وفي وحدة او بالاحرى كذا وحدة، مع ان اعدائي قلائل، يتسببون في مضايقتي، مثلا اذا بتكلم او ابدي رايي، دائما يردون علي باسلوب غرور ويعارضوني في كل شي يعني اذا اخترت لون يروحون يذمونة او اي شي بكون انا مسوتنة وبالذات انا، وطبعا انا بصراحة ما اريد اعامل بالمثل لأنة اسلوب سخيف ولا بيوصلنا لبر الامان، اتخيلكم شو بتسون مع ها الصنف من الناس، حتى صرت ما اداني يلستهن لانهن تلوع بالجبد، وانا مضطرة اني اشوفهن
هو
ماالقي لهم بال ابدا وبصراحة يغتاضون مني مرة وبالعكس افتخر باللي انا اسويه
واقول هذي من اختصاصاتي ولا احب احد يتدخل فيها 
اذا كان فيه مجال انك تحاولين تعاملينها بالحسني عشان سبحان الله يمكن المعامله الطيبة تخليها تنحرج منك وتتبدل معاملتها معاك ..كان بها اما اذا كان مافي مجال فهذه النوعية اذا سكتي عليهم يعتبرونك ضعيفة ويتمادون …سكتيها برد يكون قوي بس لائق ولا تطولين معاها فى الكلام واجتنبى تحتكين فيها …
يعني اذا ذمت لج فى لون فستانك مثلا ….قوليلها …والله الناس اذواق والون عاجبني …
الخكاكات او المغرورات هن اللى يتفاخرن بما يملكن
اما هؤلاء الحريم بالاحرى يحاولون تحطيم ثقتك بنفسك
والسبب هو الغيره والحسد حتى لو كانوا يملكون الاكثر
والطريقه اللى انصحج تتعاملين معاهم انج تبعدين عن النقاش
معاهم يعنى سلام عليكم وعليكم السلام لان ما وراهن خير
واذا لازم تكلمينهم وحاولوا يغيظونج ابتسمى وطنشيهم تماما
ولا تبينى قهرج
بس الاهم انك توثقى بنفسك وتبتعدى عنهم
انتي تقولين انك ماتبي تستخدمين نفس اسلوبهم لانه سخيف…ومن عندي رخيص…… زين طنشيهم لان الي زي كذا ماينعطون وجه علشان لا تعطيهم قيمة
وتذكري قوله تعالى( {وَإِذَا خَاطَبَهُمُ الْجَاهِلُونَ قَالُوا سَلَامًا} (63) سورة الفرقان
تم تعديل الأيه بواسطه مساعدة المشرفه العامه الخنساء
اعتقد ان ضعف الايمان من اسبابه … الحسد لا يأتي الا من قلب ابتعد عن الخوف من الله
المؤمن يحب لأخيه ما يحبه لنفسه…. ويبتعد عن اذية المسلمين
هذا رأيي حبيت اشارككم فيه
اذا حسوا فيش زعلانه ومقهورة راح ينبسطون على الاخر
فلا تتركين مجال لشي مثل كذا
كان الله في عونك
انا جربته مع (؟؟؟!!!؟؟؟)
عندما تبتداء احداهن بالحديث عن موضوع لايناسبك فكريا ونفسيا
انظري اليها وكانك تنظرين الى الفراغ ثم ابدائي بالتسبيح والاستغفار
وبعدها انظري الى اي شيء اخر وبادري بتغيير مسار الحديث سريعا
عندها ستشعر من هي امامك بشعورك انها ولا شي وان رائيها لايهم
هذا وصلى الله على سيد الابرار محمد عليه الف صلاة وسلام
موفقه
بصراحه ها الصنف من الناس ما ينفع معهم الا التجاهل لأن هذا يغيظهم أكثر
والمشكله اذا كان يجيك الحكي الشين من اقرب الناس لك
بس مو مشكله الواحده منا تصبر وتحتسب والله يعوضها الف خير