ويااااااااااااااااااااااا ريت اتجاوبوني اليوم لاني عندي ظيوف وراجلي جابلي عجينه الكنافه ونبي انديرها للحاجات حاااااااااارة يا ريت تعطوني حاااااااااااجة ضروري اليوم وربي يعطيكم اللي في باااااااااااااالكم يااااااااااااااا رب
تحيااااااااااااااااااااتي
اني قبل نزلت صوابع الكنافة الحارة بس تقريبا الصور مهناش
http://www.lakii.com/vb/showthread.php?t=491130
توة معنديش الصور بس الطريقة موجودة في الرابط ان شاءالله تجربيها وحتعجبك باذن الله لانها خفيفة وحلوة ونازكم
وان شاء الله تجي زوبة وتقولك على حويجاتها لانها ما شاء الله اقدر واعرف
استرتيني قدام راجلي واظيوفه ربي يسترك دنياااااااااا واخرة بجاه الشهر الكريم
يااااااااااااااااااااااااااااااااااااااااااااااااا اااااارب ونااااااااااااااولك اللي في بالك …
تحياتي ليك
اشريت عجينه البف باستري بس طلعتلي كتله وحدة امعجنه في بعظها
وما تنفكش هل فيه حل ليها ؟؟؟ لاني طبعا مش رح انلوحها ؟؟ واكيد
كثرت اعليكم بالدات ماما الاء .. والله اني ما عنديش حد تاني نساله حتى
المنتديات التانيات والله تسالي لين تعيي ما تلقيش من ايجاوبك ولا ايرد
اعليك ولاكن منتدى لكي ماشاء الله اعليه والله بجد ودون اي مجامله
الاجابة اتجيك على طول … وانحب نشكر كل اللي في منتدى لكي وربي
ايدوم اعليكم هالمه يا منتدى لك ياااااااااااااا رب
وتحياتي للكل
احني كلنا خوت وقلبنا على بعض
واهلا وسهلا بيك وبكل البنات في اي وقت وفي اللي استطاعتنا نقدموه ان شاء الله
بالنسبة للكنافة والله مش عارفة توة اي نعم في افكار بس منقدرش نعطيك فكرة ما جربتهاش لاني مش ضامنتها ولو شريت كنافة حندير باذن الله شئ جديد بيها
بالنسبة لعجينة الباف معاش تشري من اي مكان خوذي من الهوني اللي في الصريم وبس عجينته ما شا ءالله وفي كل شئ
وتوة خلينا في عجينتك عندك حق حرام تتلوح
بس انتي جربتي اطيبيها جربيها بكشي تورق في النار لان الشكل مش معناه انها ما تنفعش وما تورقش
جربي طرف بوريكة وشوفي النتيجة
ولو ما وررقتش تقدري تطرحيها مرة ثانية وتدهنيها زبدة بعدين اطبقيها وادخليها للفريز وتطرحيها ثاني واطبقيها وادخليها للفريز وخليك على الخطوات هذي اربعة مرات
بس لازم تجربيها قبل تورق او لا
وان شاء الله تمشي معاك
نراجو بقايت البنات اكيد عندهم حل ثاني
يومكم طيب باذن الله
تعرفي انك ست بيت ونص وثلث ارباع والله اليوم كله واني انحل في الباف باستري
وانحلت امعاي مية مية .. وربي احلك ابواب الخير كلهاااااااااا يا رب
مشكورة وتحياتي ليك
انحس فيها امكبراتك شن ماما .. خليها الاء احلى
المهم ممكن تعطيني حاجه حارة بالورق الباف باستري ؟؟
تحياتي ليك وللكل
جازاك الله خيرا ماما الالاء ما قصرت
حبيبتي هذا الملف تجدين عدة وصفات بالبف بستري للمالح و للحلو
