مرحبا
اليوم جبتلكم طريقة عمل السلطة او الدقة الغزاوية
وهي سهلة كتير
وقت تقديمها مش محدد
غدا – عشا – فطور
المكونات ::
3 حبات بندورة حجم صغير
ملعقة صغيرة عين جرادة جافة ( شبت )
2 حبه فلفل أخضر حار( حسب الرغبة – كل ما زاد الفلفل سارت ازكى )
بصلة متوسطة الحجم
ملح
نصف ملعقة صغيرة عصير الليمون
2 ملعقة كبيرة زيت زيتون .( كمان حسب الرغبة وازا ما بتحبوا زيت الزيتون مش ضروري ينحط )
طريقة التحضير :
1-نضع العين جرادة مع الملح في الزبدية وتدق جيدا بالمدقة الخشب.
2-يضاف الفلفل الأخضر الحار ويدق جيدا بالمدقة.
3-نفرم البصلة وتضاف إلى الخلطة وتدق قليلا بالمدقة .
4-تفرم حبات البندورة وتضاف مع الخلطة برفق .
5-نضيف عصير الليمون وتخلط جميع المواد معا.
6-نضيف زيت الزيتون على وجه سلطة الدقة الغزاوية.
7-تقدم مع المخللات والزيتون الأخضر.
صحتين وهنا
وانشاء الله تعجبكم
يعني مكونات سهلة وبسيطة ومتوافرة
بتمنى تعملوها وتحكولي رأيكم
مع تحيات الغزاوية 
شكلو ما عجبتكم السلطة
يسلموو ايديكِ
شكلك بلدياتنا
احنا بنسويها بنفس الطريقه بس للعشا فقط مع فلافل او حواضر البيت وبدون فلفل
انا شخصيا مابتحمل الفلفل بالاكل
بتعرفي صديقتي اهلها بياكلوها مع الملوخيه بس احنا مع فلافل ومقالي بنحبها
يسلمو ايديكِ
عواااااااااافي يا رب
/
بس مه ملوخية عمري ما سمعت
احنا بناكلها على الفطور او العشا
ويسلمو حبيبتي على مرورك
انتي من وين طيف ؟
انا من غزه بس مقيمه بالكويت
تسلم ايدك و اشكرك على الطريقه الرائعه
لهذه السلطه انا كتير بحبها و طريقتك نفس اللي انا بعملها
بس لاني ما فلسطينيه فكرت طريقتكم غير
و ارجوا منك انك تعلمينا كل اكلاتكم لانها زاكيه كتير
و بصراحه حابه اتعلم كل اكلاتكم اللذيذه
و اذا في مجال تعطينا الفول اللي بتعملوا مطحون على الفطور
بصراحه ما بعرف كيف بيتعمل و كل ما جربت اعملوا ما بيظبط معي
في مجال اطلب منك بعض الاكلات اللي بلاقيها زاكيه و ما بعرف اعملها
و لك جزيل الشكر على سعت صدرك و عدم اهمالك طلبي
لهذه السلطه انا كتير بحبها و طريقتك نفس اللي انا بعملها
بس لاني ما فلسطينيه فكرت طريقتكم غير
و ارجوا منك انك تعلمينا كل اكلاتكم لانها زاكيه كتير
و بصراحه حابه اتعلم كل اكلاتكم اللذيذه
و اذا في مجال تعطينا الفول اللي بتعملوا مطحون على الفطور
بصراحه ما بعرف كيف بيتعمل و كل ما جربت اعملوا ما بيظبط معي
في مجال اطلب منك بعض الاكلات اللي بلاقيها زاكيه و ما بعرف اعملها
و لك جزيل الشكر على سعت صدرك و عدم اهمالك طلبي
وشكرا كتير ام ايموني على ردك الحلو وجربيها لانها بجد لذيذة