قرص او فطير *****المهم ان الشكل و الطعم خطير
سلام الله عليكم يا احلى عضوات فى احلى منتدى
يا رب تكونوا بخير
النهاردة جيبالكم قرص او فطير
بس مش قرص طرية لا خلينا نغيروا بقى شوية
القرص او الفطير ده ممكن محشى او سادة و كمان هو مش ناشف زى القراقيش و لا طرى زى القرص الطريه
سمعاكى و انتى بتقولى … و بعدين يا ام يحيى و مازن حيرتينا معاكى … مش ناشف و مش طرى
طب هيكون ازاى …. هقولك يا عسل الفطير ده مقرمش
و بيدوب فى البق .. الفم يعنى هههههه
اقرب كتير للكحك بس و الله اطعم كمان و يا سلام معاه كوباية شاى بحليب …يا سيدى يا سيدى ممممم
طب تعالو نشوف المقادير
يا لا بينا بسم الله
3 كوب دقيق
كوب سمن
نصف كوب ماء او لبن
نصف معلقة ملح
قطعة خميرة فى حجم الليمونة الصغيرة
سمسم و عجوة للحشوة ( اختيارى )
الطريقة
1- هندوب الخميرة بمعلقة سكر صغيرة و معاهم شوية مية دافيه (من النص كوب ) و نغطيها تخمر شوية
2- هنحط الدقيق فى طبق غويط و نحط السمسم و الملح و الخميرة
3- هنسيح السمنة و نحطها على الدقيق و نعجنها كويس
و نحط باقى اللبن او الماء و نعجن حوالى 10 دقايق
4- نغطيها و نسيبها ترتاح فى الحر ده حوالى نص ساعة
5- بعد ما تخمر هنحضر الصوانى و نشكل العجين و نرصها
و فى الصوانى و نسيبها ترتاح نص ساعة كمان
6 – انا شكلت صنية فطير مدور و صنيه على شكل وردة عن طريق المقص
اخدت حتة عجينة و بططتها عادى على كف ايدى و بعدين بمقص المطبخ المعقم قصيت حروفها بطرف المقص و حطيت السمسم
فى النص و يقى شكلها زى الورده
7– سخنى الفرن قبلها و حطيها فى الفرن و لما تحمر طلعيها
و بالف هنا
و ان شاء الله اللى هتجربها هتعجبها
مع الف سلامة 
شي بشهي كتير وبيفتح النفس
يعطيكي الف عافية يا غالية
بانتظار وصفات تانية من تحت دياتك
انتى كللك زووووووووووق
كتبت بواسطة ♥ نبعة الريحان♥ 
تسلمى اختى ربنا يبارك فيكى
شكلهم حلو واكيد الطعم احلى
مع كوب شاي بلبن
كتبت بواسطة صاحبة البيت شكلهم حلو واكيد الطعم احلى
مع كوب شاي بلبن
تسلمى يا قمر
من بعض ما عندكم
يسلموووووووووو ايديك
رح اجربها وباين عليها عجينة ناعمة وبتذوووب
يسلمو ايديكى وعنيكى وقيد التنفيذ