السلام عليكم
بعد نداء الاستغاثة اللي عملته هههه بسبب فشلي الذريع بعمل الاكلير
اخيرررررا نجح معي والحمد لله بعد ثلات مرات فشل 
بس مابعد الصبر الا الفرج ونجحت المرة الرابعة مو اي نجاح نجاح بامتياز
شوفو النتيجة واحكمو
(ماشــــــــــــــــــــــاء اللــــــــــــــــــــــــه)
تفضلوووو>>>>
شوفو كيف من الداخل انتفخت ماشاء الله
بالنسبة للمقادير
4 بيض- فانيلا -ذرة ملح -م ص سكر -ا2كاس زبدة غير مملحة
1 كاس دقيق (منخول)-1 كاس ماء وبس
الطريقة /
نضع الماء والزبدة والملح والفانيلا والسكر على النار مع التحريك
بملعقة خشبية الى ان تذوب الزبدة واول مابدها تغلي نضيف الدقيق ونحرك بسررررعة بعيد عن النار وبس تصير كتلة واحدة نرجعو ونحركو حوالي دقيقة على النار بس لما تصير عجينة لاتلصق باطراف الاناء ونتركها تبرد
بهالوقت انا خفقت كل بيضة بصحن لوحدها بالشوكة مع قطرة خل عشان الريحة
بتكون بردت العجينة وبواسطة ملعقة خشبية نضيف بيضة ونحرك
لماتختفي البيضة كلها نضيف التانية لما يخلص البيض كله(للي عندها العجانة ممكن تضع العجينة وتضيف كل بيضة وتخفق لما تختفي تضيف التانية )
بصينية مدهونة زيت ومرشوشة دقيق (متل الكيكة)
نبدا بالتشكيل حسب الرغبة اما اصابع او دوائر صغيرة
ونخبزهاا
نجي للمهم لانه المشكلة مو بالمقادير ولا الطريقة
المشكلة بالخبز لانه بالمرات الفاشلة السابقة اتبعت نفس الطريقة والمقاديرلاكن فشل معي 
نجي للمهم فترة تشكيلها نحمي الفرن (بالنسبة للفرن
ونوعه اكيد بتختلف الحرارة لانه انا فرني كهربااا)
حميته على اعلى درجة وبس حطيت الصينية بالرف الوسط اعملت درجة الحرارة 240 ربع ساعة
وبعدين نزلت درجة الحرارة 180 مدة تقريبا تلت ساعة
وكان لازم انه اشعل الشواية لتتحمر من فووق
حوالي عشر دقائق وبس خلصت خليتها بالفرن لما برد الفرن تماما طلعتهم وحشيتهم وبس (اذا كان لازم ولابد انك تفتحي الفرن افتحيه فتحة صغيرة لاكن بعد ماتنتفخ الحبات )
حكيت كتير بس حبيت اوصل الخطوات بالتفصيل لو بعرف
انه بدو يزبط معي كان صورت خطوات العمل 
وأي سؤال انا بالخدمة وصحة وهنا يارب
دعواتكم الحلوة
بانتظار المكونات والطريقة
تسلم اديكِ
ممكن توضعينا المقادير
ابدعتي
روووووعة
تسلمي حبيبتي و يسلموا إيديكي و يعطيكي ألف عافية يا رب
وألف هنا وعافية على قلوبكم يارب
على الطريقه المزبوطه
علشان نستفيد
تسلمى قطتى
منتظرين المكونات