حبيباتي صبايا المنتدى الغالي على قلبي
اليوم جايبتلكم وصفة بتوقع انها جديدة عليكم
رغم انكم شطورات كتير ما شاء الله عليكم
بس بيضل الواحد كل يوم يتعلم شي جديد
وانا الصراحة تعلمت منكم كتير شغلات واليوم حابة ادلكم
على وصفة البوريك بالطريقة التركية
وهاي دلتني عليها وحدة تركية عايشة هوون بالمانيا
وهاي البوريك بتباع هوون في المحلات عند الاتراك يعني
بالمختصر بدون فلسفة زيادة الطريقة تركية 100%
ههههههههههههه
ما بدي اطول كتير بالبرم نبدأعلى بركة الله
العجينة وهي عبارة عن :
كيلو طحين
رشة ملح
رشة سكر
شوية خميرة
والصراحة انا بعجن العجينة بالحليب
بس بتقدروا تعجنوها بالماء الفاتر
وهي صورة العجينة بعد الاختمار
وهلأ صار دور الحشوة اللي بدنا نحطها على العجينة
وهي عبارة عن :
زر بندورة
فليفلة قرن الغزال يعني
بتحرق شوي ازكى
وراسين بصل
ونص كيلو لحمة مفرومة ناعمة
وهلابدنا نفرم البندورة والفليفلة والبصل على الماكينة
واخر شي بنحط اللحمةوبنفرمها معهم كمان عشان تصير
الحشوة متل الكريمة طرية
وانا كمان بضيف شوية معجون بندورة كمان عشان تصير حمراء
وملح وبهارات مشكلة رشة
وهاي الصور بتحكي كمان
وهاي بعد الفرم
وهسة بدنا نرجع للعجينة
بدنا نقطعها قطع على قد الرغيف
هاي الصورة فيها رغفان وقطعت كمان صغار عشان اسوي بجبنة
وبعدين بفرد العجينة حتى تصير رقيقة
وراح تشوفوا بالصورة انا بستعمل فرن صغير على قد الرغيف
عشان هاد خصوصي لهيك شغلات
وانا بخبز عليه خبز عربي كمان
لانه سريع ومريح
بس بتقدروا تستعملوا الفرن العادي نفس الفكرة يعني
وهاي صورة اقرب عشان تشوفوا كيف العجينة رقيقة
اكيد انتوا انتبهتوا انه انا حاطه الرغيف من فوق
علشان طهر الفرن بيكون حامي وهيك بستوي من تحت بسرعة
وهو هيك بحط الخشوة وبفردها على الرغيف كله
وهلا صار لازم احط الرغيف من جوه
بالفرن عشان يستوي من فوق
وبنسكر الفرن لما نحس انه تنشف الرغيف
بس بدكم تنتبهوا هاي الاكلة مش لازم يكون الرغيف كتير ناشف
يعني بس شوي يتنشف وما تخلوة يتحمر كتير
وهاي النتيجة
وهاي كمان اقرب
وهاي صحن بجنة على الطاير
ههههههههههههههههههههههههه
شووووووو ان شاء الله عجبكم
ياااااااااااااااااااارب
اتمنى اشوف ردودكم الحلوة
بالله لا تنسوا الردود
يلا سلاااااااام بدي الحق قبل ما يخلصووووه
هههههههههههههههههه
وبتشتغلي بقلب ورب ههههههه زي ما بحكو .. طالع شي تحفه عنجد
وحاسه حالي دقته كمان .. قد ما هو ناطق على الشاشه .. خلص راح
احاول .. بقول بس احاول اني اعمله لاني مو شاطره بالعجين هههههه
لالا وكمان الجبنه على الطاير انا بدي فيهم قعده لحال هدول ههههههه
تسلم هالايادي اللي بتللفواا حرير .. ويعطيك الف الف عافيه حبيبتي بجننوووووووووووووووووووووا
كتبت بواسطة ام فريد 
حبيبة قلبي انتي كل الصحن الك يا عيوني
شيليه ولا يهمك انتي عندي بشوية معجنات
الله يسعدك شوووامووورة
كتبت بواسطة أم فئ يا علا والله ام فئ نورتي يا عسل
كتبت بواسطة um almajd وبتشتغلي بقلب ورب ههههههه زي ما بحكو .. طالع شي تحفه عنجد
وحاسه حالي دقته كمان .. قد ما هو ناطق على الشاشه .. خلص راح
احاول .. بقول بس احاول اني اعمله لاني مو شاطره بالعجين هههههه
لالا وكمان الجبنه على الطاير انا بدي فيهم قعده لحال هدول ههههههه
تسلم هالايادي اللي بتللفواا حرير .. ويعطيك الف الف عافيه حبيبتي بجننوووووووووووووووووووووا
فتووووش خجلتيني كتير بهالكلام الحلو والله
وبعدين انا بركن عليكي شاطرة ونص كمان
انتي جربي وانا بشوف
بجد معدله
شكلو رائع يسلموووووووو اديكي
بجد ابدعتي البوريك
انا اول مره بسمع فيهااااااا
متميزه ان شااء اللله دايماا
بالتووفيق ام ايهم
بسم الله ما شاء الله عليك
شيء بيفتح النفس يا ست الكل
و لازمني حتة
……….لا …………..شو حتة
………….. حتتين
……………. قصدي 
رغيفين و صحن فطائر الجبنة كمان 
يم يم جوعتيني و الله
يسلموا ايديك حبيبتي