●•°حلى متميز°•● تورته بالشيكولاته والفواكه لمدمنين الشيكولاته .بالصور 2024.

تورته بالشيكولاته والفواكه لمدمنين الشيكولاته بمناسبة ان ربنا رزقنى بالوظيفه .بالصور

بنات ده موضوعى الاول وقلت لازم اهديكوا حاجه بمناسبه الوظيفه اللى ربنا رزقنى بيها والحمد لله وبشكر كل من دعا لى فى ظهر الغيب
مقادير الكعكه؛
كوب ونص دقيق ابيض
كوب ونص سكر ابيض مطحون
ثلاث ارباع كوب كاكاوخام بودره
ثلاث ارباع كوب زيت ذره <عشان تبقى خفيفه>ولو تحبى ممكن تستبدلى الزيت بالزبده او السمن البلدى
3بيضات
كوب وربع لبن
بيكنج باودر
فانيليا
الطريقه؛
اولا: إخلطى الزيت والسكر مع الضرب بالمضرب الكهرباء حتى يتجانس
ثانيا:ضعى البيض والفانيليا على الخليط واستمرى بالخلط بالمضرب حتى يتجانس الخليط
ثالثا:ضعى الكاكاو على الدقيق على البيكنج باودر واخلطيهم فى اناء مستقل ثم اضيفى الخليط بالتدرج مع صب كوب اللبن حتى تنتهى الكميه مع استمرار الخلط بالمضرب الكهرباء الى ان يتجانس الخليط
رابعا:ادهنى الصينيه بالزيت ورشى قليل من الدقيق فى الارضيه حتى يسهل قلب الكيكه بعد السوا
×أمسا:صبى الخليط فى الاناء وضعيه فى فرن <اشعليه قبل ذلك بمده حتى يصل الى درجه الحراره المطلوبه عند وضع الصينيه> عند درجة حرارة180 مئويه لمده 50 دقيقه
وهذا شكل الكعكه قبل ان اضعها فى الفرن

وهذا شكلها بعد السوا

وهذا شكلها بعد ان قلبتها

وبعد كده نقسمها نصفين

للحشو والتغطيه؛
كريم شانتى<كريم معده للخفق>
فواكه محفوظه<كنبوت>
شكلاته خام
سودانى محمص

الطريقه
اولا يخفق الكريم شانتى مع اللبن ثم نفصله الى جزئين ونضع بودرة كاكاو فى احد القسمين ونخفقه


ثانيا نضع عصير الكنبوت على سطح الكيكه <نسقى الكيكه به>

ثالثا نحضر الشكولاته بوضع الشكولاته الخام فى وعاء ونسيحها على حمام ماء حتى تسيح ونصب عليه لبن مغلى مخلوط بملعقتين زبده سايحه مع الخفق بالمضرب الكهربائى
رابعا نصب الشكولاته فى وسط الكيكه ونوزعها بالتساوى

خامسا نفرش جزء من الكريمه اللى بالشيكولاته فى وسط الكيكه ونوزعها

سادسا نرش السودانى المحمص والمطحون

سابعا نضع الجزء الثانى فوق الجزء الاول

ثامنا نفرش باقى الكريمه على السطح والجوانب
ثم نضع كريمه حول الكعكه بالماكينه على شكل ورود ونضع الكنبوت فى المنتصف ونرش السودانى المحمص على جوانب الكيكه

وهذا هو الشكل النهائى لها

وبالهنا والشفا وانا فى انتظار ردودكم واى استفسار

كتبت بواسطة soso22

الف مبروك للوظيفه ياقمر
والكيكه روعهههههههه
تسلم ايدك عليها

مشكووووووووووره حبيبتى سوسو لمرورك والله اسعدنى جدا وبالهنا والشفا وعقبال كل اللى عاوز وظيفه

كتبت بواسطة bosy07

تسلم ايدك على التورتة الجميلة دى يا قمر و مبرووووووووووووووووووووك

الله يبارك فيكى واتمنى انها تكون عجبتكوا

كتبت بواسطة أم شجووون

تسلم الايادي
والف مبروووك على الوظيفه حبووبه

الله يبارك فيكى والله نورتينى

كتبت بواسطة فريشتا

ألف ، ألف مبروك الوظيفة
راح أسوي الكيكة لما أتوظف
>> يا خوفي أموت قبل ما أتوظف

هههههههههههههههههههههههههههههههه والله ضحكتينى يعنى مش هتعمليها الا لما تتوظفى وانتى كمان بتقولى خايفه تموتى قبل لا تتوظفى يعنى من الاخر مش هتعمليها
يارب يرزقك بالوظيفه اللى بتحلمى بيها يا رب وبعد الشر عليكى وجايز لما تعملى الكيكه الاول ربنا يفرجها عليكى بالوظيفه هههههههههههه ربنا يوفقك للى تحبيه