السلام عليكم
سلام معطر على احلى واحن الامهات
مين يقول هاااااااااااااات
وهنا البرنسس جنى العسوله عاوزه وجبة الاحلام (ايه هي يا ترى )
كنتاكي
ياااااه ده بعيد يا جونا
طيب ماما هتتصرف 
جابت ماما علبه من عند عمو وكل الادوات واستعدت لوجبة الاحلام
اتفضلي يا برنسس قلب ماما
بعد المقدمه البسيطه
حشو الساندوتش كان اقراص الفراخ
او شبه الناجتس
العيش فينو وصفه معتمده كمان
هتلاقوا وصفات كتير بحبها ومجمعاها من احسن الشيفات ودي من شهيره
الله يجازيها كل الخير
طبعا معروفه
وصفه سهله متوفره ومش مكلفه
وطريقه بسيطه جدا
يلا عالمقادير
4 ك دقيق
م ك خميره (بستخدم خميره طازجه حجم عين جمل)
م ك نيدو
م ك سكر بودر
م ص ملح
ربع ك زيت
ماء للعجن
شفتوا السهوله المقادير بالكوب يلا اتشجعوا وجربوا
وانا عملت نص المقادير علشان التخفيف
لو عملت كله ده عيش رووووعه ولا يقاوم هخلصه لوحدي ههههه
يلااااااا عالطريقه
الخميره تعجن بسكر م ص عادي
ويضاف ماء دافي وتترك تتفاعل ورشة دقيق عالوش
بتساعد اكتر عن تجربه
الجافه تخلط دقيق ملح نيدو سكر يخلطوا
وحفره بالوسط نحط الخميره والزيت
ويقلبوا وميه دافيه واعجني لغاية عجينه حلوه كدا
وتتخمر
وهنا شكلتهم كيزر
واحد جربت المضفر
وواحد عادي وواحد مبطط شويه وواحد جبت موس عادي وعملت الخطوط دي وطلعت معقوله للتغيير
ويخمروا تاني
يدهن الوجه بالخلطه السهله الروعه ربنا يجزاها الخير اللي قالتلي عليها
بس نيدو وميه
لون حلو لمعه جميله زي البيض وبدون ريحته اللي بتظهر ساعات وجربوهاااااااا
وهنا عالفرن يستوي العيش
فرن 190
لغاية سوا
والخطوه دي مهمه تنجح العيش او ينشف من تحت
بس دهبي من تحت وما دام استوى يبقى كفايه حمري الوش وخلاص
بتشوفي الجاهز من تحت وردي كدا وخلاص صح وطبعا كلنا بنجرب وبنتعلم كل يوم
هنا دهنت الكيزر كاتشاب
وزينت الحواف بكاتشاب نقط كدا للتغيير
وطلعت ظريفه اوي وعجت البرنسس ههههه
وحطيت الناجتس
وحلقة طماطم وحلقات خيار وشرحة جبنه بريذدن
وهنا المفاجأه
اشتريت الكوره الكيوت دي وحطيتها قال يعني هدية كنتاكي
وطبعا الراجل من كرمه اداني كل السيت من عندهم
واتحديت اختي هيرضى ولا لأ
بتقولي دلوقتي كنتي طلبتي اتنين هههههه
وبتقولي ده الراجل بيقولك تاخدي ورقة البطاطس كمان هههه
وقد كان حمرت شويه وفي الرقه وتاكل جونا بالكاتشاب وهتتجنن من الفرحه
وهنا العيش من جوه
عشان تشوفوه ناجح ما شاء الله وطعمه يجنن
وطري جدااااااااا وهش ويستاهل بقكم
يلا يا امهات جربوا وادعولي تجربة وجبة الاحلااااااااام
رووووعه
وتوته توته خلصت الحدوته
تحياتي
ونعم الأم ياعسل
اكل نظيف مفعم بحبكـ لها دمتي لها ودامت لكـ
اسعدكـ المولى
كتبت بواسطة Lina_0 
تحياتي
تسلمي يا لينا على دعواتك الحلوه
كتبت بواسطة نجوم حياتي ونعم الأم ياعسل
اكل نظيف مفعم بحبكـ لها دمتي لها ودامت لكـ
اسعدكـ المولى
شكرا لمرورك الكريم نجوم
وكلامك الحلو
بارك الله فيك انت و شهيرة العسولة
افتقدناها و وصفاتها الرااائعة
ربي يبارك لك في جنى
كتبت بواسطة moon and stars بارك الله فيك انت و شهيرة العسولة
افتقدناها و وصفاتها الرااائعة
ربي يبارك لك في جنى
شكرا مون يا عسل على الشعار
وشكرا على مرورك والتشجيع الحلو
يا قلبي علي جمالك وجمال بنوتك
ربنا يزيد حبكم لبعض ويجعلها قره عين ليكي
ما شاء الله الأكلات اللي بتتعمل بحب أكيد بتكون هنيه حتي لو كانت عيش فاضي
تسلم ايديكي
العيش شكله جميل ،..
ربنا يخليلك بنوتك ويحفظها اللهم امين يارب العالمين
بجد يفتح النفس
تووووووووووحفة
بيموتوا ولادى فى الساندوتشات دى
حعملو الصبح ان شاء الله
تسلم ايديكى وعنيكى