لكم طريقة رائعة للشعر تمنع التساقط وتزيل التقصف وتنعم الشعر وتعطيه لمعة راااااااائعة بس لازم تتحملون ريحتها
واللي يبغا الدح مايقول اح
والله العظيم والله العظيم انا مجربتها وعن جد كل اللي يشوفني يلاحظ الفرق ويسألوني اش سويتي بشعرك بس اقول لهم داااائما هذي سر المهنة
بس انتو مارح ابخل عليكم بشي
جيبي الزيوت اللي راح اقولها ويالله معايا نبدأ بسم الله
زيت املا
زيت نارجيل
زيت خروع
زيت جرجير
زيت سمسم
زيت زيتون
زيت نخاع
زيت لوز حلو
من كل زيت ملعقة او ملعقتين حسب طول شعرك بس لازم تكون المقادير متساوية
اخلطي الزيوت مع بعض وسخنيها في النار
حطيها على شعرك
جيبي فصتين ثوم واقسمي الفصة بالنص وافركي فروة شعرك بالثوم وغطي شعرك بقطعة قماش وانتبهي لاتغطينه بنايلون لانه هو اللي يخلي الشعر يتساقط واتركيه على شعرك 8 ساعات لاتقولون كثيرة والدكتور يقول لازم ساعتين انا مجربة وانا اضمن لكم بإذن الله مايصير شي
بس عندي ملاحظات
1-اول شي لازم تداومين عليها مدة 6 اسابيع متتالية
2-لازم تعملينها في نفس اليوم مثلا اختاري يوم مخصص تعملي فيه انا مثلا كنت اختار يوم الثلاثاء لانه الاربعاء كان عندي off في الكلية فكنت اعمله كل ثلاثاء عشان اعطيه فرصة تروح الريحة منه
3-يمكن تسألون ليش لانه الثوم يعمل عمل المضاد الحيوي لازم في نفس اليوم تعمليه
4-كمان ضروري انكم تستغنون عن الاستيشوار وتريحون الشعر خلال فترة المعالجة
طبعا الثوم هو اللي يمنع التساقط
الزيوت ترطب الشعر وطبعا اعتقد انكم عارفين قد ايش الزيوت اللي ذكرتها مفيدة كلها واذا كان الشعر مصبوغ بالهاي لايت ابتعدوا عن زيت املا لانه يغمق لون الصبغة وابتعدوا كمان عن زيت الزيتون لانه يعطي الصبغة لون برتقالي ناااااصع
واي سؤال انا حاضرة ومن العين هذي قبل هذي
باااااااااي
انا احني شعري على طول،،يعني فيه ضرر انه لون شعري يغمق،،مع كثر استخدام زيت املا
وشو هو السبب،،؟؟
انا عندي خلطة ومن ضمنهم زيت زيتون،والبابونج،هل هذا ممكن ياثر على لون شعري،،
باااااااااااااااي
والله ضحكتيني يامرايم
ذكرتيني بالايام اللي كنت اعمل الخلطة فيها كنت اول مااحطها بشعري طوال الـ 8 ساعات وانا محبوسة في غرفتي ياويلي وياسواد ليلي لو طلعت كل ماامشي من جنب احد على طول يتأفف حتى ماما كانت دايما تخاصمني تقول لي جربي اي خلطة ثانية بس والله العظيم بعد 3 اسابيع صارت هي تذكرني اني اعملها لانها شافت الفرق وانا اتدلع اقول لها اففففف طفشت من الريحة تقول لي معليش لما تتحممي وتبخري شعرك ونبخر البيت تروح اهم شي شعرك تعدل
والحين لي تقريبا شهرين ماعملتها وناوية اول ماتفتح الدراسة اعملها لاني دايما عندي مناسبات ومااستغني عن الاستيشوار
بس اعمليها انتي وماعليكي من احد خلي اذن من عجين واذن من مدري ايه <====بجي اتفلسف وانا مااعرف
المهم اعمليها وصدقيني راح تشوفي الفرق
بس بشرررررررررط
ادعي لي
بالنسبة لخلطتك مافهمت قصدك تقصدين ان خلطتك تغير لون شعرك والا خلطتي تغير لون شعرك مافهمت بالضبط
انا اقصد،،،اني حاطة في خلطتي زيت زيتون،،وبابونج،،،
فهل من الممكن انهم يغيرون لون شعري وشكراااااا
انا اللي اعرفه انه البابونج يغير لون الشعر ويخليه فاتح
وسمعت انه اللي تحط مع الحنة زيت مايصبغ لانه الزيت يمنع صبغة الحنة ماادري اش جاب لجاب بس مدري البابونج مع الزيت يغير لون الشعر ؟؟ مدري بس اذا تبغين وصفة تغير لون الشعر وتبغين تستخدمين البابونج في تفتيح لون شعرك ,, اغلي البابونج لوحده في موية وبعد ماتتحممي اخر شطفة خليها موية البابونج استخدميها يوميا وبعد فترة تعطيكي لون واذا تبغي بسرعة عندي وصفة ثانية بس مو طبيعية 100% لأ 90% اذا تبغيها قوليلي
اذا ما في تعب،،،ابي لون شعري يصير عنابي،،يعني مو عنابي عنابي،،،
بس تقريبا يعني مثل ما يقولون توتي،،او لون الكركديه،،اذا مع الحنه يكون افضل،،
وعادي اذا ما كانت طبيعيه 100%
وشكرا يا عسل
يالله انتظريني ثواني
بااااااااااااي