صباح الجمال على عيونكن بنوتات لك
وحشتونى اوى وعلى طول بتوحشونى ….
ندخل فى الموضوع على طول علشان الموضوع حايطول شرحه ….. 
الكام يوم اللى فاتوا طلعت كام طلعة باشاميل وجه فى بالى أجمعهم كلهم فى موضوع واحد وأنزلهم مره واحده علشان الإستفادة المتكاملة ……
ويللا نبتدى بسم الله
أولا : الكوسه بالباشاميل على طريقتى :
غسلت الكوسه وقطعتها شرائح طوليه
وعصجت لحمة مفرومة بالبصل وحطيت عليها معلقة صلصه وشوية ميه صغننين اوى
وحمرت شرايح الكوسه فى الزيت وابتديت ارصها فى الصينية
وبعد ماخلصت اول طبقه من الكوسه فردت عليها اللحمه المفرومه
وبعدين رصيت تانى طبقة من الكوسه
وبعدين صبيت عليها الباشاميل اللى طبعا كلنا عارفين بيتعمل ازاى
وعلى الفرن ……. ويم يم …..
ثانيا : لازانيا بالفراخ والبسلة والجزر :
الأول حطيت شوية باشاميل فى الصينية
وبعد ماسلقت اللازانيا ابتديت ارص اول طبقه
وعملت خلطة عبارة عن فراخ مسلوقه وبسله وجزرمسلوقين ولخبطتهم بالباشاميل وابتديت افردها فوق اللازانيا
وبعدين طبقة تانيه لازانيا
وخلطة تانى
وهكذا لغاية الكمية ماتخلص ونخللى اخر طبقة لازانيا ونصب عليها الباشاميل ونرش جبنة رومى وموزاريللا على الوجه
وعلى الفرن بس انا ماصورتش الخطوة دى بس ممكن نعتبر ده الشكل النهائى
.. ومعلش برضه نسيت اصور الخطوة دى بس برضه نفس الصورة التقريبيه
الأول طبخت الرز عادى جدا
وسلقت بسلة وجزر
وعصجت لحمة مفرومه
وعملت باشاميل عادى جدا
وحطيت شوية باشاميل فى الصينية
وبعدين فردت طبقه رز بس مش سميكة
وحطيت عليها اللحم المفروم
وبعدين البسلة والجزر
وطبقه كمان رز
وبعدين صبيت الباشاميل
وعلى الفرن وبرضه مافيش صورة ومش حاحط الصورة اللى باحطها كل مره بأه ….. …. تخيلوا ….
ويللا ألف هنا وشفا عليكن جميعا وكل سنه وانتن طيبات بمناسبة المولد النبوى الشريف
أراكن على خير…….
وصفات اكثر من ررررررررررررائعة
تسلم الايادى الجميلة
والف هنا وعافية على قلوبكم يارب
كتبت بواسطة حنان(البحرين) 
تسلميلى انتى ياغاليه يارب …..
كتبت بواسطة رندوش تسلمى حبيبة قلبى والف هنا وشفا عليكى صينية الكوسه …..
كتبت بواسطة amal250 وصفات اكثر من ررررررررررررائعة
تسلم الايادى الجميلة
والف هنا وعافية على قلوبكم يارب
اشكرك على مرورك الحلو وصباحك الحلو وردك الحلو ياجميله ….. والله يعافيكى …..