طبعا أنا مش عارفة مالي كل شوية بأتوحم على شغلة من أكلاتنا في غزة..يمكن من أد ما أنا مشتاقة لهم هناك .. الله يفرجها عليهم يارب..
فتوش أبويا الله يرحمه طريقته غير عن الفتوش اللي بأشوفه هون.. هون بتعملوه سلطة عادية مع خبز محمص.صح؟ شوفوا طريقتنا وجربوها وأكيد حتحبوها.
المقادير:
حبة خيار
حبة طماطم
ورقتين خس
ورقتين نعنع
قطعة صغيرة جبنة نابلسية أو عكاوي
ليمون وملح
ملعقة طحينية
رغيف خبز بايت لو مش بايت ممكن يعجن شوي
الطريقة:
ببساطة نقطع الخضار صغير ونقطع عليها الجبنة ونضيف الملح والليمون حسب الرغبة يعني زي أي سلطة عادية. لهون وممكن يتقدم صحن سلطة عادي
نضع شوية ماء في صحن ونقطع الرغيف أرباع ونضعه في الماء ثواني فقط حتى يترنخ ثم نعصر الخبز بأيدينا جيدا ونضيفه لصحن السلطة مع الطحينية.
الأفضل نخلطهم في وعاء أكبر. نخلطهم جيدا ثم نضعه في صحن التقديم. نقطع بصلة صغيرة وأزكى لو كان بصل أخضر وشوية زيتون ونضع عليه زيت الزيتون.
يؤكل بالمعلقة ويا سلام مافي ألذ من هيك..طعم رووووووووووعة
وصحتين وعافية
وتسلم ايدك على الطبق
انا بعمله بالخبز المبلول بس من غير طحينيه وجبنه
بجرب طريقة والدك ان شاء الله
فتوش رائع تسلم ايدك وشهى وطيب كتير كتير
ريته صحه وهنا
غير فتوشنا..تسلم إيدك سمايل
ماما كانت بتبل الخبز بالماء بس بدون طحينية و جبنة
رحم الله والدك وجميع موتى المسلمين
رحم الله والدك وجميع موتى المسلمين
والله يرحم والدك
بجررب الطرريقه شكلها بيشهي