اخواتي يبدو اني حكون اول وحدة تنزل طبق للمسابقة و ان شاء الله يعجبكم وطبقي حيكون لزانيا محشية بالسبانخ و الجبنة
المقادير :
2 سن ثوم
1 بصلة مفرومة
500 غم جبنة (ريكوتا او كوتاج )
1 كاسة (250 غم) جبنة موزريلا مبشورة
300 غم سبانخ متلجة(كيس واحد) مذابة و مصفاة جيدا
4 كاسة صلصة البشاميل او اكثر حسب الرغبة
لزانيا طبعا الكمية حسب الصينية المستخدمة
نيجي هلأ للطريقة :
– في قلاية صغيرة ندبل البصلة مع الثوم المهروس .
– في وعاء منفصل نخلط السبانخ مع جبنة الريكوتا ونصف كمية الموزريلا , نضيف أيضا البصل و التوم و بعدين نضيف ملح و فلفل اسود حسب الرغبة و بس و بهيك بتكوني حضرتي الحشوة ….
– هاتي صينيتك (و المقادير تكفي صينية بايركس مستطيلة بحجم 3 لتر)
اولا ضعي طبقة خفيفة من البشاميل ,و بعدين صفي طبقة من اللزانيا وبعدها طبقة من الحشوة و فوق الحشوة كمان حطي شوية صلصة, واعملي كمان طبقة وغطيها بباقي البشاميل و لا تنسي ترشي على وجهها باقي جبنة الموزريلا …
– و هيك صارت الصينية جاهزة و ما بيبقى غير انك تحطيها في الفرن لحتى تتطبخ مع بعض وتسيح الجبنة يعني حوالي 25 د .
– بس اذا كنت تستخدمي اللزانيا الجاهزة اللي ما تحتاج لسلق بدها حوالي 55-60 د
و بعد ما تطلع من الفرن اتركيها 10 د قبل ما تقطعيها اذا قدرت تصبري 
و صحتين و عافية على قلوبكم و اي سؤال انا حاضرة و ان شاء الله تعجبكم و لا تنسوا تصوتوا 