بجد بجد بجد طريقة راااااااااائعة وخطيرة لعمل البيتزا احييكى عليها وخصوصا ان كل المكونات اللى استعملتيها متوفرة للكل .
بس انا عندى سؤال .. لو انا مش عندى عجانة اعمل ايه ؟؟؟؟
ياريت تردى عليا لانى جربت كل طرق المنتدى لعمل البيتزا وللاسف كلها فشلت لانى مش عندى عجانة ومرة فضلت اعجن بايدى لمدة نص ساعة كاملة وللاسف برده مش طلعت حلوة .
ثانيا : ايه نوعية الدقيق المستخدم معاكى هل فيه نوعية معينة اقدر اجيبها .. لان اقرب سوبر ماركت قريب منى هو أولاد رجب .. ياريت تفيدينى .
وشكرا ليكى ياقمر
كتبت بواسطة MarwaAhmed 
بجد بجد بجد طريقة راااااااااائعة وخطيرة لعمل البيتزا احييكى عليها وخصوصا ان كل المكونات اللى استعملتيها متوفرة للكل .
بس انا عندى سؤال .. لو انا مش عندى عجانة اعمل ايه ؟؟؟؟
ياريت تردى عليا لانى جربت كل طرق المنتدى لعمل البيتزا وللاسف كلها فشلت لانى مش عندى عجانة ومرة فضلت اعجن بايدى لمدة نص ساعة كاملة وللاسف برده مش طلعت حلوة .
ثانيا : ايه نوعية الدقيق المستخدم معاكى هل فيه نوعية معينة اقدر اجيبها .. لان اقرب سوبر ماركت قريب منى هو أولاد رجب .. ياريت تفيدينى .
وشكرا ليكى ياقمر
معليش يا حبيبتي انا لسة شايفة موضوعك دة بس بجد اصلي ما كنتش متوقعة حد يسأل عليا 
شكرا يا قمر على الكلمتين الحلوين دول و يا رب لما تعمليها تطلع ناجحة معاكي من اول مرة
بصي بقى يا ستي انا قبل ما أجيب العجانة كنت بعجن بأيدي عادي جدا و بردو بتطلع البيتزا حلوة قوي
بصي يا جميل انا بستخدم اي دقيق متعدد الاغراض او لجميع الاستعمالات زي ما بيقولوا
و ساعات بشترية من اي مخبز بتاع العيش الفينو بحس انهم بيستخدموا الدقيق الملوب للمعجنات
و سعات عادي بستخدم المغلف المشكلة هنا ممكن تكون عندك في نوع الخميرة اللي بتستخدميها
لانها طبعا بتفرق كتير و انا برشح لك انك تستخدمي يا أما خميرة بيرة و دي بردو بتجبيها من المخبز
قولي لة عاوزة بجنية عفاية عشان كل لما تستخدميها تكون طازة او هاتي كمية و غلفيها كويس و حطيها في
الفريزر و استخدمي منها المقدار اللي انتي عاوزاة او تستخدمي الخميرة الفرية او زي ما بيسموها الحبيبات
و دي ما تجيبيش فيها الانواع المصرية لانها كلها فاشلة و هما اللي كانو بيبوظوا لي العجينة اول ما بدأت اتعلم
هاتي المستوردة ها تلاقيها بتكون مضغوطة كدة في عبوات كبيرة و صغيرة و انا برشح لك الصغيرة عشان
بردو ما تركنتش كتير عندك و فية نوع تركي بستخدمة حلو قوي اسمة باشا اعتقد ممكن تلاقية عند اولاد رجب
انا كنت بجيبة من مترو و ساعات من سبينيز
بالنسبة للعجينة بقى لما تعجنيها أهم حاجة تحسي بنعومتها تحسي انها كلها أمتزجت كويس مع بعضها
و لازم تظبطي المية يعني لو لقيتي العجينة بتلزق في ايدك يعني محتاجة دقيق و لو لقيتيها مش ناعمة كدة
ضيفي لها شوية مية و انتي واحدة واحدة ها تعرفي الملمس المطلوب مع الممارسة و بعد كدة غطيعا
و سيبيها تخمر ساعة كدة او اكتر على حسب برودة الجو طبعا في الصيف بيكون التخمير اسرع
على العموم يا جميل لو أحتجتي اي حاجة تانية قولي لي و جربي مقدار صغير الاول و ان شاء الله تتظبط معاكي
و دعاوتي ليكي بالتوفيق يا جميل