وحشتونى يا حلوين كتير كتير فتره كبيرة أوى لا دخلت القسم ولا نزلت موضوعات لكن لما دخلت من أيام لقيت حاجات تجنن والله أغرتونى جدا جدا
لدرجة اتكسفت أنزل موضوعى المتواضع بس مونى الجميله شجعتنى يارب الوصفه تعجبكم
أم على بالباف باستيرى
من أحب الوصفات لقلبى لأنى بحب الدسم جدا ادعولى ربنا يبعد عنى الدسم وأبقى زى نانسى وهيفاء مع انى مش تختوخه أوى أوى يعنى هما كل الحكايه 71 كيلو (شفتوا النحافه)
نرجع بقى لأم على طبعا ممكن نستخدم بواقى فطير مشلتت مثلا او جلاش بعد تحميصه أو بواقى كرواسون او الرقاق المصرى الناشف
لكن تبقى أم على بالبف باستيرى الأفضل طعماً ومذاقأ لان عجينه البف غنيه غنيه بالطعم الرائع
المقادير
2 عبوة باف باستيرى
3 كوب حليب فاتر
نصف كوب كريمه لبانى (وممكن استبداله بعلبه صغيرة من القشطه الطازجه )
خلطه المكسرات وهى عباره عن كوب كبير من
بندق…فستق…..عين جمل….زبيب…..لوز……وجوز الهند وطبعا الخلطه دى اختيارى
ملعقه زبده سايحه
توابل ام على عباره عن (سكر وقرفه وحبهان)
الطريقه
نقطع الباف قبل الخبز بهذه الطريقه لان تقطيعها بعد الخبز بيخليها تتفتت كتير اوى بسبب هشاشتها
وطبعا مش محتاجين ندهنا اى شئ ونسيبها حوالى ربع ساعه
ودى خلطه المكسرات الجامده انا بحبها بكل المكسرات دى
وعلى ما تستوى العجينه فى الفرن نحضر الحليب الفاتر ونضيف السكر والقرفه ورشه حبهان خفيفه انا بعشق ام على بالتوابل دى ونضيف نص كوب كريمه لبانى او علبه قشطه صغيره عالحليب اصل أم على متبقاش أم على غير بكميه الدسم دى
وأدى الست باف باسترى احمرت واتنفخت محدش قدها بقى دى داخله فى أم على أكله الملوك
وفى صنيه ام على نحط الباف اللى استوت مع المكسرات بالشكل ده
نضيف الحليب اللى حضرناه بالكريمه والتوابل والسكر ونغطس المكونات بالملعقه
وبعدين بدهن الوجه بمعلقه قشطه مع زبده سايحه طبعا لزوم الدايت والريجيم هاهاهاهاهااااااااااااه ونستضيف الصنيه فى الفرن ربع ساعه وبعدين نحمر وشها ونقدمها
بصراحه كلمه روعه قليله عليها جربوها ومش حتندموا وعلى فكره ممكن تستخدموا القوالب المينى اللى بتدخل الفرن وتعملوها فيها بعدد
الضيوف او افراد الاسره لو مش حابين صينيه كبيره
ودى كانت وصفتى ليكم وان شاء الله اتواجد باستمرار معاكم بشكرك يا مونى انتى وام البنات على تشجيعى ربنا يبارك فى اللمه الحلوة
دى
دمتم فى رعايه الله
خخخخخخخخخخخ روحي اعملي وحدة ثانية لموني
ديه لرورو ام عصاية
واوووووووووووووووووو
تسلم الايادي
راجعة بعد شوية
كتبت بواسطة **ام البنات ** 
خخخخخخخخخخخ روحي اعملي وحدة ثانية لموني
ديه لرورو ام عصاية
خخخخخخخخخخخخخخخخخخخ دانتى قااطعه هنا بقى يا ام البنات
طب سؤال بتنامى امتى علشان بس اعمل حسابى
شكلها جدا راااااائع
قرأت الموضوع بالتفصيل شكل الباف جدا رائع وهو منتفخ
ويابخته علي قولتك مين قده وهوداخل في اكلة الملوك
صحتين وعافية يارب
وبانتظار المزيد من ابداعاتك
عودا حميدا حبيبتي وعلى فكرة انا كتير معجبة باطباقك الرائعة
كتبت بواسطة noorelhoda طب سؤال بتنامى امتى علشان بس اعمل حسابى
ده سؤال برضه يا حلوتي
الحكاية ديه سر
امال حنلطش ازااااااااااي هههههههه
يسعدك ربي يا الغلا
بجد بجد اشتقت لوصفاتك الحلوة
و اشتقت للطشها هههه
و الوصفة ديه بغااية الروووعة
ربي يسلم الايادي يا رب و يحفظلك الحلوات و يسعدك بيهم
و ما يحرمنا طلتك الحلوة ابدا
بس اخ من الوزن هههههه
عوداً حميداً
اشتقنى لك ولوصفاتك
الله يخليلك الامورتين ويحميهن من كل شر