مرحبا بحبيبات قلبى
من كام يوم كنت محتارة
أعمل كيكة اناناس والا اعمل كيكة زبادى
فقررت انى ادمج الاثنين مع بعض واشوف ايه راح يطلع 
والحقيقة النتيجة طلعت فوق ما كنت اتصور
نشوف مع بعض
3 بيض
1 كوب سكر
نصف كوب زيت
2 كوب زبادى
كوب ونصف دقيق
بيكنج بودر + فانيليا
اناناس معلب + ربع كوب عصير الاناناس
نضرب البيض والفانيليا .. ثم نضيف السكر ..
ثم الزبادى .. ثم الزيت ..
ثم الدقيق المخلوط معه البيكنج بودر
وفى النهاية اضيف ربع كوب عصير الاناناس واخلط
وفى القالب اللى هاسوى فيه الكيكة حطيت نصف كوب سكر
وارفعه على النار لغاية ما يبقى كراميل
وبعدين ارص حلقات الاناناس
واضيف خليط الكيك
واسويها فى فرن درجة حرارته 200 لمدة ربع ساعة ثم اخفض الحرارة 160 لنصف ساعة اخرى .. او حسب الفرن بتاعك
ودى كانت النتيجة
شوفوا كيف هشة وعالية
ومع سموثى الفراولة والجوافة والاناناس قدمتها
عوافى على قلبكم يا عسولات
فرصة سعيدة حبيبتي
وتسلم ايديكي عالكيك
تسلم ايدك انا بحب الكيك دى اووى و بعملها نفس طريقتك بالظبط
كيكة بتشهي ما شاء الله عنك
ان شاء الله اجربها
تسلم الايادي يا بيرو
بألف هنا وشفا حبيبتي