الموضوع وما فيه ان الأستاذ بابا سنفور (المشهور بأبو الشباب) عنده فطور في المكتب .. يعني رئيسهم الكبير أكبر رأس جايهم من السعودية الى لندن زيارة عمل ومسويين له فطور رمضان في العمل .. هم 7 رجال وكل واحد فيهم زوجته حتسوي طبقين .. أبو الشباب الله يعطيه العافية ويحرسه من العين ههههههه تطوع اني أسوي سمبوسك ومعجنات ..
السؤال اللي يسدح نفسه على الساحة …
أبغاكم تعطوني حشوة سمبوسك مجربة ولذيييييييييذة … أبغاهم ياكلوا منها ما يشبعوا!!
.. كان نفسي أسوي سمبوسك بف حقتنا يا بنات المدينة بس أبغى وصفة مضبووووووووووووووطة مرة وتكونوا مجربينها!!!! .. واللي أحس انهل أحسن حأسويها (يا سمبوسك عادية يا بف) ..وكمان … أبغى حشوات معجنات فطائر .. شيء جديد ولذييييذ وأهم شيء مجرب! .. ما أبغى أتفشل هههههههههه ..
كثرت عليكم؟ معليش! انتو كريمات وأنا أستاهل ….
المشكلة الأكبر … الفطور هذا يوم الخميس بعد بكرة
…. فأحتاج الوصفات بسرعة الله يخليكم الله لا يحرمني منكم يا أحلى سنفورات
بس يلا نروح مشوار زغير لركن المعجنات رح تلاقي كل اللي نفسك فيه
في انا بعمل معجنات وطريقه العجينه حلوه ولما تستوي يا حلاوه عليها مافي احد داقها الا واخد الطريقه وحتى في المنتدى الكل يمدح فيها
وهي عجينه الاخت ران 2024
بدون مباااااااااااالغة عجينة فطائر طرية ومنفوخة مثل القطنة %%%%
جربتها عده مرات وطريه زي القطن وحتى ممكن تسويها وتخزنيها اسبوع واثنين وثلاث س ما عليكي الا تنزليها لحد ما تذوب شويه وتسخنيها بعدين
رح ادور كمان على روابط علشان تستفيدي
حبيبتي انا لاحظت ان الحشوه ايا كانت تعتمد على البهارات
بالنسبه لي اجمع الأشياء اللي تتكون منها واسويها بالبيت
وبالنسبه لحشوتي دجاج مفروم مع شوية بقدونس وكزبره وجزر مبشور وفلفل بارد او حار(اللي ترغبينه)
واذا كانت لحم نفس الأولى بس احط معها بيض مسلوق اقطعه بعد ماتجهز الحشوه واخلطه معاها
مع شوي فلفل اسود مطحون
وللمعلوميه انا مااحط البقدونس ولا الكزبره الا اذا طفيت النار عن الحشوه
عشان تبين النكهه
اتمنى انك استفدتي سنفورتي واي استفسار انا حاضره
الله لا يحرمكم مني هههههههههههههههههههههههه ولا يحرمني منكم …
المقادير:
نصف كيلو لحمة مفرومة
2 ملعقة كبيرة زيت زيتون
2 ملعقة كبيرة دبس رمان
2 ملعقة كبيرة طحينية
نصف باقة بقدونس مفرومة
رشة ملح فلفل زعتر وكزبرة ناشفة
الطريقة:
يحمس اللحم بالطريقة المعتادة في زيت الزيتون ويضاف له دبس الرمان والطحينية وعندما ينضج يضاف له البقدونس والملح والفلفل والزعتر ويرفع من النار ثم تضاف له الكزبرة المطحونة حسب الرغبة وتخلط جيدا وتحشى البف به
والطعم ولا اروع
والف عافيات لاتنسيني من دعواتك الجميلة ياسنفورة
المخلصة سنفورة نعسانة 
جيبي صدر دجاج مخلي من العظم
قطعيه صغيره جداااااااا
وقطعي بصل بكميه كبيره جددااااااااااااا
وقلبي البصل والدجاج واضيفي لهم سماااااااااااااق بكثره
وخليهم لحد مايستووو مع بعض
وثم اضيفي لهم صنوبر مقلبي
ولفيهم سبرنلج رول
ورح دعي لي اشهي سبرنلج رول مسخن مطور
ويارب يبيض وجهك يارب
دجاج مسلوق مقطع و بازيلاء و جزر مبشور و بطاطا مسلوقه و مهروسه و بهارات و ملح طبعا ستويهم سوى و استنى ليبردوا و احشيهم …كتير طلعت الحشوه طيبه معي و عجبت زوجي
اما المعجنات يا ستي الركن ملياااااااااااااااااااااااااااااااااااااااااااان
ربنا يخليكي لنا ولبابا سنفور ولكل السنافر
ان شاء الله يمديك تدخلي وتشوفي ردي قبل العزيمة
والله اناأشوف سوي السمبوسك العادية حقت البيت مو المثلاثات
وانا عندي طريقة روعة لعجينة مقرمشة وتنفش وماتمص زيت
والحشورة سهلة جدا
لحم مفروم وبصل وتوم وكمون وفلفل اسود وملح
وطقطقيهم الين يستوو بدون زيت محنا ناقصين دهون
واذا برد حطي عليه بيضة مسلوقة مقطعة وكزيرة خضراء مفرومة وشيت مفروم
طبعا اذا ماتحبوا البيض مو لازم
والكزبرة والشيت حسب ماتحبي ناس تحب الحشوة خضرة من كثرها
وناس لا بس شوية يدي طعم
وهذه العجينة
1كاسة جبنة دقيق ابيض
ملعقة غرف زيت
ملعفة صغيرة جدا ملح
ملعقة اكل دقيق نشا
ماء ربع كاسة زطبعا يختلف من دقيق لاخر
اخلطي الدقيق مع الملح ثم الماء والزيت مع بعض
كوريها كور صغيرة واتركيها ساعتين لترتاح
ثم استعمليها
يارب تشوفيها خسارة ياليتني شفت موضوعك بدري
وكان ممكن اقول لك سوي فرموزة ومنو وششبرك بس هذه يبغا لها حوسة من بدري
على فكرة الاقماع مرة رهيبة لو عندك شكل روعة وهذه الطريقة
عجينة من جد خطيرة
2 كوب طحين كويتي
1 م.ك خميرة فورية
3 م.ك حليب بودرة
2 م.ك سكر
2 م.ك زيت
ذرة ملح
ماء دافئ للعجن
الطريقة :
نعجن جميع المقادير جيدا حتى تصبح لدينا عجينة متماسكة ، لينة
نتركها مدة ربع ساعة حتى ترتاح
نعجنها مرة تانية ثم نقسم العجينة 3 أقسام ونغطيها ثم نتركها ترتاح مدة ربع ساعة
نأخذ أول قطعة ونفردها على شكل مستطيل ثم بالسكين نقطع العجين إلى شرائح طويلة
ربنا معاك
ولاتنسي صوري لنا ابداعك وورينا
ترى انا تعجبني مواضيعك ولازم ادخلها بس عمري ما رديت من الكسل
سويت (سمبوسك فرني) حق المدينة طبعا عجينة بيت ما أحب الرقاق الجاهز بحشوة لحم مفروم بالبصل والجزر المبشور والفلفل الأخضر والبقدونس ..
وسويت سبرينج رولز بالفرن بالدجاج والشبت والخضار ..
وسويت فطائر بعجينة العشر دقائق أخذتها من المنتدى (أرهب عجينة في العالم!!) بحشوة جبن وزيتون ونعناع وبقدونس …
وسويت فطائر سبانخ بالجبن والسماق أخذتها من المنتدى ..
وسويت بيتزا مبرومة كدا شكلها غريب بالزيتون وhot dog برضه من المنتدى ..
وسويت فتة دجاج بالرز واللحم المفروم برضه من المنتدى ..
صراحة ماني متأكدة أخذتهم من هذا المنتدى ولا منتدى (عالم حواء) .. للأمانة بس ..
قسم بالله دعيتلكم من قللللبي!!!! أحتسبتها افطار صائم لي وكل من ساعدني ولو بفكرة بسيطة ..
جعلها الله في موازين حسناتنا جميعا!!!!!
يقول زوجي انهم مسويين كبسة ونوعين سلطة ومكرونة وثريد وورق عنب ودجاج بالبروكلي ونوعين شوربة وشاورما وكم نوع حلى … كل هذا عشان 9 رجال بس!!!! هههههههههههههه ربي أطعمهم!!
اسفة ما صورتها بس زوجي كان مستعجل وصرفدني وكان بيستنى تحت
والله لما شافها كلمني من السيارة يقول (هذي جبتيها من المطعم ولا انتي سويتيها؟) .. طبعا أنا أتشققت من الفرحة هههههههه .. بس ما شاء الله ما رجعلي الا 5 حبات!!!
أقولكم شيء غريب؟؟؟ والله عشان نيتي افطار صائم ربي رسل لي رزق من تحت الأرض!!! من جد من تحت الأرض .. من جارتي اللي ساكنة تحتي <== من تحت الأرض ههههههه .. المهم .. اللي صار اني مع الربكة رسلت الأكل كللللللللللللله مع زوجي!!! ولدي الله يحفظه صايم وأنا صايمة وما خليت لنا ولا قطعة ناكلها!!
فطرنا على تمر ولبن وكنت حأموت من الحزن على ولدي عمره 8 وصايم ولااااااااازم ياكل سمبوسك وأتضايق مسكين!! قلت له يالله معليش ان شاء الله ربي حيعطيك شيء أحسن من السمبوسك لأنك صايم وساعدتني نسوي أكل للناس … واللللللللللللللللله في نفس الثانية دق جرس الباب … راح يفتح وجاني شايل صحن جريش من جارتي!!! ولدي يموووووووووووت على الجريش!!! صار يزعق ويقول ماما!!!! والله صادقة! ربي رسل لي جريش! أحبه أكثر من السمبوسك!!! وكمان ثواني ويدق الباب مرة ثانية والا جارتي الثانية مرسلة ما شاء الله سمبوسك وسلطة وحلى .. والله ولدي صار مو عارف ايش يسوي من الصدمة .. يقول لي ماما! والله صح من جد!!!! اللي قلتيه صح!!هههههههههههههه حسيت بروحانية رمضان وقيمة تعبي مع ولدي بتجيني أول بأول