تخطى إلى المحتوى

موضوع بأسلوبي البحت . شي في نفسي ومزعلني وابغ اقوله تعالوا 2024.

  • بواسطة

بسم الله الرحمن الرحيم

هذي المرة في موضوع مزعلني وحابة اتكلم فيه بأسلوبي المتناهي جدا………يعني بلهجتي خخخخخ…..ان شاء الله كلكم تفهموني…

بصراحه انا حابة اتكلم عن حال البنات و الشباب هدي الايام…..والله حالنا يقطع القلب…..
اكيد انتو عارفين ايش الموضات اللي دحين طالعين بيها الشباب و البنات….. للاسف جاتنا موضات من الغرب واحنا زي العمي نقلدهم بدون ادنى تفكيييييير…
ايش البنطلونات هدي اللي صاروا الشباب يلبسوها………. شي اسمه ( طيحني) ودحين سمعت شي اسمه ( فسخـ…….) والله احترام للمنتدى ما كملتها…وانا متأكدة انكم جبتوها!!!
لهذي الدرجة شبابنا سااذج….لهذي الدرجة شباببنا سخيف
نعم …اللبس و ستايل الشعر و ستايل الذقن و السوالف ..كللللللللللل هدا حرية شخصية …ما اختلفنا….بس في حدود المعقوووول يا ناس…لا تقولوا : هدولا مراهقين خليهم يعيشوا سنهم……. ولا : يا شيخه هدي فترة وتعدي ………..طيب انا معاكم و مقتنعه تماما انه سن المراهقة دا يحتاج اشياء كتيرة ….. بس كمان مافي مانع انه نعرف احنا ايش اللي بنقلدوا دا…ايش هي دي الموضه….والله انك لمن تروحي جدة وتدخلي احد هدي المولات اللي صارت كمان ماتنعد ((الظاهر انه جدة تبغ تدخل كتاب جينيس في عدد الاسواق اللي عندها….خخخخخخ ..مو موضوعنا ))و تشوفي مناظر الشباب كيف صايرة …تزعلى على شباب بلدك….لا و لا كمان في الكباين ((الشاليهات)) حدث ولا حرج..مناظر فظيعه…اللي لابس بلوزة ومو عارف ايش اللي مكتوب فيها بس يا اللا عجبتني و اشتريتها ..والكلام اللي عليها ما ينقال…واللي بنطلونه نازل عشان خاطر البوكسر يبان ((اسمحولي يا بنات اني بأتكلم كدا و بصراحه ..لانه شي واالله قاهرني…عقول للاسف مرة سطحية …)) ودا الشي مو بس في السعودية ولا في مصر ولا ….الخ سرنا نشوفو في كل مكان..اقلكم شي؟؟؟!!
اصلا الغرب شافونا اغبياء (تكرموا) فقالوا يا الللا نرسلهم هدي الجرعات بمسمى الموضى…..واصلا لو انتو تدروا انهم يترفعوا انهم يلبسوا هدي البنطلونات النازلة……والشاب اللي يلبسها عندهم يسجن….
لييييييييييييييييش؟؟؟؟
ببساطة شديدة معناها جدا مو كويس وانتو فاهمين……هدولا ميييييييييييييييين؟؟؟!! هدولا الغرب…هدولا ميييييييين؟؟ هدولا الغير مسلمين
واحنا يا عرب و يا مسلمين زي الهبـ…… نقلدهم وبس….
ليش كدا احنا مررررة سطحييين .. ليش اعطيناهم هدي الفرصة

الكلام مو بس للشباب……حتى البنات …..اكيييييييييييييييد مرررر عليكم كتير من البنات اللي حاطين فص في اسنانهم …… والله انه شي بالفعل يحزن….
طيب يا هانم….انت عارفة ايش معناة هدا الفص؟؟؟!!!!
هدا الفص اللي تحطوا البنت عند الغرب………….عند مييييييييييييين؟؟؟ عند الغرب ….معناته انه هدي البنت مو كويسة …..بصريح العبارة ((بنت ليـــ…….)) انا اقول عندهم…..انا عارفه انه كتير من البنات ما يدروا…بس يا اللا شافتلها وحدة سوتو ..قالت خليني اسوي زيها!!!!
يا بنتي فكري شوية…..
هيا بالله اتخيلوا معايا …. انه هدي البنت سافرت بره….بلاد اوروبية….وطبعا راح تكون متحجبة ((هدا اذا اذا كانت يعني..الله المستعان))… فالدال على مظهرها انها بنت مسلمة……ماشي؟؟ انتو معايا؟؟
طيب…..اكيد انها راح تختلط بالناس هناك ولو في السوق : how much is this? … <<لا بس هدي لمن تقولها ما راح تبان اسنانها خخخخخ……… طيب ..خلينا نقول ابتسمت…..!!
بالله عليكم لمن يشوفوها….ايش راح يقولوا علينا احنا المسلمين……لأنهم فاهمين المعنى من الفص….
والله العظيم موقف حطينا فيه الاسلام وهو ماله ذنب…..غني عن ذلك…
هدا بدل ما نحط صورة حلوة عنه!!
مو عذر ابدا انك تقولي وانا ايش دراني!!!!…….يا سلااااااام…الله اعطاك عقل عشان تفكري
محنا هبل!!!
يا اخي ياريتنا نقلدهم في الاشياء الكويسة…..الا ما نقلدهم الا في الاشياء البطالة…

بصراحه شديدة .. انا في نظري انه الشباب الغربي افضل بكثييييييييييير من كثير ((وحطي تحتها خط….يعني مو الكل)) من الشباب العربي…..
حتقولوا : ايشبها دي جاية تستهبل و تناقض نفسها!!!! لا اصبروا عليا .. خلوني اكمل .. وشوفوا انا ايش اقصد…

الشباب الغربي كلللله ثقااااااااافة…والله العظيم طفل عندهم احسن من الف شاب و بنت عندنا…اقسم بالله شي يخجل و يكسف…….عرفنا نقلدهم في ديك الاشياء…..ما عرفنا نكون زيهم مثقفين…… يا اخي لا تموت نفسك من الثقافه…هدا اذا ما تبغ!!! بس اتثقف في الامور البسيطة
بالله عليكم ايش تقولوا في شاب سألوه : ما اسم الرسول؟؟…….جوابه : والله اللي اعرفه انه محمد بن عبد الله…. <<لا يا شيخ مرررة كلفت على خاطرك……طيب تعرف المطربة ………..؟
والله هدا وجهي ان ماكان يعرف بطاقتها الشخصية بالكامل….ومين متزوجة ..ومين طليقها … وليش اطلقت…ومين اولادها….وايش اخر اغانيها………….الخ الخ الخ

لا …اقلكم الافظع من كدا!!!…واحد انسأل : كم عدد زوجات الرسول؟؟ تخيلوا ايش كانت الاجابة: والله ..ما اعرف بس اكيد انهم اربعه
س : مين اولاد الرسول؟ ج: الحسن و الحسين و زينب
س: متى انولد الرسول؟ ج: والله بصراحه ما اعرف..
س: كم كان عمر الرسول عندما توفي؟ ج: واحد يقول اعتقد 40 والتاني ..لا ياشيخ كان عمره 70 ..<<مسوي نفسو انه فاهم
صااااااااااااااااااااااااااااااااعقة … و مصيييييييييييييييييبة كمان
هدولا في امور اطهر و اكرم البشر رسلولنا و رسولهم محمد صلى الله عليه و سلم..ما فلحوا فيها…اذا ما نعرف الرسول…مين بعده يستحق اني اعرف عنه كل شي!!!!! هاااااه …قولولي مين…
نجوى كرم ولا نانسي عجرم…..ولا اليسا ولا راشد ولا ولا ولا……. ((اسفة على ذكر الاسماء..))

طيب لو انكم من متابعات برنامج خواطر كان شفتوا العجب العجاب….
فوق كان بما يختص بالرسول عليه افضل الصلاة واتم التسليم…….تعالوا نشوف في الاشياء التانية…
وحدة يسألوها : فين تقع مصر؟؟ والمشكلة العظمى انه حاطين الخريطة قدامها……. والاخت حايسة مو عارفة فين………..ولا التاني يسألوه فين تقع السعودية …فالاخ المثقف بكل ثقة عالية يقول : فين تقع يعني ..اكيد تقع في المملكة…..من جد شر البلية ما يضحك…….
في نفس الوقت كانوا جايبين بنت صغيرة انجليزية ما يجي عمرها 4 سنين حاطين الخريطة قدامها..بس يقولولها اسم البلد الفلاني..على طووووووووول تشاور عليييه……….شوفوا بس انتو و ابكوا على حالكم
طيب خلونا من دا كلللله…خلينا نتنازل شوية لمستواهم ونقبل حجتهم : انهم مالهم في الجغرافيا…مع اني مرررررررررررة من اللي مكتوب فوق ماني مقتنعه…بس يا اللا ناخدهم على قد عقولهم ..بس بالله يا جمااااااعه في احد ما يعرف كم حرب عالمية قامت الا الان؟؟؟؟؟!…..يعني سؤال مرررررة حيرتني الاجوبة عليه….اللي يقول اربعه و اللي يقول خمسة و الادهى والامر اللي قال 20!!!….يا اخي اتقي الله!!
اجل متى تقوم القيامة….. مو قبلها لازم تكون في حرب…وهي الحرب العالمية التالتة؟؟؟ اذا كنت غلطانة صححولي
يعني بس حربين اللي قامت…
شي واالله مخخخخخخخخخخخخخخجل لنا….انا لمن شفت كدا زعلت في نفسي …. كيف نقدر نعتمد على شباب و بنات كدا في المستقبل…….كيف النهضة راح تقوم على يد الشباب زي ما يقول عمرو خالد .. وهم كدا!!!

يا اخي خلونا نفووووووووووووووووق شوية…. وننتبه لنفسنا…. ليش احنا سذذذذذذذذذج لدي الدرجة..
ولو تبغ او تبغي تقلدي الغرب…قلديهم في ثقافتهم….والله انهم ناس فظيعين ..عندهم الوقت غااااالي جدا ما يضيع هباء..يستغلوا حتى الخمس دقايق…لدرجة الله يكرمكم في الحمام فيه مكتبة صغيرة في بعض الكتب … عشان يقرا فيها…..شوفوا لأي درجة؟؟!! يعني حتى وقت قضاء الحاجة اكرمكم و اعزكم الله ما يضيع…….الواحد و الواحده فيهم وهي تنتظر الباص…تلاقي في يدها كتاب صغير … احيانا تكون معلومات عادية جدا جدا….بس برضوا ما يضيع الوقت عندهم … تقرالها اي شي…….هدا الشي انا شفتو بنفسي محد قلي…هدوولا مييييين؟؟؟ هدولا هم الغرب…..
طيب ليش ما نقلدهم في كدا……ليش دايما ناخد الشي اللي مو كويس منهم
ليش هم اللي يكونوا دايما عندهم استقلالية في الرأي و بعد تفكير و احنا دايما بس نجري وراهم بدون تفكير
ليش هم دايما المتبوعين ………. واحنا دايما التاااااااااااااااااااابعين…
ليش … وليش .. وليش

بالله مو شي يحزن…مو شي يزعل…….هدا كلللله المفروض يكون لنا احنا……لكن من أين يكن لنا ذلك وفينا من لايعرف اسم محمد …..من اين يكن لنا ذلك و فينا من لا يعرف سيرة نبيه……..يا ستي اذا هدي الاشياء ما تعرفيها…قوليلي ايش هو المهم بالنسبة لك …….طيب الاشياء التانية .. المعلومات اللي تدل ما شاء الله على انك دارسة ومتعلمة ….. اشياااء كتييير درسناها في الابتدائي و المتوسط ..طارت من عقولنا …….واشياء والله العظيم عيييييييييييييييييييييييب اننا نوقف حايرين في الاجابة عليها..

اااااااااااااااااااه ……. هدا هو احنا …….. وهدا هو واقعنا الـ…….
وبعدين نقول : ليش احنا بنرجع على ورا؟؟؟؟ هدا لأنه اغلبنا متخلفييييين

انا خلصت كلامي……. مع انه والله في اشياء كتير في نفسي ابغ اقولها…..بس …… الله يهدي ما خلق

انا اسفة اذا طلع اي شي مني ما عجبكم….بس والله من الحال اللي احنا وصلناله….وانا عارفة انه في شباب و بنات كتير فيهم خير…..((يعني حطوا جنب اي انتقاد انتقدته……كلمة : الا من رحم الله))

اعتذر من الاطالة…بس دي غصة في نفس اختكم Dietitianو حبت تقول اللي عندها…اعذروها عن اي شي طلع منها ما عجبكم

الى من يشاهد هذا الموضوع في مكان اخر ..هو لي وان اختلف الاسم
والله معك حق.كلكل الشباب في الحارة عنا عاملين زي الاجانب نسخ بس مقززين.ياريت نرجع لاصولنا ونتباها فيها.شكرا عالموضوع الحلو
يارييييييييييييييت…..مو المشكلة يا اختي انو صاروا مستعرين من مبادءهم
جزاك الله خيرا
فعلا اختي هذا الواقع لا حول ولا قوة الا بالله
ربنا يهدي شباب المسلمين
والله معك حق في كل كلمة قلتيها وربنا يكون في عون الشباب على الزمن والتفكير الذي يدمرهم
اللهم اهدى فتيات وشباب المسلمين ياااارب

جزاكى الله خير حبيبتى على الموضوع الاكتر من رائع وصدقتى فى كل كلمة قولتيها بس على

فكرة لو دورتى هتلاقى لسة فى بنات وشباب كتير كويسين

::

غاليتي Dietitian

يعطيك العافية وبارك الله فيك

موضوعك وكلماتك فعلا تضعين بها أصبعك على الجرح

فحال الكثير من شباب اليوم لا يسر من بعيد أو من قريب

يتبعون الأهواء ويركضون خلف سراب الحضارة الزائفة

متوهمين أنهم وصلوا إلى أعلى درجات التقدم بقشور الزيف والموضة

وللأسف تاهوا وسقطوا في هاوية الشهوات والأهواء

ولكن بذرة الخير تؤتي ثمرها

فنرى شباب المسلمين في ازدياد والحمد لله

يتمسكون بقيم دينهم الحنيف

يتخذون من الصحابة وأمهات المسلمين القدوة لهم

بارك الله فيهم وجعلهم للإسلام ذخراً

غاليتي

جزاك الله خيرا ونفع بك

::

اشكركم عزيزاتي وبارك الله بكم…..انا اعلم ان هناك يوجد الكثير من الشباب و الفتيتات اللي فيهم الخير…ولهذا قلت الا من رحم الله

جزيتم كل الخير

جزاك الله الف خير

فعلا هذا الواقع

الله يهديهم

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.