طبقين من مقبلات البطاطس بطريقتي جميله جدا وتعجب الاولاد 2024.

السلام عليكم

1-كفتة البطاطس

*2حبة بطاطس مسلوقه ومهروسه
*2م كزبره خضرا مفرومه وشبت لو تحبي
*بيضه مخفوقه
*ملح وفلفل وكمون وبهار مشكل
*بقسماط مطحون
*لو تحبي قطع دجاج مسلوقه ومقطعه صغير
*1فص توم
*جزره مسلوقه ومبشوره

الطرييييييييقه

*نخلط البطاطس مع الجزر والدجاج والبيضه والتوابل والكزبره
*نشوح التوم في قطعة زبده بس ما يتحرقش لونه يفضل ابيض ونضيفه للخليط السابق
*نعجن كويس كل المكونات حتي تتماسك وممكن تضيفي م بقسماط حتي تتماسك
*نكورها او نعملها اصابع او نشكلها بالقطاعه شكل نجمه او قلوب ونغطيها بالبقسماط وندخلها التلاجه شويه(ربع ساعه)
*نقليها في الزيت حتي تحمر ونطلعها علي ورق نشاف ةتقدم في طبق مزينه باوراق الكزبره وصلصة المايونيز

بالهنا والشفاااااااا

النوع التاني بعمله ومعرفش اسمه

*2حبة بطاطس بقشرها مغسوله ومقطعه زي الودجز
*زعتر ناشف وروز ماري
*ملح وفلفل وكمون وبهار مشكل وكركم
*2م زيت زيتون او دره
*م عصير ليمون
*نص م خل
*2فص توم مهروس ناعم
*م كزبره مجففه
الطريقه
*نخلط كل التوابل والتوم والخل وعصير الليمون والزيت معا ونضع فيها البطاطس ونتركها فترهحوالي ساعتين

نحضر ورق فويل ونضع فيه البطاطس بالخلطه كلها ونقفل عليها كويس ونحطها في صينيه في الفرن حتي تستوي تقريبا نص ساعه
*تخرج من الفرن وتقدم ساخنه افضل

وبالهنا والشفااااااااا
ارجو منكم الدعاء لامي بالشفاء