السلام عليكم والرحمه
دى عجينه روعه هاتحبوها قوى وخصوصا اولادكم
نبدا فى المقادير والطريقه فى الرد الجاى
طبعا انتو خلاص عرفتوا حكايه الخميره البايته اللى بعملها مع المخبوزات لانها بتدى هشاشه وطعم نفس المحلات
اللى ميعرفش
من باليل نضع كوب دقيق مع نص كوب ماء دافى مع قطعه خميره قد البندقه و نقلب وهاتكون سايله بسيط و نغطبها كويس و نتركها تبات للصبح
الصبح بقى فى العجانه نضع الخميره دى اللى بيتناها و نشغله دقيقتين ونضع عليها
3كوب دقيق المعجنات قطعه خميره تانيه قد الحمصه مدوبه فى ملعقتين ماء دافىء ملعقه كبيره عسل نحل
بيضه ربع ملعقه صغيره ملح نص كوب لبن دافىء ملعقتين و نص كبيره سكر ممكن يبقوا 3 ونص كبار لو حبتوها مسكره شويه
و نعجن فتره ربع ساعه حتى تكون العجينه زى اللبانه
و على فكره هاتكون ملزقه شويه لكن مش هاتلزق فى ايدك وهاتعرفى قصدى كويس لما تعجنيها كويس
و نغطيها وتتخمر ساعتين
[IMG]http://www.lakii.com/img/all/Nov08/vqStmo11071630.jpg[/IMG
بعد التخمير
بعد التخمير ندهنه بالحليب و نرش سمسم على اللى عايزينه
ندخله فرن حار يكون 200 درجه واول ما ندخله فة الرف الاوسط نهدى الحراره 180 درجه مده ربع الى تلت ساعه لما يتحمر الوجه
ممكن نرش سكر يودره على المدور
اللى بالسمسم ممكن حشو جبن ومربات
الضفيره خلطه السكر البودره مع شويه حليب او ممكن شكولاته سايحه اى شىء بحبوه واتمنى يعجبكم
خفيف و هش وطرى وروعه
نورتى الموضوع
ست بيت من الطراز الاول
و ابداع يفوق الوصف
تسلم ايدك حبيبتي