السلام عليكم
تقريبا صارت فتة المكدوس معروفة هون بالمنتدى مو هيك ..ظ
اليوم انا عاملة الفتة وحبيت ورجيكم صورتها
ولي بتشهي ……..ممممممممم
الفتة هي طبقات
اول شي خبز عربي مقطع ومقلي
وفوقه طبقة مؤلفة من ( بصل جوانح مقلي ومعه صلصة بندورة ومعه البيتنجان حبات صغار محفور ومحشي لحمة ناعمة وصنوبر ثم نتركهم مع بعض على النار لحتي يستوي البيتنجان منيح )
وبعدين تكون هذه هي الطبقة التانية فوق الخبز
والطبقة التالتة هي صلصة( لبن روب وطحينة وملح ورشة توم ناعم )
وهذه الطبقة التالتة فوق الخبز والبيتنجان
ثم رشة مكسرات مقلية ورشة بابريكا
وشوية سمنة ساخنة
واترككم مع الصور
وصفة شهية
جزاكى الله خيرا
شكلهاا كتير بيشهي
يسلموو الاياادي يارب
شكرا لمروركم الكريم
على فكرة هاد اول موضوع لي بقسم الاطباق الرئيسية
بس اكيد ما رح يكون الاخير
رح تشوفوا من اكلاتي وطبخاتي
الكثير
بس عطوني رأيكم بصراحة
وانا بحب النقد البناء
لانو بيصحح اخطاء الانسان
لكم كل الود والتقدير