيك كان بايت عندي طحنته مع معلقتين لبن
وحطيته فالصنيه ودخلته الفريزر
عملت الايسكريم 3 طبقات
فانيليا
فراوله
شكولاته
نجيب لكل طبقه باكيت ونص ايس كريم و3 ملاعق كريم شانتيه
ونضربهم مع لبن بس نقلل الكميه شويه عن المكتوبه
انا هنا استخدمت فانيليا فكل الطبقات
طبقه الشكولاته اضفت لايسكريم الفانيليا 3 ملاعق كبيرة نسكويك
والفراوله عصير فراوله مع نص باكيت جيلي فراوله
ونعمل كل طبقه لوحدها وندخلها الفريزر ساعتين ونطلعها ونحط التانيه وهكذا
بعدين نسيبها عالاقل 6 ساعات انا هنا استعجلوا عليها
علشان كده لما طلعتها الجناب اتعوجت شويه
ونرش الوش فورماسيل
واخيرا
حبيت اقدملكم بعض اشكال تورت كنت عملتها اتمنى تعجبكم
بالنسبه للكيكه انا معتمده مقدار
خمس بيضات
كوب وربع سكر
كوب زيت
كوب ونص دقيق
م ك بيكنج بودر
ولو عايزينها شكولاته نشيل ربع كوب دقيق ونحط ربع كوب كاكاو
التورته دي كانت محشيه
كريمه مع قطع اناناس
وزينتها الجناب شكولاته مبشوره
والوش بجيلي اناناس وقطع اناناس
وخلطت شويه من بودرة جيلي الاناناس مع الكريمه اعطانا اللون الاصفر
هنا
كانت محشيه كريمه ومربى فراوله
وخلطت جيلي فراوله مع الكريمه
والجناب مكسرات مطحونه
على الوش فالنص مربى فراوله وفورماسيل ومكسرات مطحونه
اتمنى تكون اطباقي اعجبتكم
ولاتنسواا اولادي من الدعاء
وتبااااااااااااااااارك الله عليكى ياغالية
وخمسةوخمسة والله واكبر
وتسلم الايادى الجميلة اللى تتلف فى الحرير
ملف رائع وجميل فعلا ومفيد لنا جميعا ياغالية
والف هنا وعافية على قلوبكم يارب
ام الحلويين يسلمو ايديك
انا حجزت الطبق شكل هالحلا بيااخد العقل
يسلمو ايديك يارب
ماشاء الله علبكى
كل الوصفات تجنن
وبما ان الجو حر
فخدت دى اكلها ترطب عالقلب
بسلمووووووووووووووووو
كتبت بواسطة اميرة بس فقيرة 
اهلا حبيبتي نورتيني
كتبت بواسطة amal250 وتبااااااااااااااااارك الله عليكى ياغالية
وخمسةوخمسة والله واكبر
وتسلم الايادى الجميلة اللى تتلف فى الحرير
ملف رائع وجميل فعلا ومفيد لنا جميعا ياغالية
والف هنا وعافية على قلوبكم يارب
حبيبة قلبي نورتيني
ربنا يسعد ايامك وشكرا ياقمرايه مرورك شرفني
كتبت بواسطة سواد العيون انا حجزت الطبق شكل هالحلا بيااخد العقل
الف هنا وشفا ياقمر
مرورك اسعدني
هاجرب تورتة الايس كريم …وانزل تطبيقها …شكرا ليكى