هاي مشاركتي التانية ويارب تعجبكم
اول حلو ملك الحلويات الباردة التشيز كيك
المقادير
كاسة حليب بااااارد
2 بكيت كريما دريم ويب او كاسة كريمة حلويات
علبة جبنة كريمية 225 غرام او 12 حبة كيري
علبة قشطة قيمر 125ملم وهي اضافة من بحيرة البجع (ام انس)
نص علبة حليب محلى
ملعقة كبيرة جيلاتين بودرة بندوبه بفنجان الا شوي ماء ساخن (فنجان قهوة )
طبعا للقاعدة بسكوت مطحون وللوجه بلوبوري
اول اشي بنطحن البسكوت انا استخدمت كاسة ونص بسكوت مطحون عجنتهم مع اصبع الا شوي زبده
بنخلط الحليب مع الكريما منيح لحت ينفشو
بنضيف الجبنة الطريه وبنخفق وبعدين الحليب المحلى والقشطة
بنحط ملعقة الجيلاتين ومعها الماء الساخن وبنحرك بالشوكة
وبنستنا يبرد شوي مابنحطه وهو سخن
بنصب الجيلاتين على مزيج الكريما وبنحرك شوي شوي منشان الخليط مايهبط
انا مرات بصبه بمصفاية الشاي منشان اضمن انه ما يتكتل
بنصبه الخليط فوق البسكوت وبنحطه بالتلاجة عالاقلة 4 ساعات
بنتي اكتر اشي بتحبه بالتشيز كيك البلوبوري بتاكل نص هههههه
حاولو تغطو القالب بكيس نايلون لانه هيك حلويات بتلقط ريحة الاكل بالتلاجة
وهي صور الطبق النهائي يارب تعجبكم
بتمنى الطبق يعجبكم من تحت ادين بنوتي
فيكم تضيفو جيلاتين بزيادة بس انا مابحبها تكون جامدة كتير وعنا محلات الحلو بعملوه طري شوي متل اللي بعمله
حلو كتييير طيب جربوه وادعولي ميسو مره اعطيتها مقاديره وعجب اولادها كتير
المقادير
كاسة حليب بارد
كاسة شمينت او سور كريم او زبادي بالقشطة اللي متوفر
2 بكيت كريما واللي بستعملو دريم ويب 4 مغلفات لانه عنا هاي الكريما عملاقة ههههههه
4 حبات جبنة مثلثات اي نوع
بسكوت شاي
علبة دانيت الشوكولاتة
الطريقة كالعادة
اخفقي الكريما مع الحليب البارد حتى ينفشو
بنضيف المثلثات والشمينت
بنقسم الخليط من النص نص بنخليه سادة والنص التاني بنضفله علبة الدانيت
بنصف البسكوت بالبايركس فيكي تكسريه ضيفي الجزء السادة
وبعدين ضيفي الجزء اللي على شوكولاتة
انا لضيق المساحة عندي حطيته ببايركس طويل
حطيت طبقة بسكوت الخليط الابيض كمان بسكوت والخليط اللي على شوكولاتة
وطبعا حطيت كيس نايلون لسهولة قلبه وتقطيعه
لازم ينحط بالفريزر عالاقلة ليله كاملة
وقطعوه واستمتعو بطعمه الطيب
اولادي ماصبرو عليه طالوه بعد 3 ساعات
ان شاء الله تكون مشاركة بنتي عجبتكم
في امان الله
يسلموا ايديك
وبالهنا والشفا
الله يخليها وتفرحى فيها باعلى الشهادات
صحه وهنا على قلب الاولاد
انا لو مكان اولادك ما بستني عليه اصلا طول الليل هههههههه
الف صحه علي قلبكم وقلب لموسه اكيد ذوقيتها منه ماهو زاكي
هههههه
يا عيني يا الجمال
تسلم الايادي الحلوه يارب