انا مشكلتى جواها كذا مشكلة فى البداية انا والدتى توفت من سنتين وانا بنت وحيدة على 3 اخوات ولاد وهما كلهم مسافرين ووالدى كان مسافر وكان عايزنى اسافر معاهم هناك بس انا رفضت بشدة وضغطت عليه انه ينزل هو ويقعد معايا ,
المشكلة بقى بدات من هنا انا وبابا مش متافهمين اطلاقا حاولت بقدر الامكان انى افهمه بس كل مرة كنت بفشل ويمكن ده لانه طول عمره بعيد عننا وانا كنت قريبة لامى اكتر انا عارفة انه بيحبنى وانا كمان بحبه بس الموضوع وصل بينا لدرجة صعبة قوى
المشكلة الاكبر واللى مخليانى مش قادرة اسامحه هى انه بقى بيحب واحدة ,
المشكلة مش انه يحب واحدة المشكلة انها متجوزة وعندها بنات متجوزين والموضوع ده بدا من كام شهر ,بدا فى الاول انهم اخوات وبيتصلو يسالو على بعض فى التليفون بس بعد كده الموضوع اتطور قوى وبقى كل يوم يكلمها وهى كل يوم ترنله علشان يكلمها وهو طبعا مسجل اسمها باسم تانى خالص انا بصراحة فى الاول مكنتش اعرف بس لما لقيت كلامه فى التليفون زاد وبقى بيوطى صوته شكيت وبصراحة شفت تليفونه لقيته مسجل كل نمرها باسم تانى ولقيتها باعتة رسايل فيها كلام حب وهو كمان باعتلها رسايل بيقولها انه حبها غصب عنه وبيحاول ينساها بس مش قادر ,وبقى كمان بيكذب عليه وبيقول انه نازل يتمشى لكن هو نازل علشان يكلمها لانها طبعا رنتله ,مش هتصدقو لو قلتلكو ان الست دى منقبة!!!!!!!!!
المشكلة ان بابا فاكرنى عبيطة ومش فاهمة حاجة ونفسى اعرفه ان انا عارفة واواجهه بس طبعا ده موضوع صعب جدا جدا جدا وبرده ماينفعش اقول لاخواتى علشان المشكلة ماتكبرش ,انا كل اللى مزعلنى انه نسى امى بعد ما كان بيقول عليها انها لما توفت اخدت روحه معاه من كتر ما كان بيحبها؟؟؟؟
لو فى حد عنده حل للمشكلة دى ياريت يفيدنى,
ولكم جزيل الشكر
والله مشكله فعلا حببتى صعبه كان الاولى بابكى انه يتزوج فى الحلال طالما انه يشعر بحرمان للنساء بعد وفاه امك الله يرحمها يارب عشان كده اول شىء بقولك متزعليش انه نسى امك هذه طبيعه معظم الرجال
تانى شئ
عندى لكى احل اعتقد بامر الله انه هيحل المشكله دى بامر الله ونعتبر ده حل قبل ما تفكرى توجهى والدك لان المواجهه غلط هيحس انه سقط من نظرك كأب
بصى طالما تعرفى رقم تليفونات الست دى اتصلى بيها بس مش بشخصيتك دى لا متفصحيش ابدا عن شخصيتك عشان مترحش تقول لباباكى ولو هى تعرف صوتك وتعرفك ممكن توكلى حد من صحباتك الموثوق فيهم جدا جدا جدا للمهمه دى انك تتصلى وتهدديها انك وحده والسلام وعارفه انها على علاقه براجل تانى غير جوزها ومتقوللهاش مين الراجل ده يعنى متخلهاش تشترى منك الكلام قوللها ولو معرفتيش طريق ربنا المكالمه التانيه هتكون لجوزك وانصحيها تتقى الله المكلامله دى ممكن جدا تخليها تخاف من الفضيحه وتبعد عن بباكى وفى نفس الوقت تكسبى انك نصحتيها لوجه الله طبعا انتى عمرك ماهتكلمى جوزها بس اهو تهديد يمكن يفيد بس اللى يكلم انتى او غيرك يكون شاطر ويسبك المكالمه كويس
وربنا معاكى ودعواتك ليه ربنا يصلح حالى مع زوجى
والدك ممكن يكون مش بيحبها ولا حاجه والموضوع فراغ عاطفى مش أكتر لأنه لو محتاج زواج كان إتجوز ماكنش عمل حركة التليفونات دى مع واحده متجوزه ربنا يهديكم لبعض بصى الموضوع محتاج ذكاء منك وحيله كده تفوقه هى إيه مش فى بالى حاجه دلوقتى فكرى مع نفسك والبنات هنا فى المنتدى يفكرولك بس خليكى حكيمه فى التصرف معاه الموضوع ماينفعش يتواجه بالطرق التقليديه عشان مايعندش ويتمسك بيها لأنه هيبقى شايف إنك الصغيره وكشفتيه وبتنصحيه فاهمانى ؟؟؟
وانا متمسكه برأيى ودايما أقوله الدعاء فيه حاجات مابتجيش غير بالدعاء إلجئى لربنا ولو بركعتين قيام ليل كل يوم وإدعى فيهم جاااااااااامد وخليكى واثقه إن ربنا هيتقبل منك بإذن الله
تانيا مافيش حبيبتي مشكله والا ليها حل
اولا عجبني راي احد ا الاخوات انك تتصلي بيها او صديقه تتقين فيها
وانا اقولك انتي اتصلي حفاظا علي سمعه المراءه المتنقبه
تانيا
اذا ما وقفت عند حدها احكي لاخوانك ومافي اي مشكله رح يتناقشون معه
ويفهمونه انه اللي تسويه مع المراءه رح يسوا مع بنتك
وربي يستر عليك ويحفظ من اولاد الحرام
الزمي الاستغفاروالدعاء بصلاح والدك وهدايته وضمنينا عليك
انتي ما تزعليش اذا نسى امك الله يرحمه ما هو انسان وطبيعه الانسان ينسى وخاصه انه راجل محتاج لزوجه وده حقو الشرعي ما تمنعيش جوازه اذا فكر يتجوز ..
لكن المشكله انه بيكلم وحده متجوزه .. يعني بكرا لاسمح الله عرف زوج الست انها بتخونه مع حد ممكن يعمل مشكله كبيره لأبوكي ..
انتي لازم تكلمي اخوكي الكبير بالموضوع وتقوليلو انه ما يقولش انك انتي الي اكتشفتي الموضوع ..ز خليه يقول سمعت من برا الناس بتتكلم …
ولازم يذكره بعذاب ربنا و ان الي بيعملوا حرام وممكن يحطيه بمشاكل هو بغنى عنها … واذا عاوز مره ثانيه يتزوج بنات الحلال كتير …
بس انا ممكن اضيف حاجه بس مش عيزاك تزعلي مني
هوه الحل انه يتجوز
احسن من انه يعمل حاجه حرام او انه يدخل فعلاقه تعمله مشاكل
انت تقعدي معاه وتعرضي عليه الموضوع وتقوليله انك شيفاه محتاج وحده ست والكلام ده
وشوفي هيقلك ايه وممكن لو تعرفي وحده بنت حلال تعرضيها عليه وتفهميه انك موافقه
لانه ممكن يكون خايف ياخد الخطوة دي علشانك
وانه يتجوز هيكون حلال وساعتها هينسى اي حاجه تانيه باذن الله
تقبلي مروري
بصى حبيبتى انا عند اقتراح الاخت حبيبه قلب امها كلميها وقوللها لو مبعدتيش عن فلان واتقيتى الله فى نفسك انا حتصل بزوجك وحعرفه خيانتك ليه وهتبقى فضيحه قدام بناتك وجواز بناتك
وعلى فكره ده مش تهديد بل بالعكس لو فعلا مستجبتش للمكالمه فعلا اتصلى بزوجها لانه حرررررررام يعيش معاها على خيانه وبالتالى زوجها حيدور وراها والموضوع حيبتدى يبعد عن باباكى
بس بالنسبه لباباكى اياكى اياكى انك تحسسيه انك عارفه حاجه بجد لانه حيعاند معاكى اكثر
ان بنته الصغيره الى بيعلمها الصح والغلط هى دلوقتى الى بتقوله اه ولاء فاهمه
ربنا معاكى وطمنينى عليكى
وبصراحة انا خايفة ان ابويه اللى طول عمره كبير فى نظرى يحس انه مكسور قدامى!!!
انا فعلا محتارة؟؟؟؟؟
ولا تشوفي أبوك غدع أمك الله يرحمها هي راحت وين الروح كلنا بعد عمر طويل ان شاء الله
وانت بكرى تتزوجي ويجك ابن الحلال الي يعوضك حنان الام والاب معا ويبقى هوا لي وحده فكري في أبوك قبل أن تفكري في نفسك ولا تحرمي ما أحله الله عليه
تحياتي لك
وتعلميه ان هذا حرام ولا يرضاة لامك لو كانت عايشه
ون ثم حاولي ان تساعديه ان يتزوج من وحدة تناسبه وهيك بتكوني ارضيتي ربك وكسبت ابوكي وابعدتيه عن الحرام
شكرا لك اعانك الله