يا مغتربات : قرار العودة للوطن متى ولماذا؟ 2024.

كتبت بواسطة om nabil

قبل ما يدخل الاولاد المدرسة و لما يكون عندنا شوية فلوس تشتري بيت … يااااااااااااااارب

اهلا ام نبيل
فعلا دخو ل الولاد المدارس علامة فارقة
يا ترجعى وقتها يا خلاص بقى بقيتى رهن دراستهم وازاى هتنقليهم وتغيرى نظام تعليمهم

بس المشكلة بقى لو متجمعش الفلوس الزمة للبيت قبل دخول الولاد المدرسة

كتبت بواسطة نجمة حلب

أنا مو مصرية بس حبيت رد لانك حطيتي ايدك عالجرح
المشكلة عندي انو اهل زوجي عايشين بالغربة معنا ولهيك زوجي مو كتير حاسس بالغربة وما بفكر يرجع الا لنشتري بيت وسيارة ويأمن عمل مناسب ومتى بدو يتحقق عالشي الله هو الاعلم بس أملي بالله كتير..

الشقة والعربية والعمل المناسب مشكلتنا كلنا ل
المشكلة ان دى حاجات مش بتحقق الا بعد ما الواحد يخسر سنين عمره
انا ساعات بقول لنفسى ما هى الناس كلها عايشة وعندها بيوت يعنى هما اللى مش مسافرين معندهمش بيوت
وساعات والله لما برجع فى الاجازة بلاقى ناس اتطورت وغيرت بيوتها واشترو عربيات
احسن من اللى اجنا عملناه
بس مرتاحين مع اهاليهم
الحياه هنا كمان غليييييييييت اوووووووووووى وبقى اللى تقدرى توفريه قلييييييييل
والشقق غليت
وعشان تكملى تمن الشقة
هتاخد سنين اضعاف ما كانت بتاخد من الناس اللى بتسافر زمان

كتبت بواسطة جنة الطيور

وانا مو مصرية بس حبيت اشارك بالراي
وانا طبعا بتمنى كل يوم انزل بس كل اهلي بقلولي خليكي هنيك احسنلك واسعدلك وبخوفوني من النزلة مع انو امي عم تبكي كل يوم على فراقي واخواتي ماعم بحضر عرس ولا بفشوف ولادهون الا بعد سنين وهنن كمان والله ينعن ابو الغربة ومتل ما قالو البنات ليخلصوا ازواجنا دراستهون وان ظبتطتت وبقينا هون ليصير عنا بيت وليصير معنا شي مشان ولادنا ونقدر نعيشهون وانو هون المواطن مامن هنيك مو مبين والله نفسياتنا عم تتعب يوم بعد يوم وايام فعلا بلاقي الغربة حلوة وبتمنى اعيش كل حياتي بس بتمنى كل اخواتي يجو هون عندي وامي تقعد معي ومع ولادي
والله يرجعنا على بلادنا ويخترلنا كل خير قلنا وقلكون ويسر الامور يارب

الله يبارك فيكى على الدعاء الجميل
ربنا يردنا كلنا لاهلنا كلامك اثر فيا جدا لان نفس اللى بيحصل معايا
انا من ساعت ما جيت هنا ناس ماتت من غير ما اشوفها وناس اتجوزت من غير ما احضر فرحها واللى خلف واللى ولاده كبرو اصلا انا حاسسه انا كمان وجوزى بنكبرر هنا اكتر من مصر هههه مش عارفة تيهيؤات ولا المياه المالحة هنا فعلا بتاثر ع البشرة والشعر
بس بقيت احس وشى كبر وجوزى شعره كله بقى ابيض رغم انه لسه فى التلاتين

المشكلة يا جماعه
انا مرة واخدة كدة بقيت احس الاهداف دى كلها تافهه وملهاش قيمة
وبسال نفسى كل شوية احنا عايشين هنا ليه
عشان الحياه السهلة
طب ما احنا مش مستمتعين بحاجة
لا الاكل طعمه زى اكلنا ولا الخروج بنشوف فيه حد
احيانا بتمر اياااااااااام واسابيع ويمكن شهر حتى
من غير ما نضحك او نبتسم حتى ومن غير ما نشوف ناس اصلا
حتى بنتى هنا ممكن اشتريلها اغلى لبس
بس برجع اقول ما هى بتلبسه ويصغر عليها من غير ما حد يشوفها لابساه حتى بحس ان يوم تقضيه مع حد من اهلها احسن ليها من كل اللعب واللبس اللى ممكن اجيبهملها هنا

كتبت بواسطة om3osforayn

أنا كدالك لست مصرية جنسيتي مغربية, زوجي يفكرفي العودة لكن لانستطيع أولاً أولادي يدرسون فلن أستطيع قطعهم على دراسة وثانياً ليس لنا منزل في المغرب عطلتي السنوية أقيمها في منزل والدايْ ,لهدا كان أول شرط لي لزوجي لكي أعود معه أن يُأمِنَ لنا بيتا . وأن يكون مشروع صغير له لكي يكون لنا مدخولا شهريا على الأقل .لكن ليس عودة أبدية لأنه أنا وزوجي وأولادي لنا جنسية أوروبية وبيت من ملكنا.

ربنا معاكى ومعانا
شكلك مش مستعجلة العودة
يمكن استقرارك فى بيت ودخول ولادك المدارس
هو السبب
ربنا يكتبلك الخير ياارب ويقدرك على تحقيق اهدافكم