●•°حلى متميز°•● تورتة الكسترد بالجيلى 2024.

جبت لكم النهاردة يا أحلى عضوات فى أحلى منتدى وصفة حلويات جميلة و سهله و الكل بيحبها و يفضل أكلها فى الصيف عشان الجيلى طبعا ,,

المقادير :

بنحتاج للكسترد السادة : 2 كوب لبن – 3 ملاعق كبيرة كسترد بودرة – 3 ملاعق كبيرة سكر

بنحتاج للكسترد البنى : 2 كوب لبن – 3 ملاعق كبيرة كسترد بودرة – 3 ملاعق كبيرة سكر – ملعقة كبيرة كاكاو

للتزيين و الحشو شرائح موز – باكو جيلى فراوله معمول بالطريقة العادية – كمية من البسكوت السادة أى نوع ( حوالى 30 حبه بسكوت )

الطريقة :

1- نحضر الصينية اللى بتتفتح من الجنب و نرص بها طبقة بسكوت

2- نضع كل مكونات الكسترد البنى على النار و نقلبه حتى يغلظ قوامه

3- نصب الكسترد على البسكوت

4- نرص طبقة اخرى من البسكوت

ثم نرص شرايح من الموز

5- نعمل الكسترد السادة على البوتاجاز ثم نصبه على الموز

6- نجمل الوجه ببعض الموز ثم نتركه يبرد لمدة نصف ساعة ثم نصب عليه الجيلى السابق عمله و يكون الجيلى بارد طبعا

7- ندخل الصينية الثلاجة لمدة 6 ساعات ع الاقل حتى يتماسك الجيلى

8- نقطع التورتة و تجمل بالكريم شانتى و تقدم و من الممكن عملها فى أطباق صغيرة أو كئووس

و الطبق ده لاول رد

و ان شاء الله تعجبكم ,,,,